1 SAMUEL 16:5 - Pathien Lekhabu Inthieng (BSI)

⁵ Ama chun, “Thu ṭhaa hung nih e, LALPA kuoma inthâwi dinga hung ka nih; insukthieng unla, inthâwinaah hung ve ro,” a ta. Chun, Jesai le a naupasalhai chu a sukthieng a, inthâwinaa chun a ko ve a.

1 SAMUEL 16:5 ပူးပေါင်းရင်းမြစ်များ

INṬANNA 35:2

Chuongchun, Jakob chun a sûnghai le a kuoma umhai po po kuoma chun, “Nangni laia mi dang pathien umhai chu sie hmang dai unla, insukthiengin in silfênhai inthleng ro:

1 LALHAI 2:13

Chun, Haggith naupa Adonija chu Bathseba Solomon nu kuomah a feh a, ama chun, “Ṭha tieng thua hung am i nih?” a lo tih a.

1 CHANCHIN SUINA 12:18

Chun, sâwmthum laia a hotu tak Amasai kuoma chun thlarau chu a hung tlung tah a, ama chun, “David, nangma ta kan na, nangma tienga ṭhang kan nih, nang Jesai naupa; inremna, nanga kuoma chun inremna um sienla, nangma ṭhangpuituhai che kuoma khawm inremna chu um raw se; i Pathien chun a ṭhangpui si cheh a,” a ta. Chun, David chun anni chu a lâwmlût tah a, sipai pâwl hotuhaiah a siem tâwl tah a.

JOB LEKHABU (THE BOOK OF JOB) 1:5

Chun, an ruoiṭhena nihai vêl chu a kim pha chun Job chun ân chah a, anni chu a hlânthieng hlak a; zîngkâr inhmatakin a tho a, an rênga anni nizât hming kimin pumrawhmang thilinhlânhai ân hlân a: Job chun, “Ka naupasalhai hin thil lo suksuol- in, an lungrilhaiah Pathien hrilsie hlau rawi an tih,” a ti sih a. Chuong ang chun Job chun a thaw rawp hlak a.

FESUOKNA 19:10

LALPA chun Mosie kuomah, “Mipui kuoma chun fe la, vawisûn le zîngah sukthieng rawh, an silfênhai chu sâwp hai sienla;

JOEL 2:16

mipui inkhâwm unla, in- khâwmpuihai chu sukthieng unla, tarsiehai, naupanghai, nenê ne laihai kei khâwm unla, moneitu chu a pin- dana inthawkin hung suok sienla, mo khawm a pindan sûngrila inthawk chun hung suok raw se.

ZEPHANIA 1:7

Lalpa PATHIEN hmaihmaa chun to ṭhiep unla, LALPA ni chu a hnai ta hle sih a: LALPA chun inthawina chu a buotsai tah a, a mikhuolhai khawm chu a hlânthieng ta sih a.

NAMBAR 11:8

Mihai chun an rût khâwm a, rawtnawinaah an rawtnawi a, suma dâm an suk a, bêlah an suong a, bei dâmin an siem a, hang fâk chun hrieka zêu bei ang a nih.

1 KORINTH 11:28

Mi tin mani infie seng sienla, chuong ang chun bei chu fain no chu dâwn raw se.

JOSUA 3:5

Chun, Josua chun mipuihai kuomah, “Insukthieng ro, zinga hin LALPAIN nangni lai thil maktakhai a thaw ding a nih,” a ta.

JOSUA 7:13

Tho la, mipuihai hi hlânthieng phawt el rawh; chun, an kuomah, ‘Zînga dingin inhlânthieng ro khai, LALPA Israelhai Pathien chun, “Aw Israelhai, nangni lai hin thil pumpêk a um a nih, nangni laia thil pumpêk hi in lâk hmang hmakhat chun in hmêlmahai hi hne thei naw ti niu,” a ti a nih.

1 SAMUEL 20:26

Amiruokchu, Saula chun chu ni chun iengkhawm a hril nawh a, “A chungah thil ieng am a nih a um a, ân thieng naw amanih ning a ta, a thieng naw ni ngei a tih,” a ti lungril a.