1 SAMUEL 16:4 - Pathien Lekhabu Inthieng (BSI)

⁴ Chuongchun, Samuel chun LALPA hril ang chun a thaw a, Bethlehema chun a fe tah a. Khuoa upahai chun inthin pumin ama an lo tuok a, “Thu ṭhaa hung am i nih?” an lo tih a.

1 SAMUEL 16:4 ပူးပေါင်းရင်းမြစ်များ

INṬANNA 35:19

Chuongchun, Rakil chu a thih a, Ephrath lampuia chun an phûm a (Ephrath chu Bethlehem a nih).

INṬANNA 48:7

Chun, keia thu chu, Paddan- aram rama inthawka ka hung lai khan Rakil chu Kanaan ramah, lam- pui kârlakah, Ephrath chu a la hlat fe laiin, ka bulah a thih a: chutaka Ephrath lampuia chun ka phûm tah a (chu chu Bethlehem a nih)” a tih a.

2 SAMUEL 6:9

Chu ni chun David chun LALPA chu a ṭih a, “Iengtin am LALPA bâwm hi ka kuom hung tlung thei a ta aw?” a ta.

1 LALHAI 17:18

Chun, ama chun Elija kuomah, “Aw nang Pathien mi, nang le kei hi ieng am ei ni leh? Ka suolna inhriet- suoktir ding le ka naupa mi thatpêk dinga hung i ni hi tie!” a ta.

1 LALHAI 2:13

Chun, Haggith naupa Adonija chu Bathseba Solomon nu kuomah a feh a, ama chun, “Ṭha tieng thua hung am i nih?” a lo tih a.

2 LALHAI 9:22

Chun, Joramin Jehu a hei hmu chun, “Ṭha tieng thu am a nih, Jehu?” a hei tih a. Chun, ama chun a lo dawn a, “I nu Jezebel hin uiret le dâwi a chîng sûng chu ṭha tieng thu ieng am um thei a ta?” a ta.

HOSEA 11:10

LALPA chu zui an ta, Sakeibaknei anga inrûm ding chu; Anih, inrûm ngei a ta, Khaw thlang tienga inthawkin a nauhai chu Inthin pumin hung an tih.

HOSEA 6:5

Chuleiin, zâwlneihai hmangin anni ka râwt a, Ka baua thuhaiin anni ka sukhlum a nih. I chunga rorêlnahai chu var fe suok pup pup ang hi a nih.

LUKA 2:4

Josef khawm, David sûnghai le a thla a ni leiin, Galili rama Nazareth khuoa inthawka Judai rama David khuo Bethlehem an tia chun a feh a,

LUKA 5:8

Chun, Simon Peterin chu chu a hmu chun, Isu khûp bulah a bawkkhup a, “Lalpa, mi fe san rawh, mi suol ka ni hi,” a ta.

LUKA 8:37

Chun, a vêl Gerasin mihai rama mi po po chun an ṭi ta bêk bêk leiin, ama chu an kuoma inthawka fe hmang dingin an ngên a; chun, lawngah a chuong a, a kîr nâwk tah a.

1 SAMUEL 21:1

Chuongchun, David chu Nob khuoa thiempu Ahimelek kuoma chun a feh a, chun, Ahimelek chun inthin pumin David chu a lo tuok a, a kuomah, “Iengtizie am a na, i va mal de, fe pui i nei nawh a?” a lo tih a.