1 SAMUEL 15:11 - Pathien Lekhabu Inthieng (BSI)

¹¹ “Saula hi lala ka ruot hi kân sîr ngawt el a nih; a mi zui lai chu a mi hnung innghatin ka thupêk angin a thaw si nawh a,” a ta. Chun, Samuel chu a lunginsen a, zânkhawvârin LALPA chu a ko a.

1 SAMUEL 15:11 ပူးပေါင်းရင်းမြစ်များ

INṬANNA 6:6

Chuongchun, hnuoia hin mi- hriem a lo siem ta lei chun LALPA chu ân sîr a, lungril natnain a hmang pha tah a.

INṬANNA 6:7

Chuongchun, LALPA chun, “Ka mihriem siem hi hnuoi chunga inthawk hin sukbohmang el ka tih a, mihriem dâm, sa dâm, thilhring dâm, chunglêng vate dâm chen hin; ka siem ta leiin kân sîr a nih,” a ta.

2 SAMUEL 24:16

Chun, vântirkoin sukse dinga Jerusalem tienga a kut a hang inlet chun LALPAIN thil ṭha naw thaw a tum chu ân lêt a, mihai sukbo- hmangtu vântirko kuoma chun, “A hun tah ie, i kut inlet ta naw rawh,” a ta. Chun, LALPA vântirko chu Jebus mi Arauna hrizâwl bula chun a um a.

1 LALHAI 11:9

Chuongchun, LALPA chu Solo- mon chunga chun a lunginsen tah a, LALPA Israelhai Pathien a kuoma vawihni lai inlâr chu a lungrila phatsanin,

1 CHANCHIN SUINA 10:13

Chuongchun, Saula chu LALPA chunga a ringum nawna leiin a thi tah a; LALPA thu chu a zâwm nawh a, khawhri zâwl aisânthiem chu zawng suokin a râwn a,

1 CHANCHIN SUINA 21:15

Chun, Pathien chun sukse dingin Jerusalema chun vântirko a tir a; chuonga a suksiet ding lai tak chun LALPA chun a hmuh a, thil ṭha naw thaw a tum chu ân kîr a; chuongchun, a suksetu ding vântirko kuoma chun, “A hun tah, i kut tuhin chel hri rawh,” a ta. Chun, vântirko chu Jebus mi Ornan hrizâwla chun a ngîr ta zing a.

JOB LEKHABU (THE BOOK OF JOB) 34:27

Ama chu zui dinga an pêthmangsan lei le A lampuihai chu pakhat khawm an ngaisak naw leiin.

INPÂKNA HLABU 109:4

Ka lunginsiet leiin a mi dotuhai an hung ni tah a; Nisienlakhawm, kei chu ṭawng- ṭâi dingin kân pêk tlat a.

INPÂKNA HLABU 110:4

LALPA chun ṭawng ân khâm a, inlêt ta naw nih, “Nang chu Melkizedek um dân anga, Chatuon Thiempu i nih ie,” tiin.

INPÂKNA HLABU 119:136

Ka mitthli hi vadung tui angin a luong thlah a, I dân an zâwm naw leiin.

INPÂKNA HLABU 125:5

An lampui kâwia pêthai ruok hi chu, LALPA chun thil suksuoltuhai leh ṭhuoi hmang a tih; Israelhai chunga chun thlamuongna um raw se.

INPÂKNA HLABU 36:3

A baua thu suokhai chu suolna le hlêmna ruok a ni hlak a, Varna le thil ṭha thawna chu a bânsan tah a.

INPÂKNA HLABU 78:41

An ngha kîr nâwkin Pathien an fieh a, Israelhai mi inthieng chu an suknuor hlak.

INPÂKNA HLABU 78:57

Ngha kîrin, an thlatuhai angin vervêktakin an thaw ta lem a: Thalngul ringum naw angin an fe kâwi tah a;

FESUOKNA 32:11

Mosie ruok chun LALPA a Pathien chu a ngên a, “LALPA, Aigupta rama inthawka kut thahrât le thilthawtheina nasatak le i hung ṭhuoi suok hieng i mihai chunga hin iengdingin am i lunginsenna chu lum el a ta?

FESUOKNA 32:14

Chun, LALPA chun a mihai chunga thâwng ka tih tiha a hril thil ṭhanaw chu a lâkkîr tah a.

JEREMIA 11:10

An thlatuhai ka thu khawm ngai nuom lohai suolna tienga chun an kîr nâwk tah a nih; an rawngbâwl dingin an pathienhai hnung chu an zui a; an thlatuhai le ka lo siem tah ka thuthlung chu Israel sûngkuo le Juda sûngkuo hin an lo bawsiet ta a ni hi.

JEREMIA 13:17

Nisienlakhawm, in ngai naw chun, in chapona lei chun ka thla chu inrûkin ṭap a tih; LALPA berâm ruol chu sala man an ni tâk leiin ka mit chu rinum titakin ṭap a ta, mitthliin luong thlâng a tih.

JEREMIA 34:16

Amiruokchu, in inher a, ka hming chu in sukpawrche tah a; mi tin chun a siehlawpa le a siehlawnu, an nuom anga zalêna in infetir tahai chu in inkîrtir nâwk tah a; thununna hnuoia chun in lâklût nâwk a, in ta dinga siehlawpahai le siehlawnuhai ni dingin.

JEREMIA 9:1

Aw ka chipuihai naunu sukhluma um chu a sûn a zâna ka ṭa theina dingin ka lu hi tuihai ni sienla, ka mithai hi mitthli tuikhurhai hung ni sien chu!

JEREMIA 9:18

hung inhmaw hai sienla, ei ta dingin ṭapinrûm raw hai se, ei mithai chu mitthlia a far theina ding le, ei mitvunhai chun tui a phusuok theina dingin.

EZEKIEL 18:24

Nisienlakhawm, mi fel chu a felnaa inthawka ân her hmang a, suolna a thaw chun, mi riloin a thaw hlak anga tirdakumnahai po po kha a thaw ve chun, a hring ding am a nih? A thilthaw felhai, a lo thaw tahai a ieng ieng khawm kha hriet zing ni ta naw nih a, a bawsietnaa a bawsietna le, a suolnaa a suksuolna chun, chuongahai chun a thi ngei ding a nih.

AMOS 7:3

Hi thu tieng hin LALPA chu ân lêt a, LALPA chun, “Ni nâwk ta naw nih,” a ta.

JONA 3:10

Chuongchun, Pathienin an thilthawhai chu enin, an lampui ṭha naw chu an nghatsan ti a hmu a, an kuoma a hril tah thaw a tum thil ṭha naw chu, Pathien chun ân lêt a; a thaw ta nawh a.

JONA 4:2

LALPA kuoma chun a ṭawngṭai a, “Aw LALPA, ka ngên che, hi hi ni lo am a ni kan rama ka um laia ka hril kha? Hi lei hin Tarsis tieng khan ka tlân hmang a ni kha, nang chu lunginsietna hau, thil ṭha nawa inthawka inlêt nâwk hlak i ni ti ka hriet a.

ZEPHANIA 1:6

LALPA zuinaa hnungkîrtuhai le, LALPA chu zawng ngai lo a, ama chanchin khawm indawn ngai lohai chu sât thlâng ka tih.”

MATTHAI 24:13

Nisienlakhawm, a tâwpna chena tuor pei taphawt chu, chu ngei chu sandamin um a tih.

MATTHAI 5:44

Kei ruok chun ka hril cheu hi, in hmêlmahai chu hmangai unla; a suk- nawmnatuhai cheu chu ṭawngṭai- pêk ro;

LUKA 6:12

Chun, chuong lai chun a suok a, ṭawngṭai dingin tlângah a feh a, Pathien kuomah a ṭawngṭai zân- khuoh a.

HEBRAIHAI 10:38

Nisienlakhawm, ka mi fel chu Ringnain hring a tih; A hnungtawl ruok chun, Ka lungrilin amaa chun lâwmna hrim nei naw ni,”

JOSUA 22:16

an kuomah, “LALPA mipuihai po poin, ‘Israelhai Pathien chungah iengtidâna bawseh a, LALPA zuinaa chun pêthmang am in na?

1 SAMUEL 12:23

Chu chau khawm chu a ni nawh a, in ta dinga ṭawngṭai mah a, LALPA chunga suol chu keia ta ding khawma a âwm naw tawp a nih; lampui ṭha le lampui indik khîkhmu pei lem ka ti cheu.

1 SAMUEL 13:13

Chun, Samuel chun Saula kuoma chun, “I thil thaw dân hi ân vêtthlâk ngawt el: LALPA i Pathien thupêk, thu a pêk che hi i zâwm naw a nih; LALPA chun Israelhai chunga în lalna hi kumkhuoa dinga sukdet tum chu a nih a.

1 SAMUEL 15:10

Chun, LALPA thu chu Samuel kuoma chun a hung tlung a.

1 SAMUEL 15:3

Amalek mihai do dingin fe la, an thil nei po po hla hrim hrim nei dêr loin sukbohmang vawng rawh; nu- hmei le pasal, naute khawm, nêne ne laihai dâm, bâwngchal le berâm dâm, sanghâwngsei le sabengtung dâm leh sukhlum vawng rawh,’ a ti a nih,” a ta.

1 SAMUEL 15:35

Chuongchun, Samuel chun a thi ni chenin Saula chu a sir nâwk ta nawh a; amiruokchu, Samuel chu Saula leiin a lungngai a nih; chun, LALPA khawm chu Israelhai lal dinga Saula a lo siem chu ân sîr a nih.

1 SAMUEL 15:9

Amiruokchu, Saula le mipuihai chun Agag chu an hlah a, berâm ṭha ṭhahai, bâwngchal ṭha ṭhahai, a thau thau dâm, berâmte le a ṭha po po leh, chuonghai chu an sukhlum nuom nawh a; a ṭha naw le an dit naw po chu an sukhlum vawng a.

1 SAMUEL 16:1

Chun, LALPA chun Samuel kuomah, “Israel mihai lal dinga ka dit ta naw hnung chu Saula lei hin ieng chen am i lungngai ding a ni leh? I kiah hriek thun sip la, fe rawh; Bethlehem mi Jesai kuomah ka tir ding che a nih, a naupasalhai laia mi lal dingin ka ruot zing tah a nih,” a ta.

1 SAMUEL 8:6

Nisienlakhawm, a kuoma, “Ro mi rêlpêktu ding lal mi pe rawh,” an ti chun Samuel chu a suklâwm naw hleh a. Chuongchun, Samuel chu LALPA kuomah a ṭawngṭai a.