1 SAMUEL 14:6 - Pathien Lekhabu Inthieng (BSI)

⁶ Chun, Jonathan chun, a râl- thuom chawitu tlangvâl kuoma chun, “Hung rawh, sertan lo sipaihai umnaa sawn va fêng ei tih; LALPA chun thil a mi thawpêk khiet rawi mawh; LALPA ta ding chun a tam amanih, a tlâwm amaniha sandam chu ieng- khawm a thei nawna a um chuong si nawh a,” a ta.

1 SAMUEL 14:6 ပူးပေါင်းရင်းမြစ်များ

2 SAMUEL 1:20

Gath-a chun hril naw unla, Askelon kawtthlêrahai chun phuong bawk naw ro; Chuong naw chun Philistin naunuhai lâwm an ta, Sertan lo naunuhai hlimin khêk pal rawi an tih.

2 SAMUEL 16:12

LALPA chun ka rimsikzie hi hung hmûng a ta. LALPA chun vawi- sûna hienga ṭawngsie a mîn phur hi a ṭha tiengin a mi hung thung el khawm a ni thei a nih,” a ta.

2 LALHAI 19:4

A pu Assuria lalin Pathien hring hming hrilse dinga a tir Rabsake thuhrilhai po po chu, LALPA i Pathien chun hrieng a ta, a thuhril, LALPA i Pathienin a thu hriet chu a la kâwk rawi mawh; chu chu lei chun a la um sunhai chu ṭawngṭaipêk rawh,’ a ti che,” an ta.

2 CHANCHIN SUINA 14:10

Chun, Asa chu ama tuok ding chun a suok a, Maresaa Zephatha ruoma chun indo ding chun an inep tah a.

2 CHANCHIN SUINA 14:11

Asa chu a Pathien LALPA kuoma chun a khêk a, “LALPA chau naw chu, hrâtna nei lo mihai ta dinga, mi thilthawtheia inthawka ṭhangpui ding mi dang tukhawm an um nawh a; Aw LALPA kan Pathien, mi ṭhang- pui la; nangmaah kan innghat sih a, hi mipui hi i hming leiin kan hung do a ni hi. Aw LALPA nang chu kan Pathien i na, nangma chu tukhawma hne naw raw se che,” tiin.

INPÂKNA HLABU 135:6

LALPA chun a nuom taphawt chu a thaw hlak a, Vânahai, hnuoiahai, tuisuorietahai, tui inthûktak po pohaia khawm.

JEREMIA 9:23

LALPA chun hieng hin a tih: mi var chun a varna suong naw raw se; mi thilthawthei khawm chun a thilthawtheina suong bawk naw raw se; mi hausa khawm chu a hausakna suong bawk naw raw se;

JEREMIA 9:25

Ngai ta, nihai chu a hung tlung, LALPA chun a tih; sertan ni sia sertanlohai po po chu hrem ka ta,

JEREMIA 9:26

Aigupta dâm, Juda dâm, Edom dâm, Ammon thlahai le, Moab thla- hai, barêp hmul vawa thlalêra chêng- hai po po le chun, chuong hnamhai po po chu sertan lo an na, Israel sûng- kuohai po po chu lungrila sertan lo an nih.

AMOS 5:15

Suolna chu theida unla, ṭhatna ngaina unla, kawtkhâra rorêlna chu inngîr nghet ro; Josefhai laia hlabîkhai chunga chun LALPA, sipaihai Pathien chun lunginsietna a nei el rawi mawh.

ZEPHANIA 2:3

Nangni a rorêlnahai anga thaw- tu, hnuoi chunga zainêm po pohai, LALPA chu zawng ro; felna chu zawng unla, zainêmna chu zawng ro; LALPA lunginsenna nia chun thupa in um theina dingin.

ZEKARIA 4:6

Ama chun ka kuomah, “Hi hi Zerubbabel kuoma LALPA thu, ‘Sipai- in ni loin, thilthawtheina khawma ni loin, amiruokchu, ka thlarauin,’ tiha sipaihai LALPAIN a hril chu a nih,” a ta.

NAMBAR 10:32

Keini leh i fe ve chun, LALPAIN thil ṭha a mi thawpêk ang peiin thawpêk vêng kan ti che,” a ta.

NAMBAR 31:4

Israel hnam po pohai laia hnam tina mi sâng khat pei indonaah in fe ding a nih,” tiin.

MATTHAI 19:26

Chun, Isûn anni chu a en a, an kuomah, “Chu chu mihriem dingin thaw ruol a ni nawh a; Pathien ding ruok chun iengkim thaw thei a nih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:31

Chuong thua chun ieng am hril tâng ei ta? Pathien eini tieng a ṭhang chun tuin am mi do thei a ta?

DÂN PAHNINA 32:30

Iengtin am pakhatin sâng hnawt a ta, Pahniin sîng intlânsiettir an ta, An Lungpuiin anni a zawr a, LALPAIN anni ân hlân a ni si naw chun?

PHILIPPI 3:3

Eini Pathien Thlarau zâra Pa- thien bie le, Krista Isu suong le, taksa chunga ringna innghat nawhai hi, Sertanhai ei ni lem sih a.

JOSUA 14:12

Chuongchun, hi tlâng LALPAIN kha nia a lo hril ta kha mi pe el ta la, khânga Anakim mihai an um a, an khawpuihai khawm a ropuiin kula inhuon khup a nih ti kha nia khan i hriet kha, LALPA chun mi umpuiin, anni chu ka hnawt suok thei rawi mawh, LALPAIN a lo hril ta ang khan,” a ta.

RORELTUHAI 15:18

chun, a dang a hung châr ta êm êm el a, LALPA chu a ko tah a, “Nangin i siehlaw kut hi hmangin ropuitakin i mi lo sansuok tah a, tuhin dangchârin ka thi elin, sertannawhai kuta hin ka tlulût el ding am a nih?” a tih a.

1 SAMUEL 14:5

Lungpui indaw pakhat chu Mikmas hmârtieng panga um a na, a dang pakhat chu Geba zâwn simtieng panga um a nih.

1 SAMUEL 14:7

Chun, a râlthuom chawitu chun a kuomah, “I lungrila um angtak chun thaw rawh, ngai ta, i lungril angtak chu ka lungril a nih,” a ta.

1 SAMUEL 17:26

Chun, David chun a kâwla ngîrhai kuoma chun, “Hi Philistin mi hi sukhlum a, Israelhai hmingsietna sukbotu chu iengti anga thaw ding am nîng a ta? Hi sertan lo Philistin mi hi tu am a na Pathien hring sipaihai a hei cho vei chu?” a ta.

1 SAMUEL 17:36

I siehlaw hin sakeibaknei le savawm khawm ka sukhlum ve ve ta hlak a; chu sertan lo Philistin mi chu anni ang bawk chun um ve el a ti maw le, Pathien hring sipaihai a cho vei a,” a ta.

1 SAMUEL 17:46

Vawisûn hin LALPAIN nang hi ka kutah a mi pêk ding a nih, chun, that ka ti cheh a, i lu ka tanpêk ding che a nih; chun, Philistin sipaihai ruong chu vawisûn hin ramsahai le chunglêng vatehai kân fâktir ding a nih; chuongchun, hnuoi chunga mi po po hin Israelhai lai hin Pathien a um ti hre thei an tih;

1 SAMUEL 17:47

chun, hitaka pungkhâwmhai po po hin LALPA chun kâwlhnâm le feiin a sandam nawh ti hre thei an tih; indona chu LALPA indona a ni sih a, ama chun kan kuta hin nangni hi a mi pêk ding a nih,” a ta.

1 SAMUEL 31:4

Chuongchun, Saula chun a râl- thuom chawitu kuoma chun, “I kâwlhnâm kha phawi la, mi hang sunthleng rawh, chuong naw chun hieng sertanlohai hi hung an ta, mi hung sunthleng an ta, mi uongkhum nghe nghe rawi an tih,” a ta. Nisien- lakhawm, a râlthuom chawitu chun a thaw nuom nawh a, a ṭi êm êm el sih a. Chuleiin, Saula chun kâwlhnâm chu a lâk a, a bawlût tah a.