1 SAMUEL 14:47 - Pathien Lekhabu Inthieng (BSI)

⁴⁷ Saula chu Israelhai chunga rorêltua a hang ṭhang chun kil tina a hmêlma, Moab mihai, Ammon thla- hai, Edom mihai, Zoba lalhai dâm, Philistin mihai chu a do a; ân herna tienga taphawt chu a hne pei el a.

1 SAMUEL 14:47 ပူးပေါင်းရင်းမြစ်များ

INṬANNA 19:37

A upa lem chun naupasal a nei a, a hmingah Moab a sak a: ama chu tulaia Moab mihai thlatu a nih.

INṬANNA 19:38

A naupang lem khawm chun naupasal a nei veh a, a hmingah Ben-ammi a sak a; ama chu tulaia Ammon thlahai thlatu a nih.

INṬANNA 36:1

Chun, hieng hi Esau thlahai chu an nih (Esau chu Edom a nih).

INṬANNA 36:19

Hieng hi Esau naupasalhai chu an nih; hieng hi anni laia hotuhai chu an nih: Esau chu Edom a nih.

INṬANNA 36:8

Chuongchun, Esau chu Seir tlânga chun a um tah a; Esau chu Edom a nih.

2 SAMUEL 1:22

Thathai thisena inthawk le, mi thilthawthei thâua inthawk chun, Jonathan thal chu a lêt nawh a; Saula kâwlhnâm chu a thlâwnin a lêt bawk nawh.

2 SAMUEL 10:6

Chun, Ammon thlahai chun David theida zâwng an lo ni tah ti an hung inhriet chun Ammon thlahai chun Beth-rehoba mi Suria mihai le Zobaa mi Suria mihai, sipai sîng hni le, lal Maaka mi sîng khat leh, Topa mihai sîng khat le sâng hni leh an inchah a, an ruoi a.

2 SAMUEL 8:15

Chuongchun, David chun Israel mi po pohai chungah ro a rêl a; chun, David chun a mihai po po chunga chun feltakin ro a rêl a.

2 SAMUEL 8:3

David chun Euphrates vadunga a ram la dinga a fe malamin Zoba leh Rehob naupa Hadadezer chu a thawh a.

1 LALHAI 11:23

Chun, Pathienin a hmêlma dingin Eliada naupa Rezon, a pu Hadadezer, Zoba lal kuoma inthawka tlânhmang ta kha a hung inngîrsuok nâwk tah a.

2 LALHAI 14:27

LALPAIN Israelhai hming hi vânkhuphnuoia hin a sukchimit dêr ding a nih ti chu a lo hril naw hrim a. Joas naupa Jeroboam hmangin a sandam ta lem a nih.

1 SAMUEL 12:2

Tuhin, ngai ta u, lal chun a lo keihruoi ta cheu a, kei chu ka hung tarin ka lu khawm ân ṭuok tah a; chun, ngai ta u, ka naupasalhai chu nangni lai an um a, ka tleirâwla inthawkin tu chen hin ka keihruoi cheu a.

1 SAMUEL 13:1

Ro a rêl ṭan chun Saula chu kum sâwmthuma upa a na; Israelhai chungah kum hni ro a rêl a.

1 SAMUEL 14:46

Chuongchun, Saulan Philistin mihai a hnawt chu a kîrsan tah a; chun, Philistin mihai khawm chu anni umna hmunah an fe tah a.

1 SAMUEL 14:52

Chuongchun, Saula dam sûng po po chun Philistin mihai le hin nasatakin an indo hlak a; chun, Saula chun mi hrât amanih, mi huoi amanih a hmu taphawt chu a lâk pei hlak a nih.

1 SAMUEL 21:7

Chun, chu ni chun Saula siehlaw laia mi pakhat LALPA hmaa hrên a um a, a hming chu Doeg a nih, Edom mi, Saula ran vêngtuhai laia hotu tak a nih.