1 SAMUEL 14:18 - Pathien Lekhabu Inthieng (BSI)

¹⁸ Chun, Saula chun Ahija kuoma chun, “Pathien bâwm chu hang la raw khai,” a tih a. Chuong lai chun Pathien bâwm chu Israel thlahai laia um a na.

1 SAMUEL 14:18 ပူးပေါင်းရင်းမြစ်များ

2 SAMUEL 11:11

Uria chun David kuomah, “Pathien bâwm le Israelhai le Juda- hai chu bûkah an um a, chun, ka pu Joab le ka pu mihai chu ramhnuoiah an inkul bawk a; kei ka ina fein fain dâwnin, ka nuhmei kuomah ka zâl bîk ding maw? I hringna le i thlarau hringna sâlin ka hril a nih, chu chu thaw naw tawp ka tih,” a ta.

NAMBAR 27:21

Chuongchun, ama chu thiempu Eleazar hmaa chun ngîr a ta, ama chun LALPA hmaah Urimin thu la pêk a ta, a thuin suok an ta, a thuin lût an ta, ama le Israel thla po pohai, pungkhâwmhai po po leh,” a ta.

RORELTUHAI 20:18

Chun, Israel thlahai chu an tho a, Bethelah an hang feh a, Pathien an hang rawn a, “Benjamin thlahai chu tu am a na hang thaw hmasa ding?” an tih a. LALPA chun, “Judahai hang fe hmasa raw se,” a tih a.

RORELTUHAI 20:23

(Chun, Israel thlahai chu an hang feh a, Pathien hmaah zântieng chenin an hang ṭap a, “Kan unau Benjamin thlahai hi do dingin kan hang inthawk nâwk ding am a nih?” tiin LALPA an indawn a. LALPA chun, “Hang thaw nâwk ro,” a tih a).

1 SAMUEL 14:17

Chuongchun, Saula chun a kuoma mipui umhai kuoma chun, “Tuhin intiem unla, tuhai hai am an na a kim naw?” a ta. Chun, an hang intiem chun ngai ta, Jonathan le a râlthuom chawitu chu an lo um ve ta nawh a.

1 SAMUEL 14:36

Chun, Saula chun, “Zânah Philistin mihai chu zu thaw inla, zîng khawvar chenin rawk ei tiu khai, tukhawm hla hrim hrim nâwng ei tiu,” a ta. Chun, anni chun, “Ṭha i ti ang angin thaw rawh,” an ta. Thiem- pu ruok chun, “Hi lai hin Pathien hnai phawt ei tiu khai,” a ta.

1 SAMUEL 23:9

David chun Saula chun a chunga thil ṭha naw a ngaituo ti chu a lo hriet a, thiempu Abiathar kuoma chun, “Thiempu zakawsîng kha hung la ta khai,” a ta.

1 SAMUEL 5:2

Chun, Philistin mihai chun Pathien bâwm chu an lâk a, Dagon biekna inah an lâklût a, Dagon kâwla chun an sieh a.

1 SAMUEL 7:1

Chun, Kiriath-jearim khuoa mi- hai chu an zu feh a, LALPA bâwm chu an zu lâk a, tlânga Abinadab ina chun an lâklût a, a naupa Eleazar chu LALPA bâwm enkawltu dingin an suktum a.