1 SAMUEL 14:15 - Pathien Lekhabu Inthieng (BSI)

¹⁵ Chun, riekhmuna mihai, phûla mi dâm, mipuihai po po chu an inthin a; chun, râl vêngtu sipaihai le râlrûkhai khawm chu an inthin veh a, chun, simkhawleihnuoi ân hning a, nasataka inthinna a um a.

1 SAMUEL 14:15 ပူးပေါင်းရင်းမြစ်များ

INṬANNA 35:5

Chun, an feh a, an vêla khuohai chun an lo ṭi nasa hleh a, Jakob naupasalhai chu an hnawt ngam nawh a.

2 SAMUEL 5:24

Chun, thingtheihmi kûng lêra fe ri ṭhup ṭhup ang i hriet pha chun châng rawh, Philistin sipaihai thaw dingin i hmaah LALPA a suok tah tina nîng a tih,” a ta.

JOB LEKHABU (THE BOOK OF JOB) 18:11

Kil tina chun ṭitumnahai chun ama sukṭîng a ta. A kekhawnghai sir peiin hnawt a tih.

INPÂKNA HLABU 14:5

Chutaka chun ṭi bêk bêkin an um a, Pathien chu mi fel thlahai lai chun a um hlak leiin.

FESUOKNA 19:18

LALPA chu meichawka a hung ṭum leiin, Sinai tlâng po po chu a khu ta vawng el a; chu khu chu rawtuina meikhu angin ân tung ta lui el a: tlâng chu nasatakin ân hnîng bawk a.

DANIEL 5:6

Chun, lal hmêlput dân chu a hung danglam a, a ngaituonahai chun ama a sukbuoi tah a; a kâwngru insuktuoknahai chu a hung inthâwt a, a khûp le khûp chu an invuoktuo tah a.

MATTHAI 24:6

Chun, indo thu le indo thuthang la hrieng in ta; in lunginzîng nawna dingin fîmkhur ro; chuong chu a hung tlung ding hrim a nih; nisien- lakhawm, tâwpna chu la ni hri naw nih.

JOSUA 2:9

chu mihai kuoma chun, “Hi ram hi LALPAIN a pêk ta cheu a, in ṭitumna hin a mi del tâwl tah a, hi rama chênghai po po hi in hmaa hin an intui zo tah a ni ti ka hriet a.

RORELTUHAI 7:21

Kul vêla chun mi tin mâni ngîrhmun senga chun an ngîr a. Chuongchun, sipaihai po po chu an tlân tah a, chun, an khêk rak rak a, an intlânsiettir tah a.

1 SAMUEL 13:17

Chun, râlrûk pâwlhai chu Philistin mihai ṭhanghmuna in- thawkin pâwl thumin an hung suok a; pâwl khat hai chun Shual rama Ophra tieng pan lampui an hrawh a,

1 SAMUEL 13:18

chun, pâwl khat chun Beth- horon tieng pan lampui an hrawh a; chun, pâwl khat chun thlalêr dep Zeboim ruom tieng ngha ramri lampui chu an hrawh a.

1 SAMUEL 13:23

Chun, Philistin râl vêngtu sipaihai chu Mikmas kâwna chun an suok tah a.

1 SAMUEL 14:14

Chuongchun, Jonathan le a râlthuom chawituin an that hmasa tak ṭum chun ṭin chenve hmun ding ang vêla hin mi sâwmhni amani lai an that a nih.

1 SAMUEL 14:16

Chun, Benjamin ram Gibeaa Saula râl vêngtuhai chun an hang thlîr vêl a, ngai ta, mipuihai chu an ṭe dar hum hum a, khingtieng khing- tiengah an invâk nuoi nuoi el a.

1 SAMUEL 7:10

Chun, Samuelin pumrawhmang thilinhlân ân hlân lai tak chun Philistin mihai chun Israel mihai chu thaw dingin an hung hnai a, nisien- lakhawm, chu ni chun LALPAIN Philistin mihai chungah vân nasa- takin ân rûmtir ta dur dur el a, a sukbuoi tah a; Israel mihai hmaa chun an tlâwm ta dêr el a.