1 SAMUEL 14:1 - Pathien Lekhabu Inthieng (BSI)

¹ Ni khat chu Saula naupa Jonathan chun a râlthuom chawitu tlangvâl kuoma chun, “Hung ta, khingtieng râl Philistin mi râl vêngtu sipaihai umnaa sawn va fêng ei tih,” a ta. Nisienlakhawm, a pa chu a hril nawh a.

1 SAMUEL 14:1 ပူးပေါင်းရင်းမြစ်များ

MIKA 7:5

Ruol chu ring naw unla, ṭhuoitua chun ringna innghat naw ro; i âng- sûnga umnu kuom ngeia khawm chun i bau kawtkhârhai chu vêng ṭha rawh.

RORELTUHAI 14:6

Chun, LALPA thlarau chu a chungah nasatakin a hung tlung a, chuongchun, kêlte kei nâwi takin a kei nawi el tah a, iengkhawm a chawi si nawh a; nisienlakhawm, a thil thaw chu a nu le pa chu a hril nawh.

RORELTUHAI 14:9

Chu chu a lâk a, a fe nâwk tah a, fe malam chun a fâk pei a; chun, a nu le pa kuom chu a hang tlung a, anni khawm a pêk veh a; anni khawm chun an fâk a, amiruokchu, khuoizu chu sakeibaknei taksaa inthawka a lâk a nih ti iengkhawm a hril nawh a.

RORELTUHAI 6:27

Chuongchun, Gideon chun a siehlawhai laia mi sâwm a ṭhuoi a, LALPAIN a kuoma a hril ang chun a thaw tah a; nisienlakhawm, a pa sûnghai le khawpuia mihai chu a ṭi leiin sûnah a thaw ngam nawh a, zânah a thaw a nih.

1 SAMUEL 13:2

Chun, Saula chun Israelhai laia mi sâng thum a thlang a, sâng hni chu Mikmasa le Bethel tlângah Saula kuomah an um a; sâng khat chu Benjamin rama Gibeaa Jonathan kuomah an um a; a dang po chu anni puon inah ân fetir vawng a.

1 SAMUEL 13:22

Chuongchun, an indo ni chun Saula le Jonathan kuoma mi umhai chun kâwlhnâm amanih, fei amanih nei hrim hrim an um dêr nawh a; Saula le a naupa Jonathan ruok chun an nei a.

1 SAMUEL 13:23

Chun, Philistin râl vêngtu sipaihai chu Mikmas kâwna chun an suok tah a.

1 SAMUEL 14:2

Saula chu Gibea ram hmawr tieng daia Migrona theibufai kûng hnuoiah a um a; a kuoma mi umhai chu za ruk amani lai an na.

1 SAMUEL 25:19

Chun, a siehlaw tlangvâlhai kuoma chun, “Ka hmaah lo fe pei unla, ngai ta u, hung zui ka ti cheu,” a ta. Nisienlakhawm, a pasal Nabal chu a hril nawh a.