1 SAMUEL 13:5 - Pathien Lekhabu Inthieng (BSI)

⁵ Chun, Philistin mihai chu Israel- hai do ding chun an inpun khâwm ta ṭeu el a, tawlailîr sîng thum, sakawr chung chuong mi sâng ruk, sipai chu tuisuoriet panga phaiphin zât zet an nih; chun, an hang feh a, Beth-aven saktieng panga Mikmasa chun ṭhanghmun an khuor a.

1 SAMUEL 13:5 ပူးပေါင်းရင်းမြစ်များ

INṬANNA 22:17

mal sâwm ngei ngei ka ti cheh a, vâna arasi zât le tuisuoriet panga phaiphin zâtin i thlahai chu la sukpung ngei ngei ka ta, i thlahai chun an dohai kul kawtkhâr chu neipêk an ta, ka thu i âwi ta leiin,

2 SAMUEL 17:11

Keia remruot ve dân chu, Israel mi po po chu Dana inthawkin Beer- seba tlung rakin an tamzie tuisuo- rieta phaiphin zât zetin i kuomah ko khâwm la; chun, indonaa khawm chun nang meu khawm fe ve la.

1 LALHAI 20:27

Chun, Israel thlahai chu an pungkhâwm a, fâk dinghai an thak zet zet a, thaw dingin an inthawk tah a; chun, Israel thlahai chun kêlte tlâwmte ruol hni ang chau tê hin an va ep veh a; Suria mihai ruok chu a ram sip hin an sip mup el a.

2 CHANCHIN SUINA 1:9

Tuhin, Aw LALPA Pathien, ka pa David kuoma i thutiem chu suk- puitling ni raw se; tam tienga hnuoia pilvut zât rau ang mipui chunga hin lalah i mi siem ta sih a.

ISAI 10:28

Aiath khuo a tlung tah, Migron khuo a fe thleng tah; Mikmas khuoa chun a thuomhnaw a sie tah:

ISAI 48:19

in thlahai khawm ṭieu phaiphin zâta umin, in rîla rahai khawm ṭieu pilvut mal tê tê zât rauin an um ding bah: an hming chu ka hmaa inthawka thaihmangin um naw nih a, sukbo- hmangin um bawk naw ni,” tiin.

JEREMIA 15:8

Tuisuorieta phaiphin nêk hman- in an hmeithaihai chu ka sukpung lem a, sûn changlai chun nuhai le tlangvâlhai chunga chun suksetu ka hung intlungtir a, amânu chunga chun ṭitnahai le lunginzîngnahai kân tlâktir thut a.

HOSEA 10:5

Samaria rama chênghai chu Beth-aven bâwngtê lei chun thlaphângin um an tih; A kuoma inthawka a bo ta leiin chutaka mihai chu lungngai an ta; Chutaka thiempuhai a ropuina chunga lo lâwm hlakhai khawm.

HOSEA 4:15

Israel, nang chun nawchizawr chîng la khawm, Juda chu tlu ve lul naw raw se. Gilgala chun hung naw unla, Beth-avena khawm hang fe naw ro; “LALPA a hring zing angin” tiin inkhâm bawk naw ro.

HOSEA 5:8

Gibea khuoa chun tawtawrâwt mût unla, Rama khuoa chun tawtawrâwt mût ro; Beth-avena chun khêk rak rak unla, Aw Benjamin, i hnung tieng kha!

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:27

Isai khawma Israelhai thu khêkpuiin, “Israel mihai chu tuisuorieta phaiphin zâtin tam hai sien khawm, a ihrem bâk chau chu sandamin um an tih.

JOSUA 11:4

An sipai ruolhai leh mi tamtak, an tam tieng chu tuisuoriet kama phaiphin zât zet, sakawr le tawlailîr tamtak leh an inthawk tah a.

JOSUA 18:12

Hmârtieng panga an ramri chin chu Jordana inthawkin a na; chun, ramri chu Jeriko sîrah hmârtieng pangah a hang fe pei a, thlangtieng panga chun tlâng ramah a hang fe pei a, ramri tâwpna chu Beth-aven thlalêrah a nih.

JOSUA 7:2

Chun, Josua chun Jeriko khuoa inthawk chun Bethel saktieng, Beth-Aven dep Ai khuoa chun mihai a tir a, an kuomah, “Hang fe unla, ram hang enthla ta u,” tiin a hril a. Mihai chu an hang feh a, Ai khuo chu an hang enthlâk tah a.

RORELTUHAI 7:12

Chun, Midianhai le Amalekhai le khawsak nauhai po po ruoma chun khâu ang elin tamtak an lo um hmur el a; an sanghâwngseihai chu tiem sêng ruollo, an tam tieng chu tui- suoriet kama phaiphin zât zet an nih.

1 SAMUEL 13:11

Chun, Samuel chun, “Ieng am a ni leh i lo thaw chu?” a ta. Saula chun, “Mipuihai chun an mi fe hmangsan tah a; nang hlak chu ni ruot nia chun i hung tlung ta nawh a; Philistin mihai hlak chu Mikmasa chun an pung- khâwm huk tah ti ka hriet sih a.

1 SAMUEL 13:2

Chun, Saula chun Israelhai laia mi sâng thum a thlang a, sâng hni chu Mikmasa le Bethel tlângah Saula kuomah an um a; sâng khat chu Benjamin rama Gibeaa Jonathan kuomah an um a; a dang po chu anni puon inah ân fetir vawng a.

1 SAMUEL 14:23

Chuongchun, LALPAIN chu ni chun Israel mihai chu a sanhim tah a, chun, Beth-aven tlung rakin an thawh a.

1 SAMUEL 14:52

Chuongchun, Saula dam sûng po po chun Philistin mihai le hin nasatakin an indo hlak a; chun, Saula chun mi hrât amanih, mi huoi amanih a hmu taphawt chu a lâk pei hlak a nih.

1 SAMUEL 17:1

Chun, Philistin mihai chun indo dingin an sipaihai an kei khâwm ṭeu el a. Judai ram sûng Soko khuoah an pungkhâwm a; Ephes- dammim hmunah Soko khuo le Azeka khuo inkâra chun ṭhanghmun an khuor a.

1 SAMUEL 7:13

Chuongchun, Philistin mihai chu an tlâwm tah a, Israelhai rama chun an fe nâwk ta nawh a. Chun, LALPA kut chun Philistin mihai chu Samuel dam sûng po chun a tai ta zing a.