1 SAMUEL 13:13 - Pathien Lekhabu Inthieng (BSI)

¹³ Chun, Samuel chun Saula kuoma chun, “I thil thaw dân hi ân vêtthlâk ngawt el: LALPA i Pathien thupêk, thu a pêk che hi i zâwm naw a nih; LALPA chun Israelhai chunga în lalna hi kumkhuoa dinga sukdet tum chu a nih a.

1 SAMUEL 13:13 ပူးပေါင်းရင်းမြစ်များ

INṬANNA 31:28

ka naunuhmeihai le ka tuhai khawm ka fâwp i phal naw am an leh? Invêtthlâktakin a nih thil i thaw hi.

2 SAMUEL 24:10

Chun, mihriem an hang tiem zo chun David lungril chu a na ta hle el a. David chun LALPA kuomah, “Ka thilthawa hin nasatakin ka lo suol tah a nih; nisienlakhawm, tuhin aw LALPA, i siehlaw rîtlona hi sie hmang dingin ka ngên che, invêttakin ka lo thaw tah a nih,” a ta.

1 LALHAI 18:18

Ama chun a dawn a, “Israelhai hi ka suklungzîng nawh ie, nang le i pa sûnghaiin annâwm an suk- lungzîng lem chu. LALPA thupêkhai chu nghatsana, Baalhai i pawm lem tâka hin.

1 LALHAI 21:20

Chun, Ahab chun Elija kuomah, “I mi hung hmu ta maw, ka hmêl- mapa?” a ta. Chun, ama chun a dawn a, “Ka hmu ta che a ni hi, LALPA mithmua thil ṭha naw thaw dingin inzawr ta che chu.

1 CHANCHIN SUINA 10:13

Chuongchun, Saula chu LALPA chunga a ringum nawna leiin a thi tah a; LALPA thu chu a zâwm nawh a, khawhri zâwl aisânthiem chu zawng suokin a râwn a,

2 CHANCHIN SUINA 16:9

Ama tienga lungril ṭha famkim puttuhai chunga a hrâtzie insuklang dingin LALPA mit chun hnuoi chung po poa kil le kap a en vêl ruoi hlak. Hitaka hin nang chun invêtthlâktak el chun i lo thaw tah a, chuleiin, tuta chin chu indonahai khawm nei zing tâng i tih,” a ta.

2 CHANCHIN SUINA 19:2

Chun, Hanani naupa zâwlnei Jehu chu ama tuok dingin a lo va fe suok a, lal Jehosaphat kuoma chun, “Mi rilo chu ṭhangpuiin, LALPA theidatu chu i hmangai ding a ni maw? Hi thil lei hin LALPA lungsen- na chu i chungah a um a nih.

JOB LEKHABU (THE BOOK OF JOB) 34:18

Lal kuomah, ‘I suol a nih’ tih a, Mi ṭhahai kuomah, ‘In rilo a nih’ titu;

THUVARHAI 12:8

Mi chu a varna anghu peiin hrilmawi nîng a ta, Lungril khêlinhlip nei mi ruok chu ngainêp nîng a tih.

THUVARHAI 19:3

Mihriem invêtna chun a lampui chu a sukkâwi a, A lungril chu LALPA chungah a lungsen hlak.

ISAI 39:5

Chuongchun, Isai chun Hezekia kuoma chun, “Sipaihai LALPA thu hi hre rawh.

JEREMIA 18:10

ka mithmua chun thil ṭha naw a thawa, ka râwl a ngai naw chun, anni sukṭhatna dinga ka ti thil ṭha chu la kîr ka tih.

1 SAMUEL 1:22

Hanna ruok chu a hang fe ve nawh a; a pasal kuoma chun, “Kei chu naute hin nêne nêk a bân hmakhat chu hang fe ve naw ning ah; chu pha ruok chun LALPA hmaha ân lang theina dingin ṭhuoi ka ta, chutaka chun um zing el tâng a tih,” a ta.

1 SAMUEL 13:12

Chuleiin, ‘Philistin mihai chun Gilgala hin an mi hung thaw ding a ni ṭep sih a, LALPA lunginsietna hlak ka la hni si nawh a,’ ka tih a. Chu- leiin, pumrawhmang thilinhlân chu inhlân naw thei ka ni naw a nih,” a ta.

1 SAMUEL 15:11

“Saula hi lala ka ruot hi kân sîr ngawt el a nih; a mi zui lai chu a mi hnung innghatin ka thupêk angin a thaw si nawh a,” a ta. Chun, Samuel chu a lunginsen a, zânkhawvârin LALPA chu a ko a.

1 SAMUEL 15:22

Chun, Samuel chun, “LALPA chun LALPA thu zâwm chu a lâwm angin pumrawhmang thilinhlânhai le inthâwinahai hi a lâwm am a nih? Ngai ta, inthâwina nêkin thuawi chu a ṭha lem a, berâmchal thau nêkin a thu pawm chu a ṭha lem a nih.

1 SAMUEL 15:28

Chun, Samuel chun a kuomah, “Vawisûna inthawk hin LALPA chun Israel ram hi a lâkpêk ta cheh a, i nêka ṭha lem i tuolbâwm a pêk tah a nih.

1 SAMUEL 16:1

Chun, LALPA chun Samuel kuomah, “Israel mihai lal dinga ka dit ta naw hnung chu Saula lei hin ieng chen am i lungngai ding a ni leh? I kiah hriek thun sip la, fe rawh; Bethlehem mi Jesai kuomah ka tir ding che a nih, a naupasalhai laia mi lal dingin ka ruot zing tah a nih,” a ta.

1 SAMUEL 26:21

Chuongchun, Saula chun, “Thil ka lo thaw suol dêr el a nih, ka naupa David, hung kîr nâwk rawh, i mithmuah ka hringna hi vawisûn hin a hlut êm leiin iengkhawm law ta naw hrim hrim ka ti che, ngai ta, thil invêtthlâktak ka lo thaw tah a, ka lo thaw suol dêr el a ni ta hi,” a ta.