1 SAMUEL 12:5 - Pathien Lekhabu Inthieng (BSI)

⁵ Chun, ama chun an kuomah, “Ka kuta hin âwm naw ieng khawm in hmu nawh ti vawisûn hin LALPA chu nangni laia hretu a nih; a hriek nâl khawm chu hretu a nih,” a ta. Chun, anni chun, “Ama chu hretu a nih,” an ta.

1 SAMUEL 12:5 ပူးပေါင်းရင်းမြစ်များ

INṬANNA 31:50

Ka naunuhmeihai hi i sukrim- sih a, ka naunuhmeihai ni lo nuhmei dang i nei chun, tukhawm ei kuoma hin an um nawha chu, en ta, Pathien chu kei le nanga kâra hretu a nih,” a tih a.

JOB LEKHABU (THE BOOK OF JOB) 16:19

Ngai ta, tu khawm hin ka hrietpuina chu vânah a um a, Ka ta dinga hre zingtu chu chungtieng a um a nih.

JOB LEKHABU (THE BOOK OF JOB) 42:7

Chun, LALPA chun Job kuoma hieng thuhai hi a hril zo chun LALPA chun, Teman mi Eliphaz kuoma chun, “Nanga chunga le i ruol pahni hai chunga chun ka lungsenna chu a hung zuol a nih, ka siehlaw Job anga keima chungthua thil indik chu in mi hrilpêk naw leiin.

INPÂKNA HLABU 17:3

Ka lungril hi i fieh a, zânah nangin i mi hung sir a; I mi fie tah a, iengkhawm i hmu si nawh a; Ka baua hril suol lo chu ka tum tlat a nih.

FESUOKNA 22:4

A thil inrûk chu, bâwngchal amanih, sabengtung amanih, berâm amanih a hringa a kuta hmu a ni chun, a lêthni peiin thung a tih.

JOHAN 18:38

Pilatin a kuomah, “Thutak chu ieng am a na?” a ta. Chun, chu thu chu a hril phingleh, Judahai kuomah a va suok nâwk a, an kuomah, “Iengkhawm a suol ka hmu nawh.

THILTHAWHAI 23:9

Chuongchun, nasatakin an buoi tah a; Pharisai tienga mi Dân inchûktirtu ṭhenkhat an ngîr a, an sêl a, “Hi mipa hi a suolna iengkhawm kan hriet nawh ie; thlarau khawmin, vântirko khawmin ama hi be sienla ieng am pawi a ta?” an ta.

THILTHAWHAI 24:16

Chuleichun, Pathien kuom tienga le mihriem tienga khawm lungril suol naw mawl hi vawn tlat ka tum hlak.

THILTHAWHAI 24:20

Annawleh, hienghai ngei hin rorêltu hmaa ka ngîr lai khan, ka suksuol ieng am an hmuh a, hril raw hai se,

1 KORINTH 4:4

Iengkhawm indemna ding kân hriet si nawh a, nisienlakhawm, chu chun thiem a mîn changtir chuong nawh, a mi fietu chu Lalpa a ni lem.

2 KORINTH 1:12

Kan isuong chu hi hi a nih: kan sie le ṭha hrietna thu inhriettir chu, inthiengna le Pathien indikna neiin, tisa varnaah ni loin, Pathien lungin- sietna lemin, khawvêla hin kan châng kha, nangni tiengah kan châng ṭha nâwk zuol a.

1 SAMUEL 12:4

Anni chun, “I mi hlêm ngai nawh a, i mi suknawmna ngai bawk nawh a, tu kuta inthawk khawma lâk âwm lo chu i lâk ngai bawk nawh,” an ta.

1 SAMUEL 26:9

Nisienlakhawm, David chun Abisai kuomah, “Sukbohmang naw rawh, LALPA hrieknâl chunga kut thlâka thiem chang thei tu am um an ta?” a ta.