1 SAMUEL 12:19 - Pathien Lekhabu Inthieng (BSI)

¹⁹ Chun, mipui po po chun Samuel kuoma chun, “Kan thi nawna dingin LALPA i Pathien kuoma chun i siehlawhai hi mi ṭawngṭaipêk rawh, hi thil ṭha nawtak, lal kan lo hni hi, kan suol po po belsatu a ni ta hi,” an ta.

1 SAMUEL 12:19 ပူးပေါင်းရင်းမြစ်များ

INṬANNA 20:7

Chuongchun, tuhin mi nuhmei kha pe kîr nâwk rawh; ama chu zâwl- nei a ni sih a, ṭawngṭaipêk a ti cheh a; chun, dam el i tih: i pêk kîr nâwk naw chun i thi ngei ding a nih ti hre rawh, nang le i nei po pohai leh,” a tih a.

JOB LEKHABU (THE BOOK OF JOB) 37:13

A hnuoi ta dingin amanih, sukdikna lem dingin amanih, Annawleh, zângaina leiin amani a hungtir hlak a.

JOB LEKHABU (THE BOOK OF JOB) 42:8

Chuleiin, tuhin bâwngchal pasa- ri le berâmchal pasari kei unla; ka siehlaw Job kuoma chun fe unla, nangni ta ngei dingin pumrawhmang thilinhlân chu inhlân ro; chun, ka siehlaw Job chun ṭawngṭaipêk a ti cheu a, ama a ni leiin, kei khawma pawm ka tih, in invêtna ang peia ka thaw nawna ding cheu in. Ka siehlaw Job angin keima chungthua thil indik chu in mi hrilpêk ta si nawh a,” tiin.

FESUOKNA 10:17

Tuhin ka ngên che hi, ka suol hi vawikhat bak mi ngaidam nâwk phawt la, hi thina hi keimaa in- thawka a lâkhmang theina dingin LALPA chu mi hnipêk rawh,” a tih a.

FESUOKNA 32:30

A zînga chun Mosie chun mipui kuoma chun, “Thil suol nasatak in thaw ta chu a nih a, chuleiin, LALPA kuomah tuhin hang fêng ka tih, in suolna ta dingin intlanna ka siem thei tâkduoiin,” a tih a.

FESUOKNA 9:28

Hun ta raw se, riel le vâninrûm ri nasatakhai hi a bona dingin LALPA chu hni la, chuongchun, infetir ka ti cheu, um ta hrim hrim naw ti niu,” a tih a.

ISAI 26:16

“LALPA, an lunginzîng lai chun an sir hlak cheh a, i hremna chu an chunga a tlâk lai chun an ṭawngṭai zawmzawt a.

JEREMIA 15:1

Chun, LALPA chun ka kuom- ah, “Mosie le Samuel chu ka hmaah ngîr ta hai sienla khawm, ka lungril chu hi hnam tienga hin ân hêm thei nawh; ka mithmua in- thawkin hnawt suok la, anni chu infe suoktir rawh.

JEREMIA 27:18

Amiruokchu, zâwlnei an nia, an kuoma chun LALPA thu chu a um chun, tuhin sipaihai LALPA kuoma chun hnina siem hai sienla, LALPA ina bûr le bêl mâksana la umhai le, Jerusalem le lal ina mâksana la umhai chu Babulona a fe ve nawna dingin.

JEREMIA 37:3

Chun, lal Zedekia chun Selemaia naupa Jehukal le, thiempu Maaseia naupa Zephania chu zâwlnei Jeremia kuomah, “Tuhin keini ta dingin, LALPA kan Pathien kuoma chun ṭawngṭai rawh”, ti dingin a tir tah a.

JEREMIA 42:2

zâwlnei Jeremia kuoma chun hieng hin an hril a, “Kan ngên che hi, kan hninahai hi i hmaa chun pawm ni raw se; hieng tuta la mahlahai po po ta ding hin, LALPA i Pathien kuoma chun kan ta dingin ṭawngṭai rawh; i mitin a hmu chie ang hin, tamtak kha tlâwmte chau hi hlain kan um a nih;

MALAKI 1:9

Chuongchun, tuhin, ka ngên cheu hi, ei kuoma za a ngai theina dingin LALPA ditsakna chu ngên ro; hi hi nangni kut thilthaw ngei chu a na, nangni mi nina chu a pawmpêk ding cheu am a nih? sipaihai LALPA chun a tih.

NAMBAR 21:7

Chun, mihai chu Mosie kuomah an feh a, “LALPA le nangma kala kan lo ṭawng ta hi kan lo suol tah a nih; keini laia rûlhai hi sukbo dingin LALPA kuomah ṭawngṭai raw khai,” an tih a; chuongchun, mihai chu Mosie chun a ṭawngṭaipêk a.

THILTHAWHAI 8:24

Chun, Simonin, “In thil hril hi ka chunga iengkhawm a tlung nawna dingin nangnîn Lalpa kuomah mi ṭawngṭaipêk ro,” a ta, a dawn a.

JAKOB 5:15

Chun, ringnaa ṭawngṭaina chun damnaw chu sukdam a ta, Lalpa chun ama chu keitho a tih; chun, thil a lo suksuol ta chun, ngaidampêk nîng a tih.

1 JOHAN 5:16

Tûkhawmin a unau thina khawp nilo suol thawin hmu sienla, hnipêk a ta, chuongchun, Pathienin a hnitu kuoma chun thina khawp nilo suol thawtuhai ta ding chun hringna pêng a tih. Thina khawp suol a um a; chuong ang tieng chun hnipêk a tih ka ti a ni nawh.

1 SAMUEL 12:13

Chuleiin, in lal thlang le hni chu en ta u, LALPA chun lal a siempêk ta cheu a ni hi.

1 SAMUEL 12:17

Vawisûn hin bu an sîk a ni naw am a nih? Vân inrûmtir ding le ruo insûrtir dingin LALPA chu ko ka ta; chuongchun, lal in hni thua hin LAL- PA mithmua thil in thaw suol hi a nasatzie hi hrein hmûng in tih,” a ta.

1 SAMUEL 12:20

Chun, Samuel chun, mipuihai kuoma chun, “Ṭi naw ro, hi thil ṭha nawtak hi thaw chu in thaw ngei a, amiruokchu, LALPA in zui chun ama chu pêtsan chuong naw unla, in lungril po poin LALPA rawng chu bâwl lem ro;

1 SAMUEL 12:23

Chu chau khawm chu a ni nawh a, in ta dinga ṭawngṭai mah a, LALPA chunga suol chu keia ta ding khawma a âwm naw tawp a nih; lampui ṭha le lampui indik khîkhmu pei lem ka ti cheu.

1 SAMUEL 7:5

Chun, Samuel chun, “Israel mi- hai po po chu Mizpaah ko khâwm vawng unla, LALPA kuomah ṭawng- ṭaipêk ka ti cheu,” a ta.

1 SAMUEL 7:8

Chuongchun, Israel mihai chun Samuel kuoma chun, “Philistin mihai kuta mi sandam dinga LALPA i mi kopêk chu ma naw raw khai,” an ta.

1 SAMUEL 8:6

Nisienlakhawm, a kuoma, “Ro mi rêlpêktu ding lal mi pe rawh,” an ti chun Samuel chu a suklâwm naw hleh a. Chuongchun, Samuel chu LALPA kuomah a ṭawngṭai a.