1 SAMUEL 12:17 - Pathien Lekhabu Inthieng (BSI)

¹⁷ Vawisûn hin bu an sîk a ni naw am a nih? Vân inrûmtir ding le ruo insûrtir dingin LALPA chu ko ka ta; chuongchun, lal in hni thua hin LAL- PA mithmua thil in thaw suol hi a nasatzie hi hrein hmûng in tih,” a ta.

1 SAMUEL 12:17 ပူးပေါင်းရင်းမြစ်များ

INPÂKNA HLABU 99:6

A thiempuhai lai chun Mosie le Aron, A hming lamtuhai laia chun Samuel, Anni chun LALPA chu an ko a, ama chun a dawn tah a.

FESUOKNA 32:30

A zînga chun Mosie chun mipui kuoma chun, “Thil suol nasatak in thaw ta chu a nih a, chuleiin, LALPA kuomah tuhin hang fêng ka tih, in suolna ta dingin intlanna ka siem thei tâkduoiin,” a tih a.

THUVARHAI 26:1

Nipui laia vûr le, busîk huna ruo ân hmê naw angin, Inzâkaina hi invêt ta ding chun a âwm nawh.

JEREMIA 15:1

Chun, LALPA chun ka kuom- ah, “Mosie le Samuel chu ka hmaah ngîr ta hai sienla khawm, ka lungril chu hi hnam tienga hin ân hêm thei nawh; ka mithmua in- thawkin hnawt suok la, anni chu infe suoktir rawh.

JOSUA 10:12

Chuongchun, LALPAIN Amor mihai chu Israel thlahai kuta a pêk ni chun Josua chun LALPA kuomah thu a hril a, Israel mihai mithmua chun, “Nisa, Gibeon chungah ngîr zing rawh. Nang khawm, thlapa, Aijalon ruoma hin um zing rawh”, a ta

1 SAMUEL 12:13

Chuleiin, in lal thlang le hni chu en ta u, LALPA chun lal a siempêk ta cheu a ni hi.

1 SAMUEL 12:19

Chun, mipui po po chun Samuel kuoma chun, “Kan thi nawna dingin LALPA i Pathien kuoma chun i siehlawhai hi mi ṭawngṭaipêk rawh, hi thil ṭha nawtak, lal kan lo hni hi, kan suol po po belsatu a ni ta hi,” an ta.

1 SAMUEL 2:10

LALPA insuolpuihai chu kawinawiin um an ta, Vâna inthawka vâninrûmin do a ta; LALPA chun kâwlkawdawng chenin rorêl a tih; A lal chu hrâtna pêng a ta, A hrieknâl ki chu chawimawi a tih,” a ta.

1 SAMUEL 7:5

Chun, Samuel chun, “Israel mi- hai po po chu Mizpaah ko khâwm vawng unla, LALPA kuomah ṭawng- ṭaipêk ka ti cheu,” a ta.

1 SAMUEL 8:6

Nisienlakhawm, a kuoma, “Ro mi rêlpêktu ding lal mi pe rawh,” an ti chun Samuel chu a suklâwm naw hleh a. Chuongchun, Samuel chu LALPA kuomah a ṭawngṭai a.

1 SAMUEL 8:7

LALPA chun Samuel kuoma chun, “Mipuihaiin i kuoma an hril po po chu ngai rawh, nang dit naw che an ni nawh a; an chunga lal dinga kei mi dit lo an ni lem.