1 SAMUEL 12:13 - Pathien Lekhabu Inthieng (BSI)

¹³ Chuleiin, in lal thlang le hni chu en ta u, LALPA chun lal a siempêk ta cheu a ni hi.

1 SAMUEL 12:13 ပူးပေါင်းရင်းမြစ်များ

HOSEA 13:11

Ka lunginsenin lal ka pêk che a, Ka lunginsenin ka lâk hmang nâwk ta a nih.

THILTHAWHAI 13:21

Chun, chu hnunga chun lal an hnih a; chuongchun, Pathienin Saula, Kis naupa, Benjamin chia mi kha an kuomah a pêk a, kum sâwmli sûnga dingin.

1 SAMUEL 10:24

Chun, Samuel chun mi po po kuomah, “LALPA mi ruot hi in hmu am? Mipuihai po po lai ama ang hrim hrim an um nawh,” a ta. Chun, mipuihai chu an khêk a, “Pathienin laltak chu humhim raw se,” an ta.

1 SAMUEL 11:15

Chuongchun, mipui po po chu Gilgala chun an fe tah a, Saula chu Gilgala chun LALPA hmaah lalah an siem tah a. Chutaka chun LALPA hmaa chun inremna thil- inhlânhai an inhlân a; chuong- chun, chutaka chun Saula le Israel mi po pohai chu an lâwm ta êm êm a.

1 SAMUEL 12:17

Vawisûn hin bu an sîk a ni naw am a nih? Vân inrûmtir ding le ruo insûrtir dingin LALPA chu ko ka ta; chuongchun, lal in hni thua hin LAL- PA mithmua thil in thaw suol hi a nasatzie hi hrein hmûng in tih,” a ta.

1 SAMUEL 12:19

Chun, mipui po po chun Samuel kuoma chun, “Kan thi nawna dingin LALPA i Pathien kuoma chun i siehlawhai hi mi ṭawngṭaipêk rawh, hi thil ṭha nawtak, lal kan lo hni hi, kan suol po po belsatu a ni ta hi,” an ta.

1 SAMUEL 8:5

a kuomah, “Ngai ta, i hung upa ta hle el a, i naupasalhai hlak chun i umdân hi an lâk ve dêr si nawh a; hnam danghai po po ang bawka kan chunga ro mi rêlpêk dingin lal mi siempêk raw khai,” an ta.

1 SAMUEL 9:20

I sabengtung ni thum inhmang tahai chu lungkham naw rawh, an hmu tah. Israelhai laia ropuina po po chu tu ta ding am a na? I ta ding le i pa ina mi po pohai ta ding a ni naw am a nih?” a ta.