1 SAMUEL 12:10 - Pathien Lekhabu Inthieng (BSI)

¹⁰ Chun, LALPA chu an ko a, ‘LALPA chu kan nghatsan a, Baalhai, Astarothhai rawng kan bâwl leiin kan lo suol tah a nih; nisienlakhawm, kan hmêlmahai kuta inthawk hin mi sansuok ta la; chuongchun, i rawng- bâwl kan tih,’ an ta.

1 SAMUEL 12:10 ပူးပေါင်းရင်းမြစ်များ

INPÂKNA HLABU 106:44

Chuong sa khawm chun, ama chun an khêkri chu a hriet chun, An lunginzîng chu a ngaisak a.

ISAI 26:16

“LALPA, an lunginzîng lai chun an sir hlak cheh a, i hremna chu an chunga a tlâk lai chun an ṭawngṭai zawmzawt a.

ISAI 33:22

LALPA chu ei rorêltu a na, LALPA chu dân mi petu a nih; LALPA chu ei lal a na, ama chun mi sandam a tih.

JOSUA 13:31

Gilead ram zâtve le Basan ram lal Og rama Astaroth dâm, Edrei khuohai leh; chuong chu Manasse nau Makir thla, Makir thla zâtvehai ta dingin, an sûngkuo izir ang peia a ruot a nih.

RORELTUHAI 10:10

Chun, Israel mihai chun, “Kan Pathien chu kan lo nghatsan chie ta cheh a, Baalhai rawng chu kan lo bâwl ta leiin i chungah thil kan lo suksuol tah a nih,” tiin LALPA an ko a.

RORELTUHAI 2:11

Chun, Israel thlahai chun LALPA mithmuhah thil suol chu an lo thawh a, Baalhai rawng an bâwl tah a.

RORELTUHAI 2:13

LALPA chu an nghatsan a, Baal le Astaroth rawng an bâwl tah a.

RORELTUHAI 3:15

Nisienlakhawm, Israel thlahai chun LALPA an ko phingleh LALPA chun Gera naupa Ehud, Benjamin mi, mi vawikawlawng, sansuoktu a hung siempêk a. Israel thlahai chun Moab lal Eglon pêk ding chu siechawi an inchawitir a.

RORELTUHAI 3:7

Chun, Israel thlahai chun LALPA mithmuah thil suol an lo thawh a, LALPA an Pathien chu an theinghil a, Baalhai le Aserah rawng an bâwl a.

RORELTUHAI 3:9

Chun, Israel thlahai chun LALPA chu an ko phingleh LALPA chun Israel thlahai chu sansuoktu a hung siempêk a, ama chun a hung sansuok tah a, chu chu Kaleb sang Kenaz naupa Othniel a nih.

RORELTUHAI 4:3

Israel thlahai chun LALPA an ko a, Jabin chun thîr tawlailîr za kuo zet a nei sih a; kum sâwmhni sûng zet Israel thlahai chu nasatakin a nêksâwr a.

RORELTUHAI 6:7

Chun Midianhai leia Israelhaiin LALPA chu an ko phing chun,

1 SAMUEL 7:2

Chun, Kiriath-jearima bâwm a um sûng chu sâwttak a na, kum sâwmhni zet a nih; chun, Israel sûnghai po po chun LALPA chu an lunglên nâwk tah a.

1 SAMUEL 7:6

Chuongchun, Mizpaa chun an fe khâwm tah a; chun, tui an chawi a, LALPA hmaa chun an bunthlâk a, chu ni chun bu an nghei a, chutaka chun, “LALPA chunga chun ei lo suol tah a nih,” an ta. Chun, Samuel chun Mizpaa chun Israel mihai ro a rêl- pêk a.