1 SAMUEL 11:7 - Pathien Lekhabu Inthieng (BSI)

⁷ Chuongchun, bâwng tuok khat a that a, a sa chu a chan nawi vawng a, Israel ram po poa chun ân semtir a; “Tukhawm Saula le Samuel hung zui nuom naw taphawt chu an sebâwng chu hieng anga thaw ve hi nîng a tih,” tiin. Chuongchun, mipuihai chun LALPA chu an ṭi tah a, an hung inthawk suok tah a.

1 SAMUEL 11:7 ပူးပေါင်းရင်းမြစ်များ

INṬANNA 35:5

Chun, an feh a, an vêla khuohai chun an lo ṭi nasa hleh a, Jakob naupasalhai chu an hnawt ngam nawh a.

2 CHANCHIN SUINA 14:14

Chun, Gerar vêla khuohai po po chu a thaw vawng a, LALPA ṭitna chu an chunga chun a hung tlung tâwl sih a, khawpuihai po po chu an suksiet a, chuonga hai chun râllâk thil tam- takhai chu a um sih a.

2 CHANCHIN SUINA 17:10

Chun, Judai ram vêla ramhaia lalram po poahai chun LALPA ṭina chu a um tah a; chuongchun, Jeho- saphat chu an do ngam nawh a.

2 CHANCHIN SUINA 19:7

Chuleiin, tuhin, LALPA ṭina chu in chungah um sienla, chu chu pawisa hle unla, thaw khawm thaw bawk ro; ei Pathien LALPAA chun khawhlona hrim a um nawh a; mi inza bîkna khawm a um nawh a, thamna lâkna khawm a um bawk nawh,” a ta.

ISAI 8:13

Sipaihai Lalpa, ama ngei chu in sukthieng ding a nih, ama chu in iṭi chu ni sienla, ama chu in iṭi chu ni raw se.

RORELTUHAI 19:29

Chun, a in a va tlung chun chemtê a lâk a, a thaikêm chu a ru pumin hmun sâwm le hmun hniah a channawi a, Israel ram po poah a thawn dar a.

RORELTUHAI 20:1

Chuongchun, Israel thlahai po po chu an inthawk tâwl tah a, thukhat chelin, Dan khuoa inthawka Beer-seba chenin, Gilead rama mihai leh, Mizpaah LALPA kuomah an inkhâwm tah a.