1 SAMUEL 11:13 - Pathien Lekhabu Inthieng (BSI)

¹³ Saula chun, “Vawisûn kher hin chu tukhawm sukhlum ding a ni nawh ie, vawisûn hin LALPA chun Israelhai lai sandamna a hung siem ta sih a,” a ta.

1 SAMUEL 11:13 ပူးပေါင်းရင်းမြစ်များ

2 SAMUEL 19:22

Chun, David chun, “Nangni Ze- ruia naupasalhai, nangni hin in mi lo hriet pêk ding ieng am a um a? Vawi- sûn hin a mi dotuhai in ni naw am a nih? Vawisûn hin Israel mihai laia mi hrim hrim sukhlum ding am a nih? Vawisûn hi Israel mihai chunga lal ka ni hi ka hriet naw am a nih?” a ta.

2 SAMUEL 19:23

Chun, lal chun Simei kuoma chun, “Thi naw tawp i tih,” a ta. Chun, lal chun a kuomah ṭawng ân khâm tah a.

2 SAMUEL 23:10

Ama chu a tho a, Philistin mihai chu kut kham rak khawpin, a kâwlhnâm khawm inlet theilo rak khawpin a that a, chu ni chun LALPAIN nasatakin a ngampêk a; chun, mipuihai chu a hnungah râllâk thil la ding ngawtin an hung kîr nâwk a.

FESUOKNA 14:13

Mosie chun mipui kuoma chun, “Ngîr ṭawk ṭawk unla, ṭi naw ro, LALPA sandamna, in ta dinga vawisûn a thaw ding chu en el ro; vawisûna Aigupta mi in hmuhai hi kumkhuoin in hmu nâwk ta naw ding a ni sih a.

FESUOKNA 14:30

Chu ni chun LALPAIN Israel- hai chu Aigupta mihai kuta inthawk- in a sanhim tah a, vadung pang sîr vêla Aigupta mi thihai chu Israelhai chun an hmuh a.

ISAI 59:16

Chun, mi hrim hrim an um nawh ti a hriet a, hnipêktu hrim hrim an um nawh ti a hriet a, hnipêktu hrim hrim an um naw chu mak a tih a; chuleiin, ama bân ngei chun san- damna ân siempêk a, ama felna ngei chun ama le ama ân chelngîr tah a.

1 KORINTH 15:10

Nisienlakhawm, Pathien lung- insietna leiin ka ni ni ka ni tah; chun, a lunginsietna a mi pêk chu a thlâwnin a um nawh a, chuong nêk hmanin anni po po nêkin ka thaw nasa lem kha; nisienlakhawm, keia khâtin ka thaw nawh a, Pathien lunginsietna ka kuoma um khan a thaw lem a nih.

1 SAMUEL 10:27

Amiruokchu, Belial nauhai tu- haiin amani ruok chun, “Hi mipa hin iengtin am mi sandam thei hlak a ta?” an ta. Chuongchun, ama chu an ngainêp a, thilpêk hrim hrim an pêk nuom nawh a. Nisienlakhawm, ama chu a to zing a.

1 SAMUEL 14:45

Chun, mipuihai chun Saula kuoma chun, “Israelhai laia hi san- damna ropuitak thawtu Jonathan hi a thi el ding maw? Teu lo e, LALPA hringna sâlin kan hril a nih, a sam zai khat khawm hi hnuoia tla hlek naw nih; vawisûn hin Pathien sin a thaw- pui a ni sih a,” an ta. Chuongchun, mipui chun Jonathan chu thi lo dingin an sanhim tah a.

1 SAMUEL 19:5

thi dâwn loin Philistin mi kha a thawh a, chun LALPAIN Israel mihai po po sandamna ropuitak a thaw- suokpêk a, chu chu nang khawma i hmuh a, lâwm khawm i lâwm hle kha; chuleiin, a san iengkhawm um loa David chu thatin, ieng dingin am thisen pawi tâwklo chunga chun thil suksuol el i ta?” a ta.