1 SAMUEL 11:11 - Pathien Lekhabu Inthieng (BSI)

¹¹ Chun, a zînga chun Saula chun mipuihai chu pâwl thumin a siem a; zîng vêng hun lai takin an riekhmuna chun an lût a. Ammon mihai chu sûn nisa sat vânglai tak chenin an that a; an that mahlahai chu an indar vawng a, pahnia um hmunkhat hrim hrim khawm an um dêr nawh a.

1 SAMUEL 11:11 ပူးပေါင်းရင်းမြစ်များ

INṬANNA 22:14

Chuongchun, Abrahamin chu hmun hminga chun “Lalpain ngai- tuong a tih” ti ân bûk a; vawisûn chena “LALPA tlânga chun ngaituo nîng a tih,” an ti hlak ang hin.

2 SAMUEL 18:2

Chun, David chun mihai chu a tirsuok a, hmun thuma ṭhea hmun khat chu Joab chun ân rawi a, hmun thuma ṭhea hmun khat chu Joab unaupa Zeruia naupa, Abisaiin ân rawi a, hmun thuma ṭhea hmun khat chu Git mi Ittai chun ân rawi a. Chun, lal chun mipuihai kuomah, “Keima ngei khawm in kuomah fe ve ngei ngei ka tih,” a ta.

INPÂKNA HLABU 46:1

Pathien chu ei inhumhimna le ei hrâtna, Lunginzîng laia ṭhangpui vartu hnai zing a nih.

FESUOKNA 14:24

Zîngtieng vêng hunah LALPA chun Aigupta sipai ruol chu mei ngîr le sûma chun a zuk en a, Aigupta sipai ruol chu a sukbuoi tah a.

MATTHAI 7:2

In sawisêl ang bawkin sawisêlin um in tih, in inkhina ngai bawka inkhipêk ni nâwk in tih.

JAKOB 2:13

Mi chunga lunginsietna nei naw chu, lunginsietna ṭhang loa rorêl pêkin um a tih, lunginsietna chu rorêlna chunga chun ân suong hlak a nih.

RORELTUHAI 1:7

Adoni-bezek chun, “Lal sâwmsari kutpui le kepui tan bawnga umhai chun ka dawkân hnuoia bumal an rût hlak a, ka thaw ang chiein Pathien chun a mi hung thung ve an ta hi,” a tih a. Chun, Jerusalemah an ṭhuoi a, chutaka chun a thi tah a.

RORELTUHAI 4:16

Barak chun tawlailîrhai le sipaihai chu Jentailhai ram Haroseth chenin a hnawt a; chuongchun, Sisera sipaihai po po chu kâwlhnâmin an that vawng a, pakhat khawm dam an um nawh.

RORELTUHAI 7:16

Chu mi za thum hai chu pâwl thumin a siem a, an rêng chun taw- tawrâwt le pil bêl ruok, a sûnga meiser sie sa a pêk seng a.

RORELTUHAI 7:20

Chun, a pâwl thum chun taw- tawrâwt chu an mût a, bêlhai chu an sukhâwp a, an vawitieng chun meiser an chawi a, an changtiengin tawtaw- râwt mût ding chu an chawi a; chun, “LALPA le Gideon kâwlhnâm,” tiin an khêk ta dur dur a.

RORELTUHAI 9:43

Chun, a mihai a ṭhuoi a, pâwl thumah a siem a, phûla chun an inchân a; chun, a hei thlîr a, khaw- puia inthawka mihai hung suok chu a hei hmuh a, chun a tho a, anni chu a lo thawh a, a that tâwl a,

1 SAMUEL 11:2

Ammon mi Nahas chun an kuomah, “Hieng ang hin a nih in kuoma thu ka thlung ding chu; in mit changtieng po po kheldawk vawng ding nîng a ta, chu chu Israel mi po pohai ta dinga hmingsietna nîng a tih,” a ta.

1 SAMUEL 14:47

Saula chu Israelhai chunga rorêltua a hang ṭhang chun kil tina a hmêlma, Moab mihai, Ammon thla- hai, Edom mihai, Zoba lalhai dâm, Philistin mihai chu a do a; ân herna tienga taphawt chu a hne pei el a.