1 SAMUEL 10:19 - Pathien Lekhabu Inthieng (BSI)

¹⁹ Nisienlakhawm, vawisûn hin in lunginzîngna po po le in rinumna po poa sanhimtu cheu in Pathien ngei chu in dit nawh a, a kuomah, A ni nawh, lal mi siempêk rawh’ in tih a. Chuleiin, tuhin a hnama hnam le a chia chiin LALPA hmaah hung inlang ro,” a ta.

1 SAMUEL 10:19 ပူးပေါင်းရင်းမြစ်များ

THUVARHAI 16:33

Ai chu mal chunga sân a ni hlak a, Thutlûkna ruok chu LALPA ta vawng a nih.

MIKA 5:2

Nisienlakhawm, nang Bethle- hem Ephratha, Juda rama sâng tamtakhai laia ṭhanga chun chîn hle la khawm, nangmaa inthawk hin Israelhai rorêltu ding chu ka ta ding hung suok a tih; a hung inṭanna chu tiena chatuona inthawk ta khan a nih.

NAMBAR 11:20

thla khat pumhlûm, nghawk khawp rak le in hnâr kuoa suok rak khawpin fâng in tih; nangni laia um LALPA chu dit loa, Ieng dinga Aigupta rama kha suok am ei ni aw, tia a hmaa in ṭap leiin,’ ti rawh,” a ta.

NAMBAR 17:2

“Israel thlahai hril la, an sûngkuo tin puolah hmawl pakhat pei, an sûngkuo izir peia an ṭhuoi- tuhai po po zât hmawl sâwm le pahni la la, chun, an hmawla chun an hming seng ziek rawh.

DÂN PAHNINA 17:14

“LALPA in Pathienin ram a pêk cheu chu in va tlung a, in va hluo a, in va um a, ‘Ei vêla hnam po po ang bawkin lal nei ei tiu,’ in ti pha chun;

JOSUA 24:1

Chun, Josua chun Israel hnamhai po po chu Sekema chun a ko khâwm a. Israelhai upahai, an lusahai, an rorêltuhai, an hotuhai chu ân kotir a; Pathien hmaah an hung inlang tâwl a.

RORELTUHAI 8:23

Gideon chun an kuomah, “Kei chun chu in chunga hin ro rêl naw ning ah, ka naupa hlakin in chungah ro rêl naw bawk a tih; LALPAIN in chungah ro rêl lem a tih,” a tih a.

1 SAMUEL 10:20

Chuongchun, Samuel chun Israel chi po po chu a hung inlangtir a, chun, Benjamin chi chu thlang a lo ni tah a.

1 SAMUEL 12:12

Chun, Ammon thlahai lal Nahas chu nangni do dingin a hung ti in hriet phingleh ka kuomah, ‘A ni nawh ie, lalin ro mi rêlpêk raw se,’ in tih a, LALPA Pathien chu in lal a ni zing sih a.

1 SAMUEL 14:23

Chuongchun, LALPAIN chu ni chun Israel mihai chu a sanhim tah a, chun, Beth-aven tlung rakin an thawh a.

1 SAMUEL 14:38

Chun, Saula chun, “Nangni mipui hotuhai po po kha hung hnai ta u khai, vawisûn hin a ieng tak am ei thaw suol a na ti hriet tum ei tiu khai.

1 SAMUEL 3:21

Chun, LALPA chu Siloa chun ân lâr nâwk a; LALPA chu thuin Samuel kuoma chun Siloa chun ân lâr a ni sih a.

1 SAMUEL 4:1

Chun, Samuel thu chu Israel mi po po lai chun ân thang suok tah a.

1 SAMUEL 8:19

Nisienlakhawm, mipuihai chun Samuel rawl chu an ngai nuom nawh a, “Ni lo e, lal kan nei ding a nih,

1 SAMUEL 8:5

a kuomah, “Ngai ta, i hung upa ta hle el a, i naupasalhai hlak chun i umdân hi an lâk ve dêr si nawh a; hnam danghai po po ang bawka kan chunga ro mi rêlpêk dingin lal mi siempêk raw khai,” an ta.