1 SAMUEL 10:11 - Pathien Lekhabu Inthieng (BSI)

¹¹ Chun, kha hmaa ama lo hre hlakhaiin zâwlneihai thu hril duol duolnaah a ṭhang ve ti an hriet chun mihai chu an inbiek a, “Kis naupa chunga thil hung um hi ieng am a ni ta leh? Saula khawm chu zâwlneihai lai a ṭhang ve am a ni el tah?” an ta.

1 SAMUEL 10:11 ပူးပေါင်းရင်းမြစ်များ

AMOS 7:14

Chun, Amos chun Amazia kuomah, “Zâwlnei ka ni nawh a, zâwlnei naupa khawm ka ni bawk nawh; ran ruol vêngtu le thei- chang kûng enkawltu ka ni lem a nih;

AMOS 7:15

LALPA chun berâm ruol vêng- naa inthawk chun a mi lâk a, LALPA chun ka kuomah, ‘Fe la, ka mi Israelhai kuomah thu hril rawh,’ a mi tih a.

JOHAN 7:15

Chun, Judahaiin, “Hi mipa hin inchûk ngai loin iengtin am lekha a hriet a?” an ta, mak an ti hleh a.

THILTHAWHAI 3:10

biekin kawtkhâr, Mawi, bula kut dawa ṭhung hlak kha a nih ti an hriet a; a chunga thil tlung chu mak an ti bêk bêk a, an buoi hle el a.

THILTHAWHAI 4:13

Chun, Peter le Johan huoizie chu an hmu chun lekha thiemnaw le mi narân el an nih ti an hrietin, mak an ti hleh a; Isu kuomah an um tah ti an hriet tah a.

THILTHAWHAI 9:21

Chun, a thu hretuhai po po chun mak an ti hleh a; “Hi mipa hi Jerusalema hi hming lamtuhai suknawmna hlaktu kha a ni naw am a nih? Chuong mihai chu thiempu lalhai kuoma khuop puma ṭhuoi, a hung san a ni kha,” an ta.

1 SAMUEL 19:24

Chun, ama khawmin a silfênhai a hlîp veh a, Samuel hmaa chun thu a hril ve ta nuk nuk a, chu ni zânkhuo le sûnnithlâk chun ruokin a zâl a. Chuleiin, “Saula khawm chu zâwl- neihai lai a ṭhang ve el am a ni tah?” ti hi an chîng sawng tah a.