1 SAMUEL 10:1 - Pathien Lekhabu Inthieng (BSI)

¹ Chuongchun, Samuel chun hriek bâwm chu a hung lâk suok a, a lua chun a bur a, a fâwp a, “LALPA chun a rochan hai chunga hotu dingin hriek a nâl che a ni naw am a nih? LALPA mipuihai chungah ro rêl i ta, an vêla an hmêlmahai kuta inthawkin sandam i tih. Chun, hi hi LALPAIN a rochanhai chunga hotu dingin a ruot che ti inchikna chu ning a tih.

1 SAMUEL 10:1 ပူးပေါင်းရင်းမြစ်များ

2 SAMUEL 1:14

Chun, David chun a kuomah, “LALPA hrieknâl sukbohmang dinga a chunga kutthlâk chu iengtiziea ṭi lo am i nih a?” a ta.

2 SAMUEL 19:39

Chun, mipui po pohai chu Jordan râl an kai a; chun, lal khawm chu a kai veh a; chun, lal chun Barzil- lai chu a fâwp a, mal a sâwm a; chun, ama hmun tieng a fe nâwk tah a.

2 SAMUEL 20:19

Kei hi Israelhai laia inrem nuom le ringum pâwl ka na, nang chun Israel khuo, a khaw bulpui hi suksiet i tum a ni hi, LALPA ro chu iengdinga sukhmang i tum am a na?” tiin a hril a.

2 SAMUEL 5:2

Kha hmaa Saula kan chunga ân lal laia Israelhai ṭhuoi suok le ṭhuoi lûttu i ni hlak a; chun, LALPA chun i kuomah, ‘Ka mi Israelhai chu châwm i ta, Israelhai chungah hotuin um i tih,’ a tih a,” an ta.

1 LALHAI 1:34

chun, chutaka chun thiempu Zadok le zâwlnei Nathanin ama chu Israelhai po po chunga lal dingin hriek zu nâl raw hai se, chun, in tawtawrâwthai mût in ta, ‘Pathienin lal Solomon hi humhim raw se,’ ti ro.

1 LALHAI 19:18

Nisienlakhawm, Israel rama hin Baal hmaa la dingṭhaṭhuon ngailo le, la fâwp ngailo mi sâng sari ka ta dingin ka hum ding a nih,” a ta.

2 LALHAI 20:5

“Kîr nâwk la, ka mihai hotu Hezekia kuomah hril rawh, ‘LALPA, i pu David Pathien chun hieng ang hin a tih: I ṭawngṭaina kha ka hriet a, i mitthli tla khawm ka hmuh a, ngai ta, sukdam ka ti cheh a, ni thum nia chun LALPA inah hang fêng i tih.

2 LALHAI 9:1

Chun, zâwlnei Elisa chun zâwl- neihai naupasalhai laia pakhat chu a ko a, a kuomah, “I dier kei la, hi hriek bâwm hi chawi la, Ramoth- gilead khuoah va fe rawh;

2 LALHAI 9:12

Anni chun, “Hre lo ve a, mi hang hril ta khai” an ta. Ama chun, “Hieng ang tak hin a mi ti a ni kha tie! ‘LALPAIN hieng ang hin a tih, Israelhai chunga lal dingin hriek ka nâl che, tiin,’” a ta.

INPÂKNA HLABU 135:4

LALPA chun Jakobhai hi ama ta dingin a thlang sih a, Israelhai hi a ro bik dingin a thlang bawk a.

INPÂKNA HLABU 2:12

Naupa chu fâwp ro, chuong naw chun lunginsen a ta, lam kârah bohmang rawi in tih: A lungsen chu a hung inthawk phut ding a ni sih a. Amaa an ringna innghattuhai po po chu an hamṭha.

INPÂKNA HLABU 78:71

Berâmpui te ṭhuoihaia inthawkin a ṭhuoi suok a, A mihai Jakobhai le Israelhai châwm dingin.

FESUOKNA 30:23

“Riminhnik pui deu deuhai la la, murra tui inthieng shekel za nga bûk, thingzungthak riminhnik chu zâtve, chu chu shekel za hni sâwmnga, mafu riminhnik shekel za hni sâwmnga,

JEREMIA 10:16

Jakob chanvo chu hieng ang hi a ni ve nawh a; thil po pohai siemtu chu a na; Israel chu a rochan hnam a na; sipaihai LALPA chu a hming a nih.

EZEKIEL 16:13

Chuongchun, rângkachak le tangkaruoa cheiin i um a; i silfênhai khawm, puon zai inhmi dâm, tuktu- lungêk puon dâm le puon cheimawi dâm an nih; beiphit indîtak le khuoizu le hriek chu i fâk a; i hung hmêlṭha êm êm el a; chun, lalnu khawm chu i hung tling pei tah a.

HOSEA 13:2

Tu khawm hin an suol zuol ta deu deu a, An tangkaruoin milim a sunga sung an insiem fâwm a, Anni ngaidân ang peia milim chu: Chuonghai po po chu themthiemhai kutsuok a ni sa khawmin, Inthâwina inhlântuhai taphawt chun Bâwngtê chu fâwp raw se, an ti hlak.

THILTHAWHAI 13:21

Chun, chu hnunga chun lal an hnih a; chuongchun, Pathienin Saula, Kis naupa, Benjamin chia mi kha an kuomah a pêk a, kum sâwmli sûnga dingin.

DÂN PAHNINA 32:9

LALPA chanvo chu a mihai an na, Jakobrawi chu a rochan an nih.

1 THESSALONIKA 5:26

Unau po pohai kha fâwp inthiengin chibai mi bûkpêk ro.

HEBRAIHAI 2:10

A ta dinga iengkim uma, a zâra iengkim um bawk ta ding chun, nau tamtak ropuinaa a ṭhuoi lût chun, an sandamna siemtu kha tuornahai leiin sukfamkim chu a âwm hrim sih a.

THUPUONGSUO 5:8

Chun, lekhabu chu a lâk phing- leh thilhring pali le upa sâwmhni le pali hai chu, ṭingṭang le rângkachak berbu riminhnika sip chawi sengin, Berâmte hmaa chun an bawkkhup tâwl tah a; chuong riminhnikhai chu mi inthienghai ṭawngṭaina a nih.

1 SAMUEL 12:3

Hitaka hin ka um a, LALPA hmaa le a hrieknâl hmaa hin mi sêl ro le? Tu bâwngchal am ka lâkpêk hlak a? Tu sabengtung am ka lâkpêk hlak a? Tu am ka hlêm ta hlak a? Tu am ka suknawmna hlak a? Ka mit sukdel dingin tu kuoma inthawkin am thamna ka lâk hlak a? Thung nâwk vawng ka ti cheu,” a ta.

1 SAMUEL 13:14

Nisienlakhawm, tuhin în lalna chu tâwp tâng a tih; LALPAIN thu a pêk che i zâwm naw leiin LALPA chun ama lungril ang put mi a zawng a, mihai chunga hotu ni dingin LALPAIN a ruot tah a nih,” a ta.

1 SAMUEL 15:1

Chun, Samuel chun Saula kuomah, “LALPAIN a mihai chungah, Israelhai chunga lal dinga hriek nâl ding chein a mi tir a nih; chuongchun, LALPA thuhril râwl chu ngai ta khai, Sipaihai LALPA chun.

1 SAMUEL 15:17

Chun, Samuel chun, “Nanga ngaia chun mi chîntak ni la khawm, Israelhai hotu dinga siem i ni a ni naw am a nih? Chun, LALPA chun Israelhai lal dingin hriek a nâl cheh a;

1 SAMUEL 16:1

Chun, LALPA chun Samuel kuomah, “Israel mihai lal dinga ka dit ta naw hnung chu Saula lei hin ieng chen am i lungngai ding a ni leh? I kiah hriek thun sip la, fe rawh; Bethlehem mi Jesai kuomah ka tir ding che a nih, a naupasalhai laia mi lal dingin ka ruot zing tah a nih,” a ta.

1 SAMUEL 16:13

Chuongchun, Samuel chun hriek bâwm ki chu a lâk a, a unauhai lai chun ama chu hriek a nâl a, chun, LALPA thlarau chu nasatakin chu nia inthawk chun David chunga chun a hung tlung tah a. Chuongchun, Samuel chu a tho a, Rama khuoah a fe tah a.

1 SAMUEL 2:10

LALPA insuolpuihai chu kawinawiin um an ta, Vâna inthawka vâninrûmin do a ta; LALPA chun kâwlkawdawng chenin rorêl a tih; A lal chu hrâtna pêng a ta, A hrieknâl ki chu chawimawi a tih,” a ta.

1 SAMUEL 24:6

Chuongchun, a mihai kuoma chun, “LALPA hrieknâl a nih ti hre zing sih a, a chunga kut thlâk a, LALPA hrieknâl ka lalpa chunga hi thil ka thaw hi a âwm naw tawp el a,” a ta.

1 SAMUEL 26:11

LALPA hrieknâl chunga chun kut ka thlâk naw dingzie chu, a lu bula fei le tuiûm ruok kha chu la ta la aw, chuongchun, fe el ei tih,” a ta.

1 SAMUEL 26:9

Nisienlakhawm, David chun Abisai kuomah, “Sukbohmang naw rawh, LALPA hrieknâl chunga kut thlâka thiem chang thei tu am um an ta?” a ta.

1 SAMUEL 8:19

Nisienlakhawm, mipuihai chun Samuel rawl chu an ngai nuom nawh a, “Ni lo e, lal kan nei ding a nih,

1 SAMUEL 8:9

Chuleiin, an thu ngai rawh, amiruokchu, ursûntaka tiemkamin an chunga rorêltu lal châng dân ding chu khîkhmu chie rawh,” a ta.

1 SAMUEL 9:16

“Zîngah hieng ang hun lai hin Benjamin rama inthawkin i kuomah mi pakhat ka hung tir ding a na, ka mi Israel chunga hotu ni dingin hriek nâl i ta, ama chun Philistin mihai kuta inthawkin ka mihai sandam a tih; an khêkri chun ka kuom a hung tlung ta leiin ka mihai chu ka ngaisak tah a nih,” tiin.

1 SAMUEL 9:27

Khaw hmawrtâwng chu an zuk tlung chun, Samuel chun Saula kuomah, “Siehlaw hi ei hma tieng infetir la, (ama chu a fe tah a) nang ruok chu ngîr hri la, Pathien thu hang hril hri phawt ka ti che,” a ta.