1 SAMUEL 1:24 - Pathien Lekhabu Inthieng (BSI)

²⁴ Chun, nêne nêk ân bântir phing chun beiphit epha khat le uoin saidawiûm khat chawiin sebâwng pathum leh a hang ṭhuoi a, Silo khuoa LALPA ina chun a fepui a; naupang chu a la naupang hleh a.

1 SAMUEL 1:24 ပူးပေါင်းရင်းမြစ်များ

INṬANNA 21:8

Chun, naute chu a hung inṭhang a, nene nêk an inbântir tah a, Isak chu nene nêk an inbântir ni chun Abrahamin ruoi ropuitak a ṭheh a.

1 LALHAI 11:20

Chun, Tahpenes zuorpuinu chun, naupasal Genubath a neipêk a, Tahpenes chun Pharao ina chun a nêne nêk bânna a siempêk a; chun, Genubath chu Pharao nauhai laia chun a um tah a.

MATTHAI 13:33

Tekhithu dang an kuomah a hril nâwk a, “Vân ram chu chawl, nu- hmeiin a ilâk, beiphit tekhâwng thum laia arênga a tho vawng hmakhata a iphûm ang chu a nih,” a ta.

DÂN PAHNINA 12:11

LALPA in Pathienin a hming inumtirna ding a ruot ding hmuna hung lâk dinga ka ti po po chutaka chun in hung lâk ding a nih, in pumrawhmang thilinhlânhai, in sâwma pakhat dâm, in thên thilin- hlânhai, LALPA kuoma thutiema in tiem ṭha ṭhahai le chun.

DÂN PAHNINA 16:16

Kum tin nangni laia pasal po po chu vawi thum LALPA hmaa hmun a la ruot dinga chun an inlang ding a nih. Chawlṭhanglo bei ruoiṭhea dâm, châwlkâr ruoiṭhea dâm, bâwkte ruoiṭhea dâm.

JOSUA 18:1

Chun, Israel thlahai mipui po po chu Silo khuoah an in- khâwm tah a, chutaka chun inbiekna puonin an zar a; ram chu an thu hnuoiah a hung um tah a.