1 SAMUEL 1:23 - Pathien Lekhabu Inthieng (BSI)

²³ A pasal Elkana chun a kuomah, “Ṭha âwma i ti ang phawt chun thaw el rawh; a nêne nêk în bântir chenin um rawh, amiruokchu, LALPA chun a thu chu sukdet ngei raw se,” a ta. Chuongchun, a nêne nêk bân hma- khat chun nuhmei chu a um tah a, a naupa chu a enkawl a.

1 SAMUEL 1:23 ပူးပေါင်းရင်းမြစ်များ

2 SAMUEL 7:25

Chuongchun, Aw LALPA Pa- thien, i siehlaw chungchâng thu le a sûnghai chungchâng thu i hril chu chatuona dingin suknghet la, i hril ta ang khan thaw rawh.

1 LALHAI 3:21

A zînga zîngkâra ka nau nêne pe dinga ka hang tho chun a thi a lo ni zing el a, nisienkhawm, zîngkâra ka hang en chieng chun, ngai ta, ka naupa, ka inei kha a lo ni ta dêr da el a,” a ta.

INPÂKNA HLABU 22:9

Nang ruok chu sula inthawka mi la suoktu i na, Ka nu nêne chunga ka um lai khan nangin i mîn ringtir a.

ISAI 44:26

mâni siehlaw thu sukdet a, mâni palaihai remruot sukmuol- suotu, Jerusalem chungchâng thua, ‘Chutaka chun mi um nâwk an tih,’ titu le, Juda ram khawpuihai chung- châng thua, ‘Siemin um nâwk tâwl an ta, a sietna laihai chu siem ṭha nâwk ka tih,’ titu,

NAMBAR 30:12

Amiruokchu, a pasalin a hriet nia iengkhawm ni loa a siem a, a sukbo el chun a thutiem amanih, ama ân tiemna thua a bâu thu suok taphawt chu um ta naw nih a; a pasal chun a sukbo tah a nih; chun, LALPAIN ama chu ngaidam a tih.

MATTHAI 24:19

Chuong nia chun inrâihai le nautesen pawmhai chung chu rik a tih!

LUKA 11:27

Chun, chuong thu chu a hril laiin, mipui laia nuhmei pakhat a khêk suok a, a kuomah, “Nangma vawnna phîng chu a hamṭha ie, i nêne nêk khawm,” a ta.

1 SAMUEL 1:17

Eli chun, “Lungmuongtakin fe raw khai, Israelhai Pathien chun i thil hni chu pe raw se che,” a tih a, a dawn a.

1 SAMUEL 14:36

Chun, Saula chun, “Zânah Philistin mihai chu zu thaw inla, zîng khawvar chenin rawk ei tiu khai, tukhawm hla hrim hrim nâwng ei tiu,” a ta. Chun, anni chun, “Ṭha i ti ang angin thaw rawh,” an ta. Thiem- pu ruok chun, “Hi lai hin Pathien hnai phawt ei tiu khai,” a ta.

1 SAMUEL 14:40

Chuongchun, Israelhai po po kuoma chun, “Nangni hi a tumin um khâwm unla; chun, kei le ka naupa Jonathan hi a tumin um kan tih,” a ta. Chun, mipuihai chun Saula kuomah, “Ṭha i ti ang angin thaw rawh,” an ta.