1 SAMUEL 1:20 - Pathien Lekhabu Inthieng (BSI)

²⁰ Chuongchun, Hanna chun nau a vawn a; a hun a hung tlung chun naupasal a nei a, “LALPA ka ihni a nih,” tiin a hminga chun Samuel a sak a.

1 SAMUEL 1:20 ပူးပေါင်းရင်းမြစ်များ

INṬANNA 16:11

LALPA vântirko bawk chun a kuomah, “Ngai ta, nau i vawn tah a, naupasal nei i ta, LALPA chun i rimsikzie hi a hriet ta leiin a hminga chun Ismael i sak ding a nih.

INṬANNA 30:22

Chun, Pathienin Rakil chu a hriet zing a, Pathien chun a ṭawng- ṭaina a ngai a, a sul a hawngpêk tah a.

INṬANNA 4:25

Chun, Adam chun a nuhmei chu a pâwl nâwk a; chuongchun, ama chun naupasal a nei nâwk a, a hmingah Seth a sak a: “Pathienin Abel aiah chi thla dang a mi ruotpêk tah; Kaina chun ama a that ta sih a,” a tih a.

INṬANNA 5:29

“Ama ngei hin LALPA ṭawngse inphur hnuoi leia ei sinthawna le kuta ei sininrimnaa hin mi thlamuon tâng a tih,” tiin a hmingah Noa a sak a.

1 CHANCHIN SUINA 4:10

Jabez chun Israel Pathien chu, “Ka lungngai nawna dinga thil ṭhanawa inthawka mi vêngin, i kut chu ka chunga a um theina dingin, nangin mal mi hung sâwmin, ka ramrihai chu hung suklien ngei i tih,” tiin a ko a. Pathien chun a hni chu a phalpêk tah a.

INPÂKNA HLABU 120:1

Ka lunginzîng ni chun LALPA chu ka ko a, Chuongchun, ama chun a mi hung dawn a.

FESUOKNA 2:10

Chun, nuhmei chun naupang chu a lâk a, a dawn tah a. Naupang chu a hung inṭhang lien a, Pharao naunu kuomah a hung ṭhuoi a, a naupa a hung ni tah a. Chun, “Tuia inthawka ka lâk suok a nih a” tiin a hmingah Mosie a sak a.

FESUOKNA 2:22

Zippora chun naupasal a nei a. Mosie chun, “Hrietlo rama inzin ka ni tah a,” a tih a, a hmingah Gersom a sak tah a.

MATTHAI 1:21

Naupasal nei a ta, a hming chu Isu sak i tih; ama chun a mihai an thil suksuolnaa inthawkin a sandam ding a ni sih a”, a ta.

HEBRAIHAI 11:32

Chun, ieng am la hril rawp ka ta? Gideon thu dâm, Barak thu dâm, Samson thu dâm, Jephtha thu dâm, David thu dâm, Samuel thu dâm, zâwlneihai thu dâm hril lang hunin mi dai si naw nih a.