1 SAMUEL 1:19 - Pathien Lekhabu Inthieng (BSI)

¹⁹ Chun, zingkâr an tho a, LALPA chu an biek a, an fe tah a, Rama khuoa an in chu an tlung nâwk tah a; chun, Elkana chun a nuhmei Hanna chu a pâwl a, chun, LALPAIN ama chu a hriet zing a.

1 SAMUEL 1:19 ပူးပေါင်းရင်းမြစ်များ

INṬANNA 21:1

LALPA chun a hril ta angin Sara chu a zu kan a, LALPA chun a tiem ta angin Sara chungah a thawpêk bawk a.

INṬANNA 30:22

Chun, Pathienin Rakil chu a hriet zing a, Pathien chun a ṭawng- ṭaina a ngai a, a sul a hawngpêk tah a.

INṬANNA 4:1

Chun, Adam chun a nuhmei Evi chu a pâwl a; chuongchun, ân rai a, Kaina a hung nei a, “LALPA ṭhangpuinain pasal ka nei tah,” a ta.

INṬANNA 8:1

Chun, Pathienin Noa le lawnga a kuoma thilhring tinrêng le ran um po po chu a hriet zing a; chun Pathienin hnuoi chunga hin thli ân hrângtir a, chuongchun, tui chu a hung kang ṭan tah a,

2 LALHAI 4:17

Chun, nuhmei chu ân rai a, a kuoma Elisain a hril hun, chu hun chu a hung tlung chun naupasal a nei tah a.

INPÂKNA HLABU 119:147

Varṭien chu ka khal a, ka khêk hlak a, I thuhai chu ka beisei hlak.

INPÂKNA HLABU 136:23

Ama ei hnam tlâwm laia mi hre zingtu: A ngilneina chu kumkhaw- tluongin a um ding a ni sih a.

INPÂKNA HLABU 25:7

Ka tleirâwl lai suolnahai le ka bawsietnahai chu hre zing naw la, Aw LALPA, i ṭhatna leiin, I ngilneizie ang peiin mi hre zing rawh.

INPÂKNA HLABU 5:3

Aw LALPA, zîngkâr chun ka râwl hi lo hre hlak i ta, Zîngkâr chun ka ṭawngṭâina chu i hmaa chun rêl fel diem ka ta, lo ngaiven hlak ka tih.

INPÂKNA HLABU 55:17

Zântieng dâm, zîngkâr dâm, sûna dâm ka lunginzîngna thu hrilin inrûm ka ta: Chuongchun, ama chun ka râwl lo ngai a tih.

MARKA 1:35

Chun, zîngkâr inhmatakin, khawvar hma daiin a tho a, a suok a, hmun fienrielah a va feh a, chutaka chun a ṭawngṭai a.

LUKA 23:42

Chun, “Isu, i ramah lala i hung phaleh, mi hre zing rawh aw,” a ta.

JOSUA 18:25

Gibeon, Rama, Beeroth,

1 SAMUEL 1:1

Ephraim tlâng rama Ramathaim- zophim khuoa chun mi pakhat a um a, a hming chu Elkana a nih; ama chu Jeroham naupa a na, ama chu Elihu naupa a na, ama chu Tohu naupa a na, ama chu Ephraim mi Zuph naupa a nih.

1 SAMUEL 1:11

Chun, thu a tiem a, “Aw sipaihai LALPA, i suoknu tlâwmzie hi i hriet tak meu a, i mi hriet zing a, i suoknu hi i mi theinghil nawh a, i suoknu hi naupasal i pêk chun a dam sûng po chu LALPA pe ve thung ka ta, a lu khawm vâw hrim hrim ni naw ni,” a ta.

1 SAMUEL 15:34

Chun, Samuel chu Rama khuo- ah a feh a; chun, Saula chu a umna khuo Gibeaa chun a hang fe tah a.

1 SAMUEL 16:13

Chuongchun, Samuel chun hriek bâwm ki chu a lâk a, a unauhai lai chun ama chu hriek a nâl a, chun, LALPA thlarau chu nasatakin chu nia inthawk chun David chunga chun a hung tlung tah a. Chuongchun, Samuel chu a tho a, Rama khuoah a fe tah a.

1 SAMUEL 19:18

Tûn David chu a tlân hmang a, a him tah a, Rama khuoa Samuel kuomah a va tlung a, a chunga Saula thilthawhai po po chu a hril a. Chun, ama le Samuel chu an feh a, Naiothah an um a.

1 SAMUEL 2:11

Chuongchun, Elkana chu Rama khuoa a ina chun a fe nâwk tah a. Chun, naupang chun thiempu Eli hmaa chun LALPA rawng chu a bâwl tah a.

1 SAMUEL 25:1

Chun, Samuel chu a thi tah a; chun, Israel mihai po po chu an inko khâwm a, an ṭah a; Rama khuoa a ina chun an phûm tah a. Chun, David chu a tho a, Paran thlalêrah a zu feh a.

1 SAMUEL 7:17

Chun, a in umna a ni leiin Rama khuoa chun a fe nâwk hlak a; chutaka chun Israel mihai ro a rêl a, chutaka chun LALPA ta dingin mâichâm a siem a.

1 SAMUEL 8:4

Chuongchun, Israel mi upahai po po chu an inkhâwm a, Rama khuoa Samuel kuomah an feh a,

1 SAMUEL 9:26

Chun, zîngkâr chun a tho a, nisa suok ding lai vêlin Samuel chun in chunga um Saula chu a ko a, “Tho la, infetir tâng ka ti che,” a ta. Chuongchun, Saula chu a tho a, ama le Samuel chu an fe suok tah a.