1 PETER 5:5 - Pathien Lekhabu Inthieng (BSI)

⁵ Chuong ang bawkin, nangni tleirâwl deuhai, upahai kuomah intuklût ro. Anih, in rêngin rawng inbâwltuo seng dingin thuhnuoirawl- nain inthuom ro; Pathienin chapohai a kal a, inngaitlâwmhai ruok chu lunginsietna a pêk hlak sih a.

1 PETER 5:5 ပူးပေါင်းရင်းမြစ်များ

2 CHANCHIN SUINA 6:41

Aw LALPA Pathien tuhin tho la, i châwlna hmuna chun nang le, i hrâtna bâwm chu; Aw LALPA Pathien, i thiempuhai chu sandam- nain inthuomhai sienla, i mi in- thienghai chu ṭhatnaah hlim raw hai se.

JOB LEKHABU (THE BOOK OF JOB) 22:29

Pathienin mi chapo chu a sukhnuoi a, Mi inngaitlâwm ruok chu a sandam a.

JOB LEKHABU (THE BOOK OF JOB) 29:14

Felna chu ka sil a, chu chun a mi thuom a, Ka felna chu lalpuon le lukâwm ang a nih.

INPÂKNA HLABU 132:16

A thiempuhai chu sandamnain inthuom ka ta, A mi inthienghai chu hlimin khêk khêk an tih.

INPÂKNA HLABU 132:9

I thiempuhai chu felnain inthuom sienla, I mi inthienghai chu hlimin khêk raw hai se.

INPÂKNA HLABU 138:6

LALPA chu chunghnungtak a nia chu a mi inhnuoihai a ngaisak hlak. Mi chapohai ruok chu hlataka inthawkin a hriet hlak.

THUVARHAI 25:7

I mithaiin a ihmu ta hlak Lalnau hmaihmaa sukhnuoia i um nêk chun, “Hi tieng hin hung kai rawh,” i kuoma tiha um chu a ṭha lem sih a.

THUVARHAI 3:34

Hmusittuhai chu a hmusit ngei ngei a, Inngaitlâwmhai ruok chu zângaina a pêk hlak.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti sih a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 61:10

LALPAA chun nasatakin hlim ka ta, ka hringna hi ka Pathiena chun lâwmtakin um a tih; mo neitu ding chu pâr ṭhihruia ân chei hlak ang le, mo ding chu ân cheinahaia ân chei hlak ang hin, ama chun sandamna silfênhai a mi bel a, felna zakawfuolin a mi tuom ta sih a.

ISAI 66:2

Hieng thil iengkim hi ka kutin ka siem a ni sih a, chuongchun, hieng thil iengkim hi a hung um tah a nih, LALPAIN a tih; amiruokchu, hi mi rimsitaka um, lungrila insîr ngawi ngawi, ka thua inthin hlaktu tieng hi en lem ka tih.

EZEKIEL 26:16

Tuisuorieta lalhai po po chu an lalṭhungphahaia inthawk chun ṭhung thlâng an ta, an lal puonhai chu sieng an ta, an silfên cheimawihai chu hlîp an ta, anni chu inthinnain inthuom tâng an tih; leihnuoi chungah ṭhung an ta, ieng lai khawmin inthin an ta, nangma chu maktîng an ti che.

DANIEL 11:12

Chun, mipui chu ṭhuoi hmang hung nîng an ta, ama chu a lungril chu hung inchawisâng a ta, sâng sâwm tamtak chu hung pei thlûng a ta, nisienlakhawm, hrât pha ngai naw ni.

LEVI DÂN 19:32

“Lua kêlsam ṭohai hmaa chun i ngîr pei ding a na, tar hmêl chu în za ding a na, i Pathien chu i ṭi ding a nih; Kei hi LALPA chu ka nih.

LUKA 22:26

Nisienlakhawm, nangni chu chuong ang chu ni naw ti niu; in laia ropui tak chu a chîn lem angin um sienla, ân lal tak chu rawngbâwltu angin um lem raw se.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:10

Unauhai hmangai kawnga chun inhmangai takin inlainat tuo seng ro; chawimawi kawnga chun inditsak tuo seng ro;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:14

Lalpa Isu Krista chun inthuom lem unla, in tisa inhâwkna puitlin dingin iengkhawm insiem naw ro.

EPHESI 5:21

Krista ṭi dêkin intuklût tuo seng ro.

PHILIPPI 2:3

Esêlna le inngaihlut leia ieng- khawm thaw loin, mi tinin inngai- tlâwmtakin mâni nêkin mi dang ṭha lemah ngai seng raw hai se.

KOLOSSA 3:12

Chuongchun, Pathien mi thlang, mi inthieng le dittakhai angin inlai- natna lungril dâm, ngilneina dâm, inngaitlâwmna dâm, thuhnuoirawlna dâm, dawtheina dâm chun inthuom ro.

1 TIMOTHE 5:1

Putar deuhai chu hal naw la, pa angin thlêm lem rawh; tlang- lakhai chu unau angin;

HEBRAIHAI 13:17

In hotuhai thu awi unla, an thu thuin um ro; chanchin hril ding an ni leiin, lungngai puma hril loa, hlim puma an hril theina dingin, in thlarau an vêng pêk hlak cheu a nih; lungngai puma hril chu in ta dingin a pawi ding a ni sih a.

JAKOB 4:6

Nisienlakhawm, lunginsietna tam nâwkzuol a pêk hlak; chuleiin, Pathien Lekha Thuin, “Pathienin mi chapohai a kal a, inngaitlâwmhai ruok chu lunginsietna a pêk hlak,” a ti a nih.

1 PETER 3:8

A tâwp taka chun, in rêngin lung- ril hmunkhatin um unla, inlainat tuo unla, unau angin inhmangai unla, lunginsietna nei unla, thuhnuoi- rawlin um ro.

1 PETER 4:1

Chuongchun, Kristain tisaa a tuor leiin nangni khawm, chuong ang lungrilin inthuom ve ro; tisaa tuor ta chun suol a bânsan ta sih a.

1 PETER 4:5

Anni chun, mi hring le mithihai ngaituo dinga inzosa kuoma chun an chanchin la hril an tih.