1 PETER 5:2 - Pathien Lekhabu Inthieng (BSI)

² Nangni laia Pathien Pâwlhai chu enkawl ro. Thaw ding a ni lei ni loin, Pathien thu anga inhâwk pum lemin, hlêpna tirdakum dit lei ni loin, lungrila inhâwktak lemin,

1 PETER 5:2 ပူးပေါင်းရင်းမြစ်များ

2 LALHAI 12:6

Nisienlakhawm, lal Jehoas chu kum sâwmhni le kum thum ân lal hnung khawmin thiempuhai chun in sie chu an la siem naw rawp a.

HLAHAI HLA 1:8

Aw nang nuhmeihai laia hmêlṭha tak, i hriet naw a ni chun, Ran ruolhai kehnunga chun i lampui chu zui suok la, I kêltehai chu berâmpu puon in kâwla chun intlattir rawh.

ISAI 40:11

Ama chun berâm vêngtu angin a pâwl chu châwm a ta, berâmtehai chu a bânin pawm khâwm a tih, a âng- sûnga siein fepui a ta, te ṭhuoi laihai chu damtêin ṭhuoi diel diel a tih,” ti rawh.

ISAI 56:11

Anih, uihai chu duâmtak an na, huntâwk ti hrim an nei ngai nawh; chuong chu berâm vêngtu thil hre theilohai an na, mâni lampui pei, mâni hlâwkna tieng seng, an ngha vawng tâwl, an rêng elin.

ISAI 6:8

Chun, “Tu am tir ka ta, tu am ei ta dingin fêng a ta?” tiin LALPA râwl chu ka hriet a.

ISAI 63:11

Chuong lai chun a mihai chun, Mosie tienlai nihai chu an hriet zing a, hieng ang hin an tih, “Tuisuorieta inthawka a berâm ruol vêngtuhai leh anni hang ṭhuoitu kha khâwlai am? A thlarau inthieng anni laia sietu kha khâw lai am?

JEREMIA 13:17

Nisienlakhawm, in ngai naw chun, in chapona lei chun ka thla chu inrûkin ṭap a tih; LALPA berâm ruol chu sala man an ni tâk leiin ka mit chu rinum titakin ṭap a ta, mitthliin luong thlâng a tih.

JEREMIA 13:20

I mithai kha hang inlên la, hmâr tienga inthawka hunghai saw en ta, i berâm ruol, nanga kuoma pêka um, i berâm ruol mawitak el kha khâwlai am a um a?

JEREMIA 6:13

Anni laia a chîn taka inthawka anni laia a lien tak chenin, inîtthîk tuonain an sip a; zâwlneihaia in- thawka thiempuhai chen khawmin, mi tin el chun indik lotakin an thawh a.

JEREMIA 8:10

Chuleiin, an nuhmeihai chu mi danghai kuomah pêng ka ta, an lohai chu a neitu dinghai kuomah pêng ka tih; mi tin el chu a chîn taka in- thawka a lien tak chenin, inîtthîk- nain an sip sih a; zâwlneia inthawk thiempu chenin indik lotakin an thaw bawk a.

EZEKIEL 34:23

An chunga chun berâmpu pakhat sieng ka ta, ka siehlaw David ngei chu, ama chun anni chu châwm a ta, an ta dingin berâmpu nîng a tih.

EZEKIEL 34:31

Chun, nangni ka berâmhai, ka hlo petna hmuna berâmhai chu mihriemhai hi in na; chun, kei in Pathien chu ka nih, Lalpa PATHIEN chun a tih,” tiin.

EZEKIEL 46:24

Chun, ama chun ka kuomah, “Hieng hi thil suongna in, hi in rawngbâwltuhaiin mihai inthâwi- nahai an suongna ding chu a nih,” a tih a.

MIKA 3:11

Chutaka hotuhai chun lâwm- man beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “LALPA chu eini lai a um naw am a nih? Thil ṭha naw ei chungah hung tlung naw nih,” tiin LALPA chungah an innghat a nih.

MIKA 5:4

Ama chu ngîr a ta, LALPA hrâtnain a ranruol chu châwm a tih: LALPA a Pathien hming ropuina ngei chun: chun, anni chu um zing an tih: ama chu hnuoi tâwp chenin a ropui ding a ni sih a.

MIKA 7:14

Karmel tlâng kâra khawsâwt- taka um i rochan berâm ruol, I mihai chu i hembâwk hmangin châwm la, inhma ang khan Basan le Gileada châwmin um tâwl raw hai se,

ZEKARIA 11:17

Berâmpu, berâm ruol mâk- santu chung chu a va rik de! Kâwlhnâm chu a kut chunga chun um a ta. A mit changtieng chunga leh; A bân ṭâwl zo vawng a ta, A mit changtieng khawm chu inthim tlat a tih!

MALAKI 1:10

Nangni laia mi pakhat bêk, ka mâichâma a thlâwna mei a sêm nawna dinga kawtkhârhai khâr hlak chu um unla chu aw! sipaihai LALPA chun a tih, nangnia hin lâwmna hrim ka nei naw a nih; in kuta thilin- hlân hrim hrim khawm lâwm naw ningah.

NAMBAR 18:7

Nang le i naupasalhai hin mâi- châm le puonzâr sûngtieng in thiempu sin chu thâwng in tih. Chun, nangin rawngbâwl i tih, thiempu sin hi in rawngbâwl sin dingin ka pêk cheu a nih; hnam dang hung inrawl ve phawt chu sukhlum nîng an tih,” a ta.

LUKA 12:32

“Pâwl tlâwmhai, ṭi naw ro; ram pêk cheu hi in Pa lâwm zâwng tak a nih.

THILTHAWHAI 20:29

Ka fe hnungin satene hrânghai nangni lai hung lût an ta, pâwlruol chu hla naw ni hai ti ka hriet.

THILTHAWHAI 21:13

Paula chun a dawn a, “Ieng am in ti a ni leh, in ṭap in ṭap a, ka thla in suksie ie! Lalpa Isu hming lei chun Jerusalema khuop chau ni loin, thi khawm ka huom in sawnnaw,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:15

Chuongchun, nangni Rom khuoa mihai kuoma khawm Chan- chin Ṭha ka theitâwpa hril dingin inzosa zinga um ka nih.

1 KORINTH 9:7

Sipai tu am mâni inchâwm fâwmin râl kâp hlak an um a? Tuin am a ra fa si loin Grêp huon a siem hlak leh? Annawleh, tuin am ranruol nênetui dâwn si loin ranruol a vai hlak a?

1 TIMOTHE 3:3

uoin inrui hmang naw, mi vuo hmang naw, mi nunnêmtak ni lem ding, mi kâwmaw ni lo, tangka sum ngaina naw mi,

1 TIMOTHE 3:8

Chuong ang bawkin, kohran rawngbâwltuhai chu mi inzaum an ni ding a nih; bâutam dâm, uoin he dâm, hlêpna inthieng nawa duâm mi an ni ding a ni nawh;

TITA 1:11

Chuonghai bau chu huppêk ding a nih, hlêpna inthieng naw dit leia thu inchûktir naw ding inchûk- tirin, mihai a sûng sûngin an chawk khawhlo hlak sih a.

TITA 1:7

Kohran hotu chu Pathien sum enkawltu a ni leiin sawisêlbo a ni ding a nih; mi kâwmaw, lunginrawm, uoin inrui hmang, mi vaw hmang, hlêpna inthieng nawa mi duâm a ni ding a ni nawh.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭha- hnemngaia, ama ta dinga a sukthieng theina dingin ei aiin ân pêk kha.

TITA 3:1

Lalhai le thuneituhai kuoma intuklût ding dâm, thu awi ding dâm, thil ṭha tinrêng thawa inzo ding dâm,

PHILEMON 1:14

nisienlakhawm, i lungsietna chu lunginsiet luitir ang ni loin, i thu ang a ni thei lemna dingin i thu naw chun iengkhawm ka thaw nuom nawh.

HEBRAIHAI 12:15

Nguntakin en ro, chuong naw chun, Pathien lunginsietna tling zo naw mi tû amanih um a ta, khâkna zung ieng amanih hung indera suk- buoi cheuin, chu chun mi tamtak chu sukthieng loin um an ta,

2 PETER 2:3

Chun, sum inhnar leiin thu khêlin sumdâwngna dingin hmang an ti cheu a; nisienlakhawm, inhmaa an thiemnaw changna chu a nêp chuong nawh a, an bohmangna hlak a ininnghil bawk nawh.