1 PETER 3:7 - Pathien Lekhabu Inthieng (BSI)

⁷ Nangni pasalhai, chuong ang bawkin, nuhmei hi bêl kawi awl lem an ni lei le, lunginsietna hringna chu changpuitu an ni hre zingin, chawi- mawi pumin in nuhmeihai kuomah um ro, in ṭawngṭainahai hluoa a um nâwna dingin.

1 PETER 3:7 ပူးပေါင်းရင်းမြစ်များ

JOB LEKHABU (THE BOOK OF JOB) 42:8

Chuleiin, tuhin bâwngchal pasa- ri le berâmchal pasari kei unla; ka siehlaw Job kuoma chun fe unla, nangni ta ngei dingin pumrawhmang thilinhlân chu inhlân ro; chun, ka siehlaw Job chun ṭawngṭaipêk a ti cheu a, ama a ni leiin, kei khawma pawm ka tih, in invêtna ang peia ka thaw nawna ding cheu in. Ka siehlaw Job angin keima chungthua thil indik chu in mi hrilpêk ta si nawh a,” tiin.

MATTHAI 18:19

“Titakzetin ka hril cheu hi, hnuoi chunga hin nangni laia mi pahni amanih an thil hni chunga an inthuruol chun, ka Pa vâna mi thawpêkin um an tih.

1 KORINTH 7:3

Pasal chun a nuhmei kuomah a chan ding tâwk chu pe raw se; chuong ang bawkin nuhmei khawma pasal kuomah a chan ding tâwk chu pe bawk raw se.

EPHESI 3:6

Chu chu hi hi a nih: Chanchin Ṭha leiin, Krista Isua chun Jentailhai hi rohluopuihai, taksa pêngpuihai, thutiem dawngpuihai an ni hi.

EPHESI 4:30

Chun, Pathien Thlarau In- thieng chu suklungngai naw ro, in- tlanna nia dingin amaa chun inchika in um kha.

EPHESI 5:33

Iengkhawm ni sien la, nangni laia mi tûkhawmin mani ân hmangai ang bawkin, mani nuhmei hmangai seng raw hai se; nuhmei khawm chu a pasal ṭi dêk dingin fimkhur raw se.

EPHESI 6:18

ieng huna khawm Thlaraua ṭawngṭaiin, chu kawnga chun mi inthieng po pohai ta dingin ṭhahnem- ngai tak le hni tlatin ngaiven ro:

KOLOSSA 3:19

Pasalhai, in nuhmeihai hma- ngai unla, an kuomah vîn naw ro.

1 THESSALONIKA 4:4

inthieng le chawimawiin mâni bêl vawng thiem seng ro.

TITA 3:7

Chuongchun, a lunginsietnaa thiem inchangtira hung umin, cha- tuona hringna beiseina ang peiin rohluotu dinga siemin um thei ei tih.

HEBRAIHAI 1:14

Anni po po chu rawngbâwlna thlarauhai, sandamna rohluotu ding- hai ta dinga rawngbâwl dinga tirsuok an ni naw am a nih?

1 PETER 3:1

Chuong ang bawkin nangni nuhmeihai, mâni pasalhai thu thuin um ro; chuongchun, anni laia tûkhawmin thu chu awi naw sien khawm, thu ni loin, an nuhmeihai chângziea hnein um thei an tih,