1 PETER 3:14 - Pathien Lekhabu Inthieng (BSI)

¹⁴ Nisienlakhawm, felna leia lo tuor ta dâm in ni chun, hamṭhâng in tih. An ṭitumna chu ṭi naw unla, lunginzîng bawk naw ro.

1 PETER 3:14 ပူးပေါင်းရင်းမြစ်များ

THUVARHAI 3:25

Ṭina thut chu ṭi naw la, Mi khawhlo sukṭitna a hung pha khawm ṭi bawk naw rawh.

ISAI 51:12

Kei, keima ngei hi, nangni thlamuontu cheu chu ka nih; thi ding mihriem le hlobet ang chaua siema um ding mihriem naupa ṭia,

JEREMIA 1:8

Anni lei chun ṭi naw la, Nang chu sanhim ding chein i kuomah ka um sih a; LALPA chun a tih,” tiin.

JEREMIA 15:15

Aw LALPA, nang chun i hriet a; mi hre zing la, mi hung sir la, a mi hremtuhai chu phuba hung la rawh; i teireingaitheina chun mi la hmang naw la, nangma lei chun kâwkna ka tuor a ni ti hre rawh.

EZEKIEL 3:9

Lungrâl chu meitâwklung nêka a chang lem angin, i chal ka siem tah a; anni chu ṭi dêr naw rawh, anni hei hmua chun beidawng bawk naw la, sûngkaw hel hmangtak ni hai sien- khawm” tiin.

MATTHAI 10:28

“Chun, taksa sukhluma thlarau sukhlum thei nawhai chu ṭi naw unla, Hremhmuna thlarau le taksa sukbo thei ruok chu ṭi ro.

MATTHAI 10:31

Chuleichun, ṭi naw ro; chawngzawng tamtak nêkin in hlu lem a nih.

MATTHAI 10:39

Tukhawm a hringna hmu chun chân a ta; keia leia hringna chân chun hmûng a tih.

MATTHAI 16:25

Tukhawm a hringna hum nuom taphawt chun chân a tih; tukhawm keia leia hringna chân phawt chun hum a tih.

MATTHAI 19:29

Chun, mi tin inhai amanih, unauhai amanih, farnuhai amanih, pa amanih, nu amanih, nauhai amanih, ramhai amanih, ka hming leia fesan taphawt chun, a let za hmûng an ta, kumkhuoa hringna chang bawk an tih.

MARKA 10:29

Isu chun, “Titakzetin ka hril cheu, tûkhawm keia lei le Chanchin Ṭha leia in amanih, unaupahai amanih, farnuhai amanih, nu ama- nih, pa amanih, nauhai amanih, ram dâm khawm amanih fe san taphawt chu,

MARKA 8:35

Tukhawm ama hringna sanhim nuom chun chân a tih. Tukhawm keia lei le Chanchin Ṭha leia hringna chân chun sanhim a tih.

JOHAN 14:1

“In lungril lunginzîng naw raw se; Pathien in ring, kei khawm mi ring ve ro.

JOHAN 14:27

“Thlamuongna ka mâk pêk cheu hi; keima thlamuongna ka pêk cheu a; khawvêlin a pêk ang cheuin ka pêk naw cheu hi. In lungril lunginzîng naw raw se, ṭi khawm ṭi naw raw se.

THILTHAWHAI 9:16

Ka hming leiin rinum ieng anga nasa am a tuor ding a kuomah lân hriettir ka tih,” a ta.

2 KORINTH 12:10

Chuleiin, Krista leiin hrâtnaw- naahai, sietnaahai, hnengdenaahai, suknawmnatnaahai, hnawchêpnaa- hai, ka lâwm hlak a nih; ka hrât naw po leh ka hrât hlak a nih.

PHILIPPI 1:29

Krista leia ama in ring chau ni loin, ama leia in tuor khawm phal a ni sih a,

JAKOB 1:12

Thlêmna tuor hrâm hrâmtu chu a hamṭha, fiea a um phâleh hringna lallukhum Lalpain ama hmangai- tuhai kuoma a tiem chu a hmu ding a ni si.

JAKOB 5:11

Ngai ta u! tuortuhai chu hamṭha ei tih a, Job selzie chu in hriet a, Lalpain a tâwpa a thaw zie khawm kha in hmu bawk a; Lalpa chu lunginsietnain a sipzie le za a ngai theizie khawm kha.

1 PETER 3:6

Sarain Abraham chu, “Lalpa,” tiin a thu a awi ang khan, thil ṭha thawin, ṭitna ding hrim nei loa in um chun, Sara nauhai nîng in tih.