1 PETER 3:12 - Pathien Lekhabu Inthieng (BSI)

¹² Lalpa mit chu mi felhai chungah a fuh a, A na khawm an ṭawngṭaina tieng a sit hlak sih a, Amiruokchu, Lalpa hmêl chu, Thil suksuoltuhai chungah a um hlak,” ti a ni sih a.

1 PETER 3:12 ပူးပေါင်းရင်းမြစ်များ

2 CHANCHIN SUINA 16:9

Ama tienga lungril ṭha famkim puttuhai chunga a hrâtzie insuklang dingin LALPA mit chun hnuoi chung po poa kil le kap a en vêl ruoi hlak. Hitaka hin nang chun invêtthlâktak el chun i lo thaw tah a, chuleiin, tuta chin chu indonahai khawm nei zing tâng i tih,” a ta.

2 CHANCHIN SUINA 7:15

Chuongchun, hi hmuna ṭawng- ṭaina inhlâna umhai chu, ka mithai chu meng ka ta, ka nahai chun ngai a tih.

INPÂKNA HLABU 11:4

LALPA chu a biekin inthiengah a um a, LALPA chu a ṭhungpha chu vânah a um; Mihriem nauhai hi a mitin a en a, a mitvun chun a fie hlak.

INPÂKNA HLABU 33:18

Ngai ta, LALPA mit chu ama ṭîtuhai chunga chun a fu zing hlak a, A ngilneina beiseituhai chunga chun.

INPÂKNA HLABU 65:2

Aw ṭawngṭâina ngaitu, I kuomah tisa po po chu hung an tih.

INPÂKNA HLABU 80:16

Meiah a kâng tah a, phûrin a um tah a; I hmêla halna leiin an bohmang hlak.

THUVARHAI 15:29

Mi khawhloa inthawkin LALPA chu a hla a, Mi fel ṭawngṭâina ruok chu a hriet hlak.

THUVARHAI 15:3

LALPA mithai chu hmun tinah a um a, Thil ṭha le thil ṭha naw chu a hmu zing hlak.

THUVARHAI 15:8

Mi khawhlo inthawina chu LALPA ta dingin tirdakum a na, Mi tluong ṭawngṭâina ruok chu a lâwm zâwng a nih.

JEREMIA 21:10

Thil ṭha tiengah ni lovin, thil ṭha naw tiengah hi khawpui chunga hin ka hmai kân nghat ta sih a, LALPA chun a tih: Babulon lal kuta pêk nîng a ta, ama chun meiin râwng a tih.

JEREMIA 39:12

“Ṭhuoi la, ama hi ṭhatakin enkawl la, sukpawi naw rawh; ami- ruokchu, i kuoma a hril ang ang chun thawpêk lem rawh,” a ta.

EZEKIEL 15:7

An chunga chun ka hmai innghat ka ta; meia inthawk chun fe suok sienkhawm mei bawkin anni chu kânghmang a tih; chun, chuonga anni chu ka hmai kân nghat pha chun LALPA chu ka nih ti mi hre tâng an tih.

LEVI DÂN 17:10

“Chun, tukhawm Israel sûng- kuo laia mi amanih, ram dang mi anni laia khawsa amanih, ieng thisen khawm fa taphawt chu, chu thisen fatu chunga chun ka hmai sukthim ka ta, a chipuihai laia inthawka tuithlârin inumtir ka tih.

LEVI DÂN 20:3

Kei khawmin ka hmun inthieng sukpawrche ding le, ka hming in- thieng sukpawrche dinga a rîla ra Molek a pêk leiin, chu mi chunga chun ka hmai sukthim ka ta, a chi- puihai laia inthawk chu sukbohmang ka tih.

LEVI DÂN 20:6

“Khawhri aisânthiem zâwlhai le dâwithiemhai pana uiretu chunga chun ka hmai sukthim ka ta, a chipui- hai laia inthawk chu sukbohmang ka tih.

LEVI DÂN 26:17

In chunga chun ka hmai suk- thim ka ta, in hmêlmahai hmaa chun tlâwm in tih; nangni theidatuhai cheuin in chungah ro rêl an ta, tu ihnawt loin tlân in tih.

ZEKARIA 4:10

Thil chînhai ni chu tuin am a hmusit hlak hrim a? Hlim an ta, Zerubbabel kuta chun enremna, hieng pasarihai ngei, chuong LALPA mithai ngei chu an hmu ding a ni sih a; anni chu khawvêl po po kil tin kil tanga chun an tlân vêl tah a,” tiin.

JOHAN 9:31

Pathienin mi suol thu a ngai ngai nawh ti ei hriet; nisienlakhawm, tukhawmin Pathien a ngaisak a, a dit zâwng a thaw chun, Pathienin ama chu a thu a ngai hlak.

DÂN PAHNINA 11:12

LALPA in Pathienin a lungkham ram a nih; LALPA in Pathien mit chu kum thara inthawka a tâwp chenin a fu hlak.

JAKOB 5:16

Chuongchun, sukdama in um theina dingin in suolhai thupha inchawi tuo unla, in ṭawngṭaipêk tuo hlak ro.