1 PETER 3:11 - Pathien Lekhabu Inthieng (BSI)

¹¹ Suol nghatsanin, Thil ṭha thaw raw se; Inremna zawngin, Hnawt pei raw se.

1 PETER 3:11 ပူးပေါင်းရင်းမြစ်များ

JOB LEKHABU (THE BOOK OF JOB) 1:1

Uz rama chun mi pakhat a um a, a hming chu Job a nih; chu mipa chu mi fel le tluong le, Pathien ṭi a suol nghatsan mi a nih;

JOB LEKHABU (THE BOOK OF JOB) 2:3

LALPA chun Setan kuoma chun, “Ka siehlaw Job hi i ngaituo hlak am? Hnuoi chunga hin ama anga mi fel le mi tluong, Pathien ṭi mi le suol nghat- san mi an um si nawh a; a san nei loa ama sukbohmang dinga a chungah i mîn chângtir khawma ama chun a ringumna chu a chel det tlat a nih,” a tih a.

JOB LEKHABU (THE BOOK OF JOB) 28:28

Chun, mihriem kuoma chun, ‘Ngai ta, Lalpa ṭi chu, varna a nih; Suola inthawka fe hmang chu hrietthiemna a ni bawk a,’ a ta,” tiin

INPÂKNA HLABU 125:4

Aw LALPA, ṭhataka umhai chunga chun ṭhatakin thaw la, An lungril indiktaka umhai chunga khawm.

INPÂKNA HLABU 34:14

Suol chu fe san la, thil ṭha thaw rawh; Inremna zawng la, a hnawtin hnawt rawh.

INPÂKNA HLABU 37:27

Suol fe san la, thil ṭha thaw rawh, Chuongchun, kumkhuoin chêng zing rawh.

THUVARHAI 16:17

Mi tluong lamtluongpui chu rîtlonaa inthawka fe hmang hi a na; Mi a lampui vêng ṭhatu chun a lungril chu a vawng ṭha.

THUVARHAI 16:6

Zângaina le thutak chun khawhlona chu sâwpfai a na, LALPA ṭina leiin mihaiin suolna an zâmsan.

THUVARHAI 3:7

Nanga mithaia ringawt chun var naw la, LALPA chu ṭi la, rîtlona chu mâksan rawh.

MATTHAI 5:45

in Pa vâna mi nauhai in ni theina dingin; ama chun mi suolhai le mi ṭhahai chunga chun a nisa ân suoktir a, mi fel le mi fel nawhai chunga khawm ruo ân sûrtir hlak a nih.

MATTHAI 5:9

“Inremna siemtuhai chu an hamṭha; Pathien nauhai inbûkin an la um ding a ni sih a.

MATTHAI 6:13

Suol dinga thlêmnaa chun mi ṭhuoi lût naw la, Mi suol laka chu mi sandam lem rawh, tiin.

MARKA 14:7

Pasiehai chu kumkhuoa in kuoma um an na, in nuom phâ phâ anni chu in lunginsiet thei annâwm, kei ruok chu kumkhuoa in kuoma um ding ka ni nawh hi.

LUKA 1:79

Inthim lai le thina hlima inṭhunghai ên ding le, Thlamuongna lampuia ei kehai mîn pêntir dingin,” tiin.

LUKA 6:35

Amiruokchu, in hmêlmahai hmangai unla, an ṭhatna ding thaw unla, inpûktir ro, beidawng dêr loin; chuongchun, in lâwmman tam a ta, Achunghnungtak nauhai ni bawk in tih; ama chun mi lâwmnachâng hre lohai le mi suolhai a lunginsiet hlak.

LUKA 6:9

Chun, Isûn an kuomah, “Châwlni hin sukṭhat am a thienga, suksiet? Sandam am a thienga, sukhlum? kân dawn cheu a nih,” a ta.

JOHAN 17:15

“Nangin anni chu khawvêla inthawka i lâk suok dinga ngên ka ni nawh a, mi suola inthawk chun i hum ding a nih ka ti lem a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:18

A thei phawt chun nangni tieng bêk mi po po le inremin um ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:17

Pathien ram chu dâwn le fâk tieng thu a ni si nawh a; felna dâm, inremna dâm, Thlarau Inthienga lâwmna dâm a ni lem ie.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:19

Chuongchun, inremna le insuk- sâwt tuona ding thilhai chu hnawt ei tiu.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:1

Chuleiin, ringna leia thiem changa umin, ei Lalpa Isu Krista leiin Pathien le inremin ei um a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:19

Ṭhatna thaw ka nuoma chu ka thaw naw a, suolna ka thaw nuom naw chu ka thaw sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:21

Chuongchun, hi dân hi ka hung hriet suok tah; thil ṭha thaw ka nuom laiin suolna ka kuomah a hung um hlak a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:6

Thlarau tieng thil dit ruok chu hringna le lungmuongna a nih;

GALATI 5:22

Thlarau ra ruok chu hmangaina dâm, hlimna dâm, inremna dâm, dawtheina dâm, ngilneina dâm, ṭhatna dâm, ringumna dâm,

GALATI 6:10

Chuongchun, remchâng hun ei nei ang peiin mi po po kuomah thil ṭha chu thâwng ei tiu, ringna sûnghai laia mi chungah thaw bîk tak ei tiu.

KOLOSSA 3:15

Chun, Krista thlamuonna chun in lungrilah ro rêl raw se; chuong ang ni dingin taksa pumkhata ko in ni hrim in sawnnaw; lawm nachâng hre bawk ro.

1 TIMOTHE 6:18

Thil ṭha thaw dingin, thil ṭha thaw hau dingin, tiktlaia thâwlâwm pe pei dingin,

HEBRAIHAI 12:14

Mi po po le inremna le inthieng- na hnawt ro, chu inthiengna naw chun tukhawmin Lalpa hmu naw ni hai.

HEBRAIHAI 13:16

Nisienlakhawm, thil sukṭhat le tiktlai hi theinghil naw ro; chuong ang inthawina chunga chun Pathien a lungni bêk bêk sih a.

JAKOB 4:17

Chuongchun, tûkhawm thil ṭha thaw ding hre sia, thaw naw chu, a ta dingin suol a nih.

1 PETER 3:12

Lalpa mit chu mi felhai chungah a fuh a, A na khawm an ṭawngṭaina tieng a sit hlak sih a, Amiruokchu, Lalpa hmêl chu, Thil suksuoltuhai chungah a um hlak,” ti a ni sih a.

3 JOHAN 1:11

Dittak, suol chu inchûk naw la, ṭhat chu inchûk lem rawh. Thil ṭha thawtu chu Pathiena inthawk a na, thil suol thawtu chun Pathien a hmu ngai nawh.

RORELTUHAI 11:14

Jepthah chun Ammon mihai lal kuoma chun palaihai a tir nâwk a,