1 PETER 2:22 - Pathien Lekhabu Inthieng (BSI)

²² Ama chun thil hrim a suksuol nawh a, a bauah zâwrna hrim a um bawk nawh.

1 PETER 2:22 ပူးပေါင်းရင်းမြစ်များ

INPÂKNA HLABU 34:13

I lei chu suola inthawkin vêngṭha la, I hmûr chu hlêmna thu hril lo dingin.

ISAI 53:9

Chun, thil nunsetaka thaw ngai loin, a bauah hlêmna hrim hrim um ngai naw sien khawm, a thlân chu mi suolhai kuomah an ruotpêk a, a thi hnung chun mi hausa kuom tieng a um a.

MATTHAI 27:19

Chun, rorêlna ṭhungphaa ân ṭhung lai chun, a nuhmeiin, “Kha mi feltak chunga khan iengkhawm thaw naw rawh; vawisûn hin ama leiin mangah thil tamtak ka tuor a nih,” tiin ân chah a.

MATTHAI 27:4

“Mi thiem thisen kân mantir kha thil ka suksuol a nih,” a ta. Anni ruok chun, “Chu chu kan ta dingin ieng am pawi a ta? Nangin i thaw thawin thaw rawh,” an ti san a.

LUKA 23:41

Eini chu ei tuor âwm tak hrim tuor ei nih, ei thilthaw ra indiktak hmu ei ni chau lem a; ama ruok hin chu iengkhawm a suksuol si nawh,” a ta.

LUKA 23:47

Chun, sipai za hotu chun thil umzie chu a hmu chun, “Hi mipa hi matheiloin mi feltak a ni phawt el,” a ta. Pathien ân pâk tah a.

JOHAN 1:47

Isûn Nathanael a kuoma hung ding chu a hmuh a, a chanchin a lo hril a, “En ta u, Israel mi tak, rîtlona hrim hrim nei lo saw,” a ta.

JOHAN 8:46

Nangni lai tûin am suol kawngah thiemnaw mîn changtir a ta? Thutak ka hril khawmin nangnîn iengdinga in mi ring naw am a na?

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

HEBRAIHAI 4:15

Thiempu Laltak ei hrât nawzie inhrietnahai mi hrietpui phâk naw nei ei ni si nawh a. Eini anga kawng tinrênga thlêmna tuok tah, suol ruok chu suol naw nei ei ni lem.

HEBRAIHAI 9:28

chuong ang bawkin Krista khawm mi tamtakhai suol fepui dinga vawi khat inhlâna um tain, sandamna hmu dinga ama lo nghâktuhai kuoma chun, suol ṭhang loin vawi hninaah hung inlang nâwk a tih.

1 JOHAN 2:1

Ka nauhai, thil in suksuol nâwna dingin hieng thu hi in kuomah ka ziek a ni hi. Tûkhawmin thil a suk- suol chun, Pa kuoma mi hrilpuitu Isu Krista mi fel chu ei nei.

1 JOHAN 3:5

Ama chu suolhai la hmang dingin a hung inlang tah ti in hriet; amaa chun suol iengkhawm a um si nawh a.

THUPUONGSUO 14:5

An baua khêl a suok hrim miin an hriet ngai nawh, sawisêlbo an ni sih a.