1 LALHAI 13:3 - Pathien Lekhabu Inthieng (BSI)

³ Chun, chu ni ma chun inchikna a pêk a, “Hi hi LALPAIN inchikna ding a ti chu a nih, ‘Ngai ta, maichâm hi la kawi phawk a ta, a chunga meivâm- hai hi lân baw vawng a tih,’ ti hi,” tiin.

1 LALHAI 13:3 ပူးပေါင်းရင်းမြစ်များ

1 LALHAI 13:4

Chun, Pathien miin Bethela maichâm a hang hrângkhum lalin a lo hriet chun, Jeroboam chun, “Man ro,” tiin maichâma inthawk chun a kutin a hei ban a. Chun, man tuma a banna kut chu a hung zeng tah a, chuongchun, a kut chu a lâk nâwk thei ta nawh a.

2 LALHAI 20:8

Chun, Hezekia chun Isai kuom- ah, “LALPAIN mi sukdam a ta, LALPA inah a ni thum niin hang fêng ka tih ti inchikna ieng am nîng a ta?” a ta.

FESUOKNA 4:1

Mosie chun a dawn a, “Nisien- lakhawm, ngai ta, kei chu mi ring naw ni hai, ka râwl khawm ngai naw bawk an tih, ‘I kuomah LALPA ân lâr naw kha,’ an mi ti âwm sih a,” a tih a.

FESUOKNA 7:10

Chun, Mosie le Aron chu Pharao kuoma chun an va lût a, LALPAIN thu a pêk ang tak chun an thaw tah a: Aron chun Pharao le a siehlawhai hmaa chun a hmawl chu a pei thlâk a, rûlin a hung inchang tah a.

ISAI 38:22

Hezekia khawm chun, “LALPA inah hang fe nâwk ka tih ti hrietna ieng inchikna am hung um a ta?” a lo ti tah a nih.

JEREMIA 44:29

Chun, hi hi in ta dinga inchikna nîng a tih, LALPA chun a tih: thil ṭha naw tienga dingin ka thu chu a dingchang ngei a nih ti in hriet theina dingin hi hmuna hin ka hrem ding cheu a nih.

JOHAN 2:18

Chun, Judahaiin a kuomah, “Hieng thil i thaw hi inchikna ieng am i mîn hmutir thei a?” tiin ama an in dawn a.

1 KORINTH 1:22

Judahai chun inchikna an phût hlak, Grik mihai khawma varna an zawng bawk hlak;

RORELTUHAI 6:17

Gideon chun a kuomah, “I mit tlung ka lo ni chun, nangma ngeiin i mi biek a nih ti inchikna ieng amanih mîn entir ta la.

1 SAMUEL 2:34

Chun, hi hi, i naupasalhai pahni Hophni le Phinehas chunga thil hung tlung ding chu i ta dingin inchikna nîng a tih; ni khat sûngin an pahniin thi ve vêng an tih.