1 LALHAI 1:9 - Pathien Lekhabu Inthieng (BSI)

⁹ Chun, Adonija chun berâmhai, sebâwngchalhai, ran châwm thâuhai Zoheleth lungah a that a; chu chu En-rogel bula um a nih; chun, lal naupahai, a unauhai po po le, Juda rama lal upahai po po chu a fiel a.

1 LALHAI 1:9 ပူးပေါင်းရင်းမြစ်များ

2 SAMUEL 17:17

Jonathan le Ahimaaz chu En-rogelah an um a, suoknu pa- khat hin anni chu a va hril hlak a na, chun, anni chun lal David chu an va hril nâwk sâwng hlak a; khawpuia an lût chu tukhawma hmu lo ding a nih.

1 LALHAI 1:19

bâwngchalhai, ran châwm thâuhai, berâmhai a that ṭeu a, lal naupahai po po le thiempu Abiathar le sipai pâwl hotu Joab a ko a; nisien- lakhawm, i siehlaw Solomon ruok hi chu a ko ve naw a nih.

1 LALHAI 1:25

Vawisûn hin a fe thlah a, ran châwm thâuhai, bâwngchalhai, be- râmhai a that ṭeu a, lal naupahai po po le sipai hotuhai le, thiempu Abiathar hai dâm a fiel a, chun, ngai ta, an dâwnin an fâk tâwl a, ‘Pathien chun lal Adonija hi humhim raw se,’ an ti a nih.

THUVARHAI 15:8

Mi khawhlo inthawina chu LALPA ta dingin tirdakum a na, Mi tluong ṭawngṭâina ruok chu a lâwm zâwng a nih.

MATTHAI 22:4

Chun, ama chun, ‘Ka ifielhai kuoma khan, ngai ta u, ka ruoi chu kân zo tah; ka bâwngchalhai le ka ran châwm thauhai ka that a, iengkim inzo a ni tah, inneina ruoi fa dingin hung ta ro ti ro,’ tiin suok dang a tir nâwk a.

JOSUA 15:7

chun, ramri chu Akor ruoma inthawkin Debira chun a fe pei a, chun, vadung simtienga um Adum- mima hang fena depa Gilgal tieng panin hmârtieng a fe pei a; chun, ramri chu En-rogelah a suok a nih;

JOSUA 18:16

chun, ramri chu Rephaim hmâr- tieng ruomah Hinnom naupa ruom bula tlâng hmawra chun a fe thlah a; chuongchun, Jebushai sîrah, sim- tieng panga Hinnom ruomah a fe thlah a; chun, En-rogelah a fe thlah a;