1 KORINTH 9:12 - Pathien Lekhabu Inthieng (BSI)

¹² Mi dang hmanin in chunga thuneina chu an chang chun, keini hi chang ding kan ni zuol a ni naw am nih? Nisienlakhawm, chu thuneina chu kan hmang nawh. Krista Chan- chin Ṭha kan hluo nawna dingin ieng- kim kan tuor hrâm hrâm hlak a nih.

1 KORINTH 9:12 ပူးပေါင်းရင်းမြစ်များ

INṬANNA 24:56

Ama chun an kuomah, “Mi sukhnu naw ro khai, LALPA chun ka fenaa hin a mîn hlâwtlingtir ta sih a: ka pu kuoma ka fe theina dingin mîn fetir el lem ro khai,” a ta.

NEHEMIA 4:8

chuongchun, Jerusalem chu hung thawa buoina siem chu an rawt tâwl tah a.

LUKA 11:52

Nangni Dân hretuhai, in chung a rik ie! Varna chabi chu in fe hmangpui a; nangni hlak in lût nuom si nawh a, mi lût ding hlak in khap sih a,” a ta.

THILTHAWHAI 18:3

Chun, Paula chu anni ina chun a tlung tah a; chun, an sinthaw ang thaw a ni leiin anni a hrawn a, an kuomah a thaw ve hlak a; an sinthaw chu puon in siem a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:22

Chu lei tak khawm chun a nih, in kuoma hung ka ṭhul rawp hlak chu.

1 KORINTH 13:7

iengkim a tuor hrâm hrâm a, iengkim a ring a, iengkim a beisei a, iengkim a tuor suo hlak.

1 KORINTH 6:7

Anih, hi hi in fel zo zânnawna pakhat chu a ni pang el, thubuoi in nei intuo hlak hi. Iengdinga in- diknawtaka thawna chu in tuor lem el naw am a na? Iengdinga suk- dâwngna chu in tuor el naw?

1 KORINTH 9:14

Chuong ang tak chun Lalpa chun Chanchin Ṭha hriltuhai chu Chanchin Ṭha chu an fâk hmuna dinga a ruot a nih.

1 KORINTH 9:15

Nisienlakhawm, kei chun chuong chu pakhat khawm ka hmang naw a nih; ka chungah chuong anga in thawna dinga ka ziek a ni bawk nawh; tûkhawmin ka isuong hi iengkhawm ni loa an siem nêk chun thi el lang ka ta dingin a ṭha lem sih a.

1 KORINTH 9:16

Chanchin Ṭha hril lang khawm suong ding hrim hrim ka nei si nawh a; thaw mâkmaw ka chungah ân nghat a ni sih a; Chanchin Ṭha hril naw lang ka chung a rik ding a ni sih a.

1 KORINTH 9:18

Ka lâwmman chu ieng am ni tâng a ta? Chanchin Ṭhaa ka thuneina chu ka hmang zo nawna dingin Chanchin Ṭha ka hril hin, hlaw boa Chanchin Ṭha rawng ka bâwl thei hi a nih.

1 KORINTH 9:2

Mi danghai ta dingin tirko ni naw lang khawm, nangni ta ding bêk chun ka nih; Lalpaa ka tirko nina inchikna chu nangni hi in nih in sawnnaw.

2 KORINTH 11:12

Nisienlakhawm, remchângna hmu nuomtuhaia inthawka rem- chângna chu ka sâttan theina dingin, ka thaw hlak hi thaw pei ka tih, an suongnaa chun keini um ang hin an hung um theina dingin.

2 KORINTH 11:20

Miin suokah siem sienla cheu, fa zo duok sienla cheu, salah man sienla cheu, ama le ama inchawimawi sienla, in hmaiah ben sienla cheu khawm in daw hlak sih a.

2 KORINTH 2:12

Chun, Krista Chanchin Ṭha hril dinga Troas ka tlung lai khan, Lalpaa chun lampui an mi hawngpêk nâka chu,

2 KORINTH 6:3

Kan rawngbâwlna sin chu an dem nawna dingin ieng kawnga khawm tlûkphâna ding hrim hrim kan siem nawh a;