1 KORINTH 8:9 - Pathien Lekhabu Inthieng (BSI)

⁹ Nisienlakhawm, fîmkhur ro, chuong naw chun, nuom nuoma in tlat theina hi mi hrâtnawhai ta dingin tlûkna ni rawi a tih.

1 KORINTH 8:9 ပူးပေါင်းရင်းမြစ်များ

ISAI 35:3

Kut hrâtnawhai chu sukhrât unla, khûp zawihai chu sukdet ro;

ISAI 57:14

Chun, ama chun, “Sung pâwng ro, sung pâwng ro, lampui buotsai ro, ka mihai lampuia an tlûkna ding chu pei ro,” tîng a tih.

EZEKIEL 14:3

“Mihriem naupa, hieng mihai hin an milimhai chu an lungrilhaia chun an lâk tlat a, an hmaihmaa chun an suolna tlûkna lunghai chu an sie tah a; annihai thu indawn hin ka la um rawp ding am a nih?

EZEKIEL 44:12

An milimhai hmaa chun an rawng an lo bâwlpêk ta leiin Israel sûngkuo ta ding chun suolnaa tlûkna lung an lo ni tah a; chuleiin, an chunga chun ka kut kân let a, an suolna chu anni ngeiin phur an tih, Lalpa PATHIEN chun a tih.

LEVI DÂN 19:14

Nasêt chu ṭawngsie în phur ding a ni nawh a, mitdel hmaah inpal thlûkna i sie ding a ni bawk nawh; i Pathien chu i ṭi ding a ni lem; Kei hi LALPA chu ka nih.

MATTHAI 18:10

“Hieng mi chîn laia pakhat khawm hi hmusit naw dingin fîmkhur ro; an vântirkohaiin vânah ka Pa vâna mi hmêl an hmu rawp hlak ti ka hril cheu hi,”

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:1

Chuongchun, eini mi hrâthai hin mâni lâwmna zawng loin mi hrât nawhai hrât nawna ei tuorpui lem ding a nih.

1 KORINTH 10:24

Tûkhawmin mâni ṭhatna ding zawng loin mi dang ṭhatna ding zawng lem raw se.

1 KORINTH 10:28

Amiruokchu, tûin amanih, “Hi hi inthâwina a nih,” tiin a hril cheu chun, ân hriettirtu cheu lei le, a sie le ṭha hrietna leiin fa naw ro;

1 KORINTH 10:29

nang a sie le ṭha hrietna ka ti nawh a, mi dang sie le ṭha hrietna chu ka ti lem a nih. Iengdinga mi dang sie le ṭha hrietna chun ka zalênna a sawisêl am a na?

1 KORINTH 10:32

Judahai ta ding khawmin, Grik mihai ta ding khawmin, Pathien kohranhai ta ding khawmin an tlûk phâna ding hrim hrim iengkhawm thaw naw ro.

1 KORINTH 8:10

Nang hrietna nei mi, tûkhawm- in milim biekna ina thlaithlêng awta an hmu si che chun, anni chu mi hrâtnaw lo ni hai sienla an sie le ṭha hrietna chun milim kuoma inthâwina thil fâk a hung ngam ding a ni naw am a nih?

1 KORINTH 8:12

Unauhai chungah chuong ang thil in suksuola, an sie le ṭha hrietna a hrât naw nâklai, in inhliem hlau chun, Krista chungah thil in suksuol a nih.

1 KORINTH 9:22

Hrâtnawhai ka lâk lût theina dingin hrâtnawhai kuoma chun hrâtnaw angin ka um hlak; iengti kawng zâwngin amanih bêka ṭhen- khathai bêk ka sandam theina ding- in mi po po kuomah iengkim ka ni tah.

2 KORINTH 11:21

Kan lo hrât ta naw angin, insitin ka hril a nih; nisienlakhawm, tûkhawmin ieng kawnga khawm an ngam taphawt (invêttakin hang hril ta inla) kei khawmin ka ngam.

2 KORINTH 11:29

Ka hrâtnawpui loa hrâtnaw tu am a um a? ka lungril sukna loa sukthlûk tu am a um hlak a?

2 KORINTH 6:3

Kan rawngbâwlna sin chu an dem nawna dingin ieng kawnga khawm tlûkphâna ding hrim hrim kan siem nawh a;

GALATI 5:13

Nangni, unauhai, suok ni lo dinga ko in ni sih a; nisienlakhawm, suok in ni nawna chu tisa ta dinga remchângah hmang naw unla, hmangainain rawng inbâwl tuo pêk seng lem ro,

KOLOSSA 2:8

Fimkhur ro, chuong naw chun, tûkhawmin Krista thu ang ni loin, mihriem thurosie le khawvêl A AW B ang lemin an thu var le hlêmna mei meiin râl lâkin la rawi an ti cheu.

1 PETER 2:16

zalên in nih, nisienlakhawm, in zalênna chu suol inkhumna dinga hmang loin, Pathien suoka umna dingin hmang lem ro.

2 PETER 2:19

Anni chu sietna suok ni pum zingin mihai chu zalênna thu an tiem hlak a; mi chu ama hnetu taphawt suokah a um hlak sih a.

THUPUONGSUO 2:14

Nisienlakhawm, tlâwmtêin demna che ka nei, khataka Balaam inchûktirna thu pawm tuhai amanih in umpui lei khan, ama chun milim biekna sa an fâkna ding le, an inditna dingin Balak chu Israel thlahai hmaah tlûkna sie ân chûktir kha.