1 KORINTH 7:25 - Pathien Lekhabu Inthieng (BSI)

²⁵ Chun, nunghâk inthieng tieng thua ruok chun Lalpa thupêk hrim ka nei nawh a; nisienlakhawm, ringuma um dinga Lalpa kuoma inthawka lunginsietna hmu ka ni leiin ka ngaituo ang hril ka tih.

1 KORINTH 7:25 ပူးပေါင်းရင်းမြစ်များ

1 KORINTH 7:6

Nisienlakhawm, hi thu hi thupêk ang tienga ka hril a ni nawh a, phal tieng thua ka hril lem a nih.

1 KORINTH 4:2

Hitaka hin enkawltu chu mi ringum ni a ngai bawk a nih.

1 KORINTH 7:40

Nisienlakhawm, keia ngai chun, a um ngaia a um zing chun hamṭha lem a tih; kei khawm Pathien Thlarau chu nei ve bawkin kân ring a nih.

1 KORINTH 7:12

Mi dang kuoma ruok chun Lalpa ni loin keiin ka hril: Unau tûkhawmin nuhmei awilo mi nei sienla, ama chun a kuoma um zing a lungni phawt chun ma naw raw se.

2 KORINTH 11:17

Ka hril hi Lalpa thu angin ka hril nawh a, ka insuongna ringzona leiin invêt ang takin hril ka ni lem a nih.

2 KORINTH 2:17

Chuong ang ding chun tu am tling zo an ta? Mi tamtakin Pathien thu hi mihai hlêma sumdâwngnaa an hmang angin, keini chun kan hmang ve si nawh a, titakzet lemin, Pathien itir lemin, Pathien mithmuin Kristaa chun thu kan hril lem hlak a nih.

1 KORINTH 15:10

Nisienlakhawm, Pathien lung- insietna leiin ka ni ni ka ni tah; chun, a lunginsietna a mi pêk chu a thlâwnin a um nawh a, chuong nêk hmanin anni po po nêkin ka thaw nasa lem kha; nisienlakhawm, keia khâtin ka thaw nawh a, Pathien lunginsietna ka kuoma um khan a thaw lem a nih.

1 KORINTH 7:34

Chun, pasal nei le nunghâk inthieng chu an inang bawk nawh a; pasal neinaw chun a taksa le a thla- raua inthiengtaka a um theina dingin Lalpa tieng thil chu a lungkham hlak a, pasal nei ruok chun a pasal suk- lâwm theina dingzie ngaituoin khawvêl tieng thil a lungkham lem hlak.

1 KORINTH 7:28

Nisienlakhawm, nuhmei i nei chun thil i suksuol nawh, nunghâk inthieng khawma pasal a nei chun thil a suksuol chuong nawh. Amiruokchu, chuong ang mi chun tisaa chun rinum tuor a tih, nisienla- khawm, kei ruok chun intuortir naw cheu ka nuom a nih.

1 KORINTH 7:10

Chun, innei sahai kuoma chun thu ka pêk (Keia pêk ruok chu ni loin Lalpa pêk a ni lem): Nuhmei chun a pasal ṭhe naw raw se;

INPÂKNA HLABU 78:63

Meiin an tlangvâlhai chu a kânghmang a, An nunghâkhai chun inneina hla hrim hrim an nei ta nawh a.