1 KORINTH 5:8 - Pathien Lekhabu Inthieng (BSI)

⁸ chuleiin, ruoi ṭhêng ei tiu, chawl hluia ṭhe loin, nunsiet le suolna chawla ṭhe bawk loin, takna le indikna chawlṭhanglo beiin ruoi ṭhe lem ei tiu.

1 KORINTH 5:8 ပူးပေါင်းရင်းမြစ်များ

INPÂKNA HLABU 32:2

Mi LALPAIN rîtlona neia a ruot naw, A thlaraua hlêmna hrim hrim um naw chu, a hamṭha.

INPÂKNA HLABU 42:4

Hieng thil hi ka hriet zing a, ka hringna hi ka sûngah ka bunthlâk a, Mipui laia ka feh a, hlimna le inpâkna ri leh, mi tamtak ruoiṭhe, Pathien biekin pana an hma ka ṭhuoi hlakzie ang dâm kha.

FESUOKNA 12:15

Ni sari sûng chu chawl ṭhanglo bei in fâk ding a na, ni khat niha inthawk khawmin in inhaia in- thawkin chawl sie hmang vawng in ta; ni khat niha inthawka ni sari ni chen chun mi tukhawmin chawl ṭhang bei a fâk chun, chu mi chu Israel mihaia inthawka sâtthlâk a ni ding a ni sih a.

FESUOKNA 12:19

Ni sari sûng chu chawl hrim hrim in inhaiah hmu a ni ding a ni nawh: mi tukhawm chawl ṭhang bei fatu chu, mikhuol khawm, a rama pieng khawm, chu mi chu Israel mi- puihai laia inthawka sât thlâk nîng a tih.

FESUOKNA 12:8

Chu zân chun a sa chu meia rawin, chawl ṭhanglo bei leh fâng an ta; hlohna kha leh fâng an tih.

FESUOKNA 13:6

Ni sari sûng chawl ṭhanglo bei fâng in ta, a ni sari ni chun LALPA kuomah ruoi ṭhêng in tih.

FESUOKNA 13:7

Ni sari sûng chu chawl ṭhang- lo bei fâk ding a nih a; chun, in kuoma hrim hrim chawl ṭhang bei hmu a ni ding a ni nawh a, in ram sûng po po le nangni kuoma khawm chawl hrim hrim hmu a ni ding a ni nawh.

ISAI 25:6

Chun, hi tlânga hin sipaihai LALPA chun mi tinrênghai ta dingin thil thauhaiin ruoi ṭhêng a tih, uoin- hai a fe le inchie zing, thil thautakhai thlina sip, uoinhai a fe le inchie zing ṭhataka thlit fai chu.

ISAI 30:29

Chun, zâna ruoiṭhe inthienga an ṭheh a, hla an sak angin hla sak in tih; LALPA tlânga Israelhai Lungpui kuom tlung dinga theihle le an fe laia lungril hlimna an nei angin lungril hlimna khawm nei in tih.

LEVI DÂN 23:6

Chu thla ma, ni sâwmpanga ni chu, LALPA kuoma Chawlṭhanglo bei ruoiṭhe a na, ni sari sûng chu chawl ṭhanglo bei in fâk ding a nih.

MATTHAI 16:12

Chu phingleh, bei chawla inthawka fîmkhur dingin a ti nawh a, Pharisaihai le Saddukaihai inchûk- tirnaa inthawka fîmkhur dingin anni a ti lem ti an hung hriet tah a.

MATTHAI 16:6

Isûn an kuomah, “Pharisaihai le Saddukaihai chawla inthawk chun invêng unla, fîmkhur ro,” a ta.

MARKA 8:15

Chun, ama chun, “Pharisaihai chawl le Herod chawla chun invêng ṭha unla, ṭi dêkin um ro,” a ti tlat a.

LUKA 12:1

Chu sûnga mipui sâng tamtak insir nuk nuk khawp hiel an hung inkhâwm chun, Isûn a hmasatakin a închûktirhai kuomah, “Pharisaihai chawl, vervêknaa in- thawk chun fîmkhur ro.

JOHAN 1:47

Isûn Nathanael a kuoma hung ding chu a hmuh a, a chanchin a lo hril a, “En ta u, Israel mi tak, rîtlona hrim hrim nei lo saw,” a ta.

1 KORINTH 3:3

Nangni laia inthîkna le insêlna a um hlak leiin tisa mi la niin mihriem angin in la um zing a ni naw am a nih?

1 KORINTH 5:1

Nangni lai indit a um ti ân thang veng vung a nih, chuong ang indit chu Jentailhai lai hmana um ngai lo, nangni laia mi pakhatin mâni pa nuhmei a nei kha.

1 KORINTH 5:6

In uong san hi a ṭha nawh ie, chawl tlâwmtêin bei tlang chu a zawpsuo vawng hlak ti in hriet naw am a nih?

2 KORINTH 1:12

Kan isuong chu hi hi a nih: kan sie le ṭha hrietna thu inhriettir chu, inthiengna le Pathien indikna neiin, tisa varnaah ni loin, Pathien lungin- sietna lemin, khawvêla hin kan châng kha, nangni tiengah kan châng ṭha nâwk zuol a.

2 KORINTH 2:17

Chuong ang ding chun tu am tling zo an ta? Mi tamtakin Pathien thu hi mihai hlêma sumdâwngnaa an hmang angin, keini chun kan hmang ve si nawh a, titakzet lemin, Pathien itir lemin, Pathien mithmuin Kristaa chun thu kan hril lem hlak a nih.

2 KORINTH 8:8

Thupêk tiengin ka hril nawh a, mi dang ṭhahnemngainain in hma- ngaina takzie khawm chu infie dingin ka hril lem a nih.

EPHESI 6:24

Ei Lalpa Isu Krista chuoiloa hmangaituhai po po kuomah lunginsietna um raw se.

DÂN PAHNINA 16:16

Kum tin nangni laia pasal po po chu vawi thum LALPA hmaa hmun a la ruot dinga chun an inlang ding a nih. Chawlṭhanglo bei ruoiṭhea dâm, châwlkâr ruoiṭhea dâm, bâwkte ruoiṭhea dâm.

DÂN PAHNINA 16:3

Chawl ṭhang bei leh in fâk ding a ni nawh a; in dam sûng poa Aigupta rama inthawka in suok ni chu in hriet zing theina dingin ni sari sûng chawl ṭhanglo rinumna bei leh in fâk ding a nih, Aigupta rama inthawk khan inhmâwtaka suok in ni kha.

JOSUA 24:14

Chuleiin, LALPA chu ṭi unla, titakzet le indiktakin a rawng bâwl unla, in thlatuhaiin Vadung râl le Aiguptaa a rawng an bâwl hlak pathienhai kha pei vawng unla, LALPA rawng chu bâwl ro.

1 PETER 4:2

Chuongchun, hi hnunga tisaa in la um sûng po chu mihriem châk- nahai tienga um ta loin, Pathien dit zâwng tieng um tâng in tih.