1 KORINTH 5:7 - Pathien Lekhabu Inthieng (BSI)

⁷ Chawlṭhanglo in ni ang bawkin bei tlang thar in ni theina dingin chawl hlui chu zenfai ro. Ei Fekân Ruoiṭhena ding khawm an that ta sih a, Krista ngei chu;

1 KORINTH 5:7 ပူးပေါင်းရင်းမြစ်များ

FESUOKNA 12:15

Ni sari sûng chu chawl ṭhanglo bei in fâk ding a na, ni khat niha inthawk khawmin in inhaia in- thawkin chawl sie hmang vawng in ta; ni khat niha inthawka ni sari ni chen chun mi tukhawmin chawl ṭhang bei a fâk chun, chu mi chu Israel mihaia inthawka sâtthlâk a ni ding a ni sih a.

MATTHAI 13:33

Tekhithu dang an kuomah a hril nâwk a, “Vân ram chu chawl, nu- hmeiin a ilâk, beiphit tekhâwng thum laia arênga a tho vawng hmakhata a iphûm ang chu a nih,” a ta.

MARKA 14:12

Chun, Chawlṭhanglo bei Ruoi- ṭhe ni hmasatak Fekan Ruoiṭhena berâmte an thatna hlak nia chun a închûktirhaiin a kuomah, “Fekân Ruoi bu i fâk theina dingin khâwlai am va siem inlang i nuom a?” an ta.

JOHAN 1:29

Chun, a zînga chun Johanin Isu a kuoma hung ding a hmuh a. Chun, a hril a, “En ta u, Pathien Berâmte khawvêl suol fepuitu ding saw!

JOHAN 1:36

chun, Isu invâk vêl lai chu an en a, “En ta u, Pathien Berâmte saw,” a ta.

JOHAN 19:14

(Chun, chu ni chu Fekân Ruoiṭhe Inringlâwk ni a nih, nisa inding vêl a nih.) Chun, ama chun Judahai kuomah, “En ta u, in Lal hi,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:25

Pathienin ama felzie inentir dingin Krista Isu chu a thisen ringnaa suol thuphachawina dingin a ruot a. Pathien zaidawtheinain in- hmaa suolnahai chu hriet naw tehlêm a thaw a nih.

1 KORINTH 10:17

Eini mi tamtak hi, bei tlang khat, taksa pumkhat ei ni hi; ei rêngin bei tlang khata inthawkin ei chang seng sih a.

1 KORINTH 5:13

Nangniin sûngtienga mi in ngaituoin puotienga mihai ruok chu Pathienin a ngaituo hlak a ni naw am a nih? chu mi suol chu nangni laia inthawkin hnawt dawk ro.

EPHESI 4:22

Chuleiin, in tienlai umdân kawnga mihriem hlui, hlêmna châknaa se deu deu kha hlîp thla unla;

THUPUONGSUO 5:12

chuonghai chun rawl inring takin, “Berâmte that ta hi Thilthawtheina dâm, hausakna dâm, Varna dâm, hrâtna dâm, chawimawina dâm, ropuina dâm, Malsâwmna dâm hmu tlâk a nih ie,” an ta.