1 KORINTH 5:11 - Pathien Lekhabu Inthieng (BSI)

¹¹ Tu ruok hin chu tûkhawm unau hming input siin indit hmang mi amanih, mi duâm amanih, milim betu amanih, inhalhmang amanih, zu inruihmang mi amanih, hlêpru mi amani ni sienla, pâwl lo dingin in kuomah ka ziek a nih; chuong ang mi kuoma chun a fâk khawm fa lo dingin.

1 KORINTH 5:11 ပူးပေါင်းရင်းမြစ်များ

INPÂKNA HLABU 10:3

Mi rilo chun a lungril thil dit zâwng chu a suong hlak a. Mi duâm chun LALPA chu a peithlâk a, a hmusit hlak.

INPÂKNA HLABU 101:5

Tukhawm a vênghai inrûka rêl taphawt chu, chu mi chu sukbohmang ka tih, Mit insâng le lungril chapo put mi chu ngaithei naw ning.

EZEKIEL 22:12

I sûnga chun thisen insuo dingin thamnahai an lâk a; a pung hnawtna le a pung chu i lâk a; nêksâwrnain i tuolbâwmhai chunga chun duâmtakin i lo hlêp tah a; kei i mi lo theinghil tah a nih, Lalpa PATHIEN chun a tih.

MATTHAI 18:17

Chun, anni khawm chu a ngai nuom naw chun, kohranah intlun el rawh; chun, kohran thu khawm a ngai naw chun ama chu i ta dingin Jentail le siedâwltu ang ni raw se.

MATTHAI 23:25

“Dân inchûktirtu le Pharisai vervêkhai, in chung a rik! no le thlêng puo tieng in sâwp fai a, a sûng ruok chu hlêprûkna le insûm nawnain a sip sih a.

LUKA 18:11

Pharisai chu a ngîr a, ama khât chauin hieng ang hin a ṭawngṭai a, ‘Pathien, mi dang hlêpruhai, fel nawhai, uirehai ang ka ni naw lei le, hi siedâwltu ang khawm hi ka ni naw leiin i chungah ka lâwm ie.

LUKA 21:34

“Amiruokchu, fîmkhur ro, chuong naw chun, fâk khawp taluo leh, zu inrui leh, dam sûng khawsak ngaituo leh in lungril sip taluo hlau a ta, chu ni chun châng âwk angin kârloin in chungah hung tlung phut a tih.

THILTHAWHAI 1:15

Chun, chu ni chun unauhai lai Peter a ngîr a, (an rêng chun za le sâwmhni lai an nih),

THILTHAWHAI 9:17

Chun, Anania chu a va feh a, ina chun a lût a; a chungah kut ân nghat a, “Unau Saula, i mit varna ding le Thlarau Inthieng sipa i um theina dingin, Lalpa, i hungna lampuia i kuoma inlâr Isu khan a mi hung tir a nih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:13

Sûna um angin mawitakin um ei tiu, zu dâwn buoi le zu inruia um loin, hur le indit hmanga um loin, insuol le inîtthîka um loin,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:17

Chun, unauhai, inchûktirna thu, nangni inchûk nawna tieng pang in- ṭhena le tlukna siemtuhai chu vêng ṭha dingin le nghatsan dingin ka ngên cheu.

1 KORINTH 10:14

Chuleichun, ka idittakhai, mi- lim biek hi tlânsan ro.

1 KORINTH 11:21

Fâk hun a tlung pha leh, mi tinin mani bu seng in lo fâk el hlak sih a, chuongchun pakhat phîngṭâmin a um a, pakhat ân rui hlak.

1 KORINTH 5:13

Nangniin sûngtienga mi in ngaituoin puotienga mihai ruok chu Pathienin a ngaituo hlak a ni naw am a nih? chu mi suol chu nangni laia inthawkin hnawt dawk ro.

1 KORINTH 6:10

inruhmanghai amanih, mi du- âmhai amanih, zu inruihmanghai amanih, inhalhmanghai amanih, hlêpruhaiin amanih Pathien ram hluo naw ni hai.

1 KORINTH 6:6

Unauin a unau rorêlnaa ân tlun hlak hi? Awilohai hmaah a ni nâwk nghâl sih a.

1 KORINTH 6:9

Anleh, mi felnawhai chun Pathien ram hluo naw ni hai ti in hriet naw am a nih? Hlêmin um naw ro; indithmanghai amanih, milim betuhai amanih, uirehai amanih, mihurhai amanih, mawngkawhurhai amanih,

1 KORINTH 7:12

Mi dang kuoma ruok chun Lalpa ni loin keiin ka hril: Unau tûkhawmin nuhmei awilo mi nei sienla, ama chun a kuoma um zing a lungni phawt chun ma naw raw se.

1 KORINTH 7:15

Nisienlakhawm, a awinaw lemin a ṭhe chun ṭhe el raw se, chuong anga chun chu unaupa amanih, farnu amanih hrên an ni ta nawh. Pathien ruok chun inremnaah a mi ko a nih.

1 KORINTH 8:11

Chuongchun, i hrietna lei chun mi hrâtnaw (unau a thi ai Kristain a thipêk) chu suksietin um a tih.

GALATI 2:12

Mi tuhai amanih Jakob kuoma inthawka an hung hma chun, ama chun Jentailhai lai bu a fâk hlak a; nisienlakhawm, an hung tlung phingleh Sertan mihai chu a ṭi leiin ṭhang nâwk ta loin, ân suktum ta sih a.

EPHESI 5:18

Chun, uoin inruiin um naw ro, chutaka chun insûm nawna a um sih a; Thlaraua sipin um lem ro.

EPHESI 5:5

Indithmang le mi inthiengnaw le mi duâm hrim hrim chu, (mi duâm chu milim betu a nih), Krista le Pathien rama chun chan hrim an nei nawh ti in hriet hle sih a.

KOLOSSA 3:5

Chuongchun, nangnia um hnuoi tieng thilhai chu sukhlum ro, inditna dâm, inthieng nawna dâm, hurna dâm, châkna suol dâm, duâmna dâm hi, duâmna chu milim biekna a ni sih a.

2 THESSALONIKA 3:14

Chun, tûkhawmin hi le- khathawna kan thu hi a zâwm naw chun, ama chu inchik unla, pâwl dêr naw ro, ân zak theina dingin.

2 THESSALONIKA 3:6

Chun, unauhai, kan kuoma inthawka thurosie an ihmu anga um loa, um ṭha nuom lo, unau tinrêng- haia inthawk chun insiekieng dingin, ei Lalpa Isu Krista hmingin thu kan pêk cheu.

1 TIMOTHE 3:3

uoin inrui hmang naw, mi vuo hmang naw, mi nunnêmtak ni lem ding, mi kâwmaw ni lo, tangka sum ngaina naw mi,

1 TIMOTHE 6:5

lungril sie nei le thutak nei naw mi nina, sêlhrâtna dâm a suok hlak; chuonghai chu, Pathien ngaisak hi hlâwkna amanih titu an nih.

2 JOHAN 1:10

Tûkhawm, chu inchûktirna thu chu hung chawi loin, in kuomah hung sienla, in inah intlungtir naw unla, ṭawngbau ṭha khawmin inthla naw ro;

THUPUONGSUO 2:14

Nisienlakhawm, tlâwmtêin demna che ka nei, khataka Balaam inchûktirna thu pawm tuhai amanih in umpui lei khan, ama chun milim biekna sa an fâkna ding le, an inditna dingin Balak chu Israel thlahai hmaah tlûkna sie ân chûktir kha.

THUPUONGSUO 2:20

Nisienlakhawm, demna che ka nei; nuhmei, Jezebel, Zâwlneinu inti kha, i ngai thei leiin; ama chun ka suokhai chu indit le milim biekna thil fâk inchûktirin, a ṭhuoi hmang bawk hlak a nih.

THUPUONGSUO 21:8

Amiruokchu, mi dawi dâm, awi- naw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.

THUPUONGSUO 22:15

Tuola chun, ui dâm, dawithiem dâm, indit chîng dâm, tuolthat dâm, milim bie dâm, khêl ngaina le khêlinhlip taphawthai chu um an tih.