1 KORINTH 2:8 - Pathien Lekhabu Inthieng (BSI)

⁸ Chu chu hi khawvêl rorêltuhai hrim hrimin an hriet nawh, hre hai sien chu ropuina Lalpa chu hemde naw ni hai.

1 KORINTH 2:8 ပူးပေါင်းရင်းမြစ်များ

MATTHAI 11:25

Chu lai chun Isûn a biek a, “Aw Pa, hnuoi le vân Lalpa, nangin mi var le mi bengvârhai kuomah hieng thu hi i ip a, nautehai kuomah i phuong lei hin kân pâk che.

MATTHAI 13:22

Chun, hlohlingnei laia the chu, thu hretu a na; nisienlakhawm, khawvêl lungkhamna le hausakna hlêmna chun thu chu a dîp a, ra loin a um hlak.

LUKA 23:34

Chun, Isûn, “Pa, anni hi ngaidam rawh, an thilthaw hi an hriet naw a ni hi,” a ta. Chun, a silfênhai chu an insemin ai an sân a.

JOHAN 16:3

Chuong thil chu thâwng an tih, Pa le kei an mi hriet naw leiin.

JOHAN 7:48

Hotuhai le Pharisaihai laia mi hrim hrim ama ring an um ta am a nih?

JOHAN 8:19

Chun, anni chun a kuomah, “I pa khâwlai am?” an tih a. Isûn “Nangnîn kei in mi hriet nawh, ka Pa khawm in hriet nawh; kei mi hrie ni unla chu, ka Pa khawm hrieng in tih,” a ta.

THILTHAWHAI 13:27

Jerusalema umhaiin, an hotu- hai leh, ama chu an hriet naw lei le, zâwlneihai thu, Châwlni ta- phawta tiem hlak kha, an hriet bawk naw leiin, ama chu thiemnaw in- changtirin, chu thu chu an hlen tah a.

THILTHAWHAI 7:2

Chun, Stephan chun, “Unauhai, pahai ngai ta u, ei thlatu Abraham Harana a um hmaa, Mesopotamia rama a um lai khan Ropuina Pathien chu a kuomah a hung inlâr a,

1 KORINTH 1:20

Mi var chu khâwlai am a um a? Dân hre mi khawm chu khâwlai am a um a? Hi khawvêla sêltu chu khâwlai am a um a? Pathienin khawvêl varna hi invêtthlâk a nih ti ân hriettir naw am a nih?

1 KORINTH 2:6

Amiruokchu, puitlinghai lai chu thu var kan hril hlak; nisien- lakhawm, hi khawvêl thu var chu a ni nawh, hi khawvêl rorêltu bohmang dinghai thu var chu a ni bawk nawh;

2 KORINTH 3:14

An lungril ruok chu sukngarin a um ta lem a; vawisûn chen khawm hin thuthlung hlui chu an tiemin inkhumna pângngai chu hlîm loin a um zing sih a; chu inkhumna chu Kristaa chun sukboin a um tah a.

EPHESI 1:17

ei Lalpa Isu Krista Pathien, ropuina Pa chun, ama hrietna kawngah, varna le hriet chiengna thlarau a pêk theina ding cheuin.

EPHESI 4:18

hrietnawna anniah a um, chu hrietnawna lei chun Pathien hring- naa inthawka ṭhea hung umin, an hrietnaa chun an hung inthim a nih; an lungril a ngawng leiin,

1 TIMOTHE 1:13

Inhma chun hrilsetu le suknawm- natu le sawisatu ni lang khawm, awi naw puma hre loa thaw ka ni leiin zângaina chu ka hmu a nih;

JAKOB 2:1

Ka unauhai, ei Lalpa Isu Krista, Ropuina Lalpa, ring si chun mi thlier bîk nei naw ro.