1 KORINTH 2:6 - Pathien Lekhabu Inthieng (BSI)

⁶ Amiruokchu, puitlinghai lai chu thu var kan hril hlak; nisien- lakhawm, hi khawvêl thu var chu a ni nawh, hi khawvêl rorêltu bohmang dinghai thu var chu a ni bawk nawh;

1 KORINTH 2:6 ပူးပေါင်းရင်းမြစ်များ

JOB LEKHABU (THE BOOK OF JOB) 1:1

Uz rama chun mi pakhat a um a, a hming chu Job a nih; chu mipa chu mi fel le tluong le, Pathien ṭi a suol nghatsan mi a nih;

JOB LEKHABU (THE BOOK OF JOB) 12:19

Thiempuhai chu ṭhuoi hmangin a suksiet a; Mi hrât chu a nam thlûk bawk a.

JOB LEKHABU (THE BOOK OF JOB) 12:21

Lal nauhai chunga chun hmusitumna a buok a, Mi hrât kâwngchûn chu a sûtpêk bawk a.

INPÂKNA HLABU 146:4

A thuokin a suok san a, ama chu leihnuoiah a kîr nâwk a, Chu ni ngei chun a ngaituona- hai chu a bo nghâl a nih.

INPÂKNA HLABU 33:10

LALPAIN hnam tin remruot chu iengkhawm ni loah ân changtir a, Mi tin ngaituohai chu iengkhawm ṭhathnemna nei loin a siem hlak.

INPÂKNA HLABU 37:37

Mi demkailo inchik la, mi indiktak chu en rawh, Chuong ang mi tâwpna ding chu lungmuongna a ni ding a ni sih a.

ISAI 40:23

mi lienhai iengkhawm ni loa siem hlaktu chu a nih; ama chun hnuoia rorêltuhai chu boruokah a siem hlak.

MATTHAI 13:22

Chun, hlohlingnei laia the chu, thu hretu a na; nisienlakhawm, khawvêl lungkhamna le hausakna hlêmna chun thu chu a dîp a, ra loin a um hlak.

MATTHAI 19:21

Isûn a kuomah, “Ṭha famkima um i nuom chun, fe la, i nei chu zawr la, pasiehai kuomah pe rawh; chuongchun, vânah ro nei i tih; chun hung la, mi hung zui rawh,” a ta.

MATTHAI 5:48

Chuongchun, in Pa vâna mi a ṭhafamkim angin in ṭhafamkim ding a nih.

LUKA 16:8

Chun, a pu chun, sum enkawltu fel naw chu a rem hriet leiin ân pâk tah a; var nauhai nêkin khawvêl nauhai hi an tulai dâna hin an var lem a nih.

1 KORINTH 1:28

chun, khawvêl thil sie le hmusitumhai, thil umnawhai chenin a thlang a, thil umsahai chu ieng- khawm ni loa a siem theina dingin;

1 KORINTH 12:8

Mi pakhat kuomah Thlaraua chun varna thu pêk a nih; mi dang kuomah chu Thlarau thu ma chun hrietna pêk a nih;

1 KORINTH 14:20

Unauhai, lungril tieng naupang naw ro; nisienlakhawm, suol kawnga chu nautê ang ni unla, lungril tienga chun puitling ro.

1 KORINTH 2:1

Chun, kei chu unauhai, Pathien thurûk hril cheuva in kuoma ka hung lai khan ka thu hril ropui le varna ropui le hung ka ni nawh a,

1 KORINTH 2:13

Mihriem varna inchûktir thua hril loin, Thlarau inchûktir thua hril lemin Thlarau tieng thuhai chu thlarau tieng mihai kuoma hrilfiein, chuong thil a mi pêkhai thu khawm chu kan hril hlak.

1 KORINTH 2:8

Chu chu hi khawvêl rorêltuhai hrim hrimin an hriet nawh, hre hai sien chu ropuina Lalpa chu hemde naw ni hai.

1 KORINTH 3:1

Chun, unauhai, Thlarau mi kuoma hril angin in kuomah thu ka hril thei nawh a, tisa mihai kuoma hril angin ka hril lem kha; Kristaa nautêhai kuoma hril ang elin.

2 KORINTH 1:12

Kan isuong chu hi hi a nih: kan sie le ṭha hrietna thu inhriettir chu, inthiengna le Pathien indikna neiin, tisa varnaah ni loin, Pathien lungin- sietna lemin, khawvêla hin kan châng kha, nangni tiengah kan châng ṭha nâwk zuol a.

2 KORINTH 13:11

A tâwp taka chun, unauhai, lâwmtakin um ro. Sukṭhat famkim- in um unla, lungmuongtakin um unla, lungril hmunkhat put unla, lunginruoltakin um ro; chuong- chun, hmangaina le inremna Pathien chu in kuomah a um ding a nih.

2 KORINTH 4:3

Nisienlakhawm, kan Chanchin Ṭha hi inkhuma a um chun bohmang mêkhaia hin a nih inkhuma a um chu.

2 KORINTH 4:4

Krista Pathien angpui, a ropuizie Chanchin Ṭha var chun anni a sunvar thei nawna dingin chuongahai chun khawvêl pathienin awinawhai mit a sukdel tah a.

EPHESI 2:2

chuongahai chun inhma khan hi khawvêl dân angin in um kha, boruoka thuneina lal, tuta awinaw nauhai sûnga sin thaw zingtu thlarau dân ang hin.

KOLOSSA 1:28

Mi tin Kristaa chun ṭha famkim- a kan inngîrtir theina dingin, mi tin infuiin, mi tin varna tinrênga inchûk- tirin a chanchin kan hril hlak hi;

KOLOSSA 4:12

Epaphra, nangni laia mi, Krista Isu suokpa hin chibai a bûk cheu; ama chun Pathien dit zâwng ta- phawta puitling le ring tlatna neia in ngîr theina dingin a ṭawngṭaina- haia chun in ta dingin a thaw rawp a nih.

HEBRAIHAI 5:14

Bu rum ruok chu puitlinghai ta dingin a nih, chuonghai chun asie aṭha hrefie dingin an hriettheina chu hmangin an sâwizawi tah.

HEBRAIHAI 6:1

Chuongchun, Krista thu bul hril ta loin puitling tieng pan ei tiu; lungphûm chu phûm nâwk ta loin– simna dâm, Pathien tienga ringna dâm,

JAKOB 3:15

Chu varna chu chung tienga inthawka hung thla chu a ni nawh a, khawvêl le taksa châkna le khawhria inthawk a ni lem.

JAKOB 3:2

Thil tamtaka chun ei rêngin ei suol hlak sih a. Tûkhawm thuhril kawnga a suol naw chun, ama chu puitling a nih, a taksa pum khawm vêng thei mi a nih.

1 PETER 5:10

Chun, lunginsietna po po Pathien, a chatuon ropuina chang dinga Kristaa kotu cheu chun, sâwt nawtê in tuor hnungin siemṭha famkimin, sukdetin, sukhrât a ti cheu.