1 KORINTH 2:14 - Pathien Lekhabu Inthieng (BSI)

¹⁴ Khawvêl mi chun Pathien Thlarau thil chu a lâwm ngai nawh, ama ngaia chun invêtthlâk a ni sih a; Thlaraua hriet chieng a ni leiin a hriet thei naw hrim a nih.

1 KORINTH 2:14 ပူးပေါင်းရင်းမြစ်များ

THUVARHAI 14:6

Hmusittu chun varna a zawng hlak a, a hmu ngai nawh, Hrietthiemna neitu ta ding ruok chun thiemna chu a awlsam hlak.

MATTHAI 16:23

Ama ruok chu a nghah a, Peter kuoma chun, “Setan, ka hnungah fe rawh, keia ta dingin tlûkna i nih; Pathien thil ngaituo loin mihriem thil i ngaituo lem a ni hi,” a ta.

JOHAN 10:20

A ṭhen tamtakin, “Khawhri a zâwl a, ân vêt a ni hi; iengdinga a thu in ngai am a na?” an ta.

JOHAN 12:37

An hmaah chuong ang thilmak tamtak thaw sienla khawm ama an ring si nawh:

JOHAN 14:17

chu chu Thlarau indiktak a nih; khawvêlin chu chu an nei thei nawh, ama an hmu nawh a, an hriet bawk naw leiin. Nangnîn ama chu in hriet, in kuomah a um zing lei le, nangniah a um ding leiin.

JOHAN 14:26

Chun, Thlamuongtu, Thlarau Inthieng, Pain ka hminga a hung tir ding khan, ama chun iengkim inchûktir a ti cheu a, in kuoma ka hril po po kha inhriet suoktir nâwk a ti cheu.

JOHAN 15:26

“Chun, ka Pa kuoma inthawka Thlamuongtu in kuoma ka hung tir ding, Paa suok Thlarau indiktak chu, a hung tlung pha, ama chun ka thu inhriettir a tih;

JOHAN 5:44

“Nangni inchawimawituo lâwm- hai, iengtin am ring thei in ta? Pathien tak chaua suok chawi- mawina chu in zawng si nawh.

JOHAN 8:43

Iengdinga ka ṭawng umzie in hriet naw am a na? Ka thu hril in ngai phâk naw lei a nih.

THILTHAWHAI 16:14

Chun, a hming Luda, puon senduk zawrtu, Thuotira khuoa mi, Pathien betu nuhmei pakhatin kan thu a hriet a; chun Paula thu hril zâwm dingin Lalpa chun a lungril a sukvar tah a.

THILTHAWHAI 17:18

Chun, Epikuria mi le Stoik mi laia mi var tuhai amanih khawmin ama chu an hung sêl a, a ṭhenin, “Hi mipa bautam hin ieng am hril a tum a?” an ta. A ṭhenin, (Isu thu le thonâwkna thu a hril leiin,) “Ram dang pathienhai thu hriltu a ni âwm ie,” an ta.

THILTHAWHAI 17:32

Chun, mithi laia inthawka thonâwkna thu chu an hriet phingleh a ṭhenin an nuisan a; a ṭhenin, “Hi thu hi i kuomah la ngai nâwk kan tih,” an ta.

THILTHAWHAI 18:15

nisienlakhawm, thuhai, hming- hai, nangni dân chung thuhai mei mei a ni chun, nangnîn rêl lem ro; kei chu chuong ang thu chu ngaituo ka nuom nawh ie,” a ta.

THILTHAWHAI 25:19

an sakhuo dânhai le, Isu mi pakhat thi tahnung, Paula chun, ‘A hring nâwk a nih,’ tiin a hril a; chuong ang a hril lei chun a chungah thubuoihai an lo nei a lo ni lem a.

1 KORINTH 1:18

Kraws thu chu bohmang zinghai ta ding chun invêtna a ni sih a, eini sandam zinghai ta ding ruok chun Pathien thilthawtheina a ni lem.

1 KORINTH 1:21

Pathien varnaa chun khawvêlin varna hmanga Pathien an hmu thei naw hnungin thu hril invêt hmanga a ringtuhai sandam chu Pathienin ṭha a ti hle sih a.

1 KORINTH 1:23

keini ruok chun Krista hemdea um thu chu kan hril lem hlak a ni hi; chu chu Judahai ta dingin tlûkna, Jentailhai ta dingin invêtna a nih.

1 KORINTH 1:25

Pathien invêtna chu mihriem varna nêkin a var lem a, Pathien hrâtnawna khawm mihriem hrâtna nêkin a hrât lem sih a.

1 KORINTH 15:44

mihriem tieng taksaa tuin a um a, Thlarau tieng taksaa keithoin a um, mihriem tieng taksa a um chun thlarau tieng taksa khawm um a tih.

1 KORINTH 15:46

Nisienlakhawm, thlarau tieng chu a um hmasa nawh a, mihriem tieng chu a um hmasa lem; chu hnunga chun thlarau tieng chu a um.

1 KORINTH 2:12

Chuongchun, a thlâwna Pa- thien thil mi pêkhai chu ei hriet theina dingin, eini chun khawvêl thlarau ni loin, Thlarau Pathien kuoma inthawk chu ei hmu lem a nih.

1 KORINTH 3:1

Chun, unauhai, Thlarau mi kuoma hril angin in kuomah thu ka hril thei nawh a, tisa mihai kuoma hril angin ka hril lem kha; Kristaa nautêhai kuoma hril ang elin.

JAKOB 3:15

Chu varna chu chung tienga inthawka hung thla chu a ni nawh a, khawvêl le taksa châkna le khawhria inthawk a ni lem.

1 JOHAN 2:20

Mi Inthieng kuoma inthawkin hriek nâlna in chang a, iengkim in hriet a nih.

1 JOHAN 2:27

Nangni chu ama kuoma in- thawka hriek nâlna in hmu kha nangniah a umzing a, tu inchûktir khawm in ngai nawh, ama hriek nâlna chun thil po po thu ân chûktir lem cheu lei le, indiktak a na, khêl khawm a ni naw leiin, chu chu ân chûktir ang cheu khan amaah um zing ro.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.

JUDA 1:19

Chuong mihai chu tisa mi, Thlarau neinaw, pâwl tumhai siemtu chu an nih.