1 KORINTH 15:52 - Pathien Lekhabu Inthieng (BSI)

⁵² nisienlakhawm, ei rêngin tawtawrâwt nuhnungtak inri pha chun sâwt nawtêa, mitkhap kâr loa sukdanglamin um vawng tâng ei tih; tawtawrâwt chu ân ri ding a ni sih a; chuongchun, mithihai chu hmawn- theiloa keithoin um an ta, eini khawm sukdanglamin um tâng ei tih.

1 KORINTH 15:52 ပူးပေါင်းရင်းမြစ်များ

INPÂKNA HLABU 73:19

Iengtizieha mitkhapkâr chaua an rêm el am a ni aw! Thil râpthlâktakhaia sukbo- hmang daiin an um ta a ni hi.

FESUOKNA 19:16

Ni thum ni chun zîngkâr a la ni laiin, vâninrûmhai, ṭêktlahai, tlâng chunga sûm sâmup le, tawtawrâwt ri inringtak el chu a um tah a; bûka mipui um po po chu an inthin tah a.

FESUOKNA 20:18

Mipui po po chun vâninrûmhai, ṭêktlahai, tawtawrâwt ri le, tlâng khu suok chu an hmu chun mipui chu an inthin a, hlatakah an ngîr a.

FESUOKNA 33:5

LALPA chun Mosie kuomah, “Israel thlahai kuomah hril rawh, ‘Mi kâwmâwtak in nih a, mitkhapkâr bak khawm nangni laia ka fe ve chun ka sukbohmang ding cheu a nih a; chuleiin, in incheinahai chu hlîp ro, iengtin am ka thaw ding cheu a nih ti ka hriet theina dingin,’ tiin,” a tih a.

ISAI 18:3

Khawvêla um po po le leihnuoi hluohai, tlângahai inchikna an târ suok phaleh en ro; tawtawrâwt an mût pha chun ngai ro.

ISAI 27:13

Chu nia chun tawtawrâwt lientak mût an ta; chuongchun, Assuria rama bohmang vâng vânghai le, Aigupta rama hnawtdawka umhai chu hung an ta; Jerusalem khuoa tlâng inthienga chun, LALPA chu chibai bûk an tih.

EZEKIEL 33:3

ram chunga chun kâwlhnâm chu a hung tlung phaa a lo hmu chun tawtawrâwt mût sienla, mipuihai chu vaulâwk raw se;

EZEKIEL 33:6

Nisienlakhawm, vêngtu chun kâwlhnâm hung tlung chu a hmuh a, tawtawrâwt a mût nawh a, mipuihai chu vaulâwk an ni nawh a, kâwlhnâm chu a hung tlung a, anni laia mi tukhawm chu a lâk hmang chun; a suolnaa chu lâk hmang a na; amiruokchu, a thisen maw chu vêngtu kuta chun phût ka tih,’ tiin.

ZEKARIA 9:14

LALPA chu anni chunga chun hmu nîng a ta, a thal chu kâwlinlep angin fe suok a tih; chun, Lalpa PA- THIEN chun tawtawrâwt chu mût a ta, simtieng thlivir le chun fêng a tih.

NAMBAR 10:4

Chun, pakhat chau an mût chun Israel mipuihai hotu ṭhuoituhai chau i kuomah hung khâwm an tih.

NAMBAR 16:21

“Hieng mipuihai laia inthawk hin insiekieng ro; ka hung sukbo- hmang thut theina dingin,” tiin.

NAMBAR 16:45

“Hieng mipuihaia inthawk hin insiekieng ro, ka hung sukbohmang thut theina dingin,” tiin. Chun, anni chu an bawkkhup a.

MATTHAI 24:31

Chun, a vântirkohai chu taw- tawrâwt ri nasatak leh tir suok a tih. Anni chun a ithlanghai chu kâwl kil lia inthawkin, vân tâwpa inthawka a tâwp khing tieng chenin lâwr khâwm an tih.

JOHAN 5:25

Titakzetin, titakzetin ka hril cheu hi, a hun a tlung ding a ni tah, tu khawm hin a tlung zing tah, chu pha chun mithihaiin Pathien Naupa râwl hrieng an ta, a hre taphawt hring an tih.

JOHAN 5:28

Hieng hi mak ti naw ro, a hun a tlung ding a ni tah, chu pha chun thlâna um po poin a râwl hrieng an ta,

1 KORINTH 15:23

Nisienlakhawm, mâni hun seng peiah, keitho ning an tih: ahmasa takin Krista, tho hmathuoitu; chu hnungah, a hung phaleh Ama tahai po.

1 KORINTH 15:42

Mithi thonâwkna khawm hi chuong ang bawk chu a nih. Hmawn theia tuin a um a, hmawntheiloa keithoin a um;

1 KORINTH 15:50

Unauhai, “Tisa le thisen hin Pathien ram hluo thei naw nih a, hmawn thei hin hmawntheilo chu hluo chuong bawk naw ni” ti ka hril a ni hi.

1 THESSALONIKA 4:15

Hi hi Lalpa thuin in kuomah kan hril a nih; eini Lalpa hung pha chena dama lo la um zinghai hin, a in tahai chu lekhal naw tawp ei tih, ti hi.

2 PETER 3:10

Nisienlakhawm, Lalpa ni chu inru angin hung tlung ngei a tih; chu nia chun vânhai chu nasataka inriin bohmang a ta, thil bulhai chu meia emhmangin um tâng a ta, hnuoi le a sûnga sinthaw umhai hi kâng hmang a tih.

THUPUONGSUO 8:13

Chun, ka hang en a, mupui vân- laizâwla vuongin, rawl inringtakin, “Vantirko pathum tawtawrâwt la mût ding, chu ri la hung um dinghai lei chun hnuoia umhai chung a rik ie, a rik ie, a rik ie!” a ti ka hriet a.

THUPUONGSUO 8:2

Chun, vântirko pasari Pathien hmaa ngîr hlakhai chu ka hmuh a; an kuomah tawtawrâwt pasari an pêk a.