Nisienlakhawm, Ammon thlahai lusahairawi chun an lal Hanun kuoma chun, “David hin i pa ân za leiin i kuoma hin thlamuontu a hung tir niin i ring am a ni? David hin khawpui a hne theina dingin a siehlawhai khawpuia hin enthlatu le enfietu dingin a hung tir a ni lem naw am a nih?” an ta.
Chun, mihai chu innêksâwrtuoin um an ta, mi tin an ruolhai leh, mi tin mâni tuolbâwmhai leh, naupang chu upa chungah chapotakin um an ta, mi setak khawm mi inzaumtak chungah chapotakin um bawk an tih.
Nisienlakhawm, berâmte zai- nêm a thattu hmaa ṭhuoia um ang chu ka na, “Thing chu chutaka a ra le chun suksieng ei ta, ama chu mi hring rama inthawk chun sât thlâng ei ta, a hming chu hriet zing a ni nawna dingin,” tia, ka chunga thu phierrûk an phier khawm chu ka lo hriet nawh a.
Chuongchun, Mosie chu a lung a sen hle el tah a; LALPA kuomah, “An thilinhlân chu pawm naw rawh, an sabengtung chu pakhat khawm ka lâk nawh a, tukhawm ka sukna bawk nawh,” a ta.
kei ruok chun, tukhawm a unau chunga lunginsen taphawt chu rorêlna hmabâk zingin um a tih; chun tukhawm a unau kuoma, ‘Hmang- nabopa’ ti taphawt chu rorêlna hma- bâk zingin um a tih; chun tukhawm, ‘Invêtpa’ ti taphawt chu Hremhmun meia pei hmabâk zingin um a tih ti ka hril cheu hi.
Chun, an lungril ngar zie chu pawitipêk bêk bêkin, lungsen puma anni a en vêl hnungin, chu mipa kuoma chun, “I kut phar rawh,” a ta. Chun, a hang phar dawk a, a kut chu a dam tah a.
Chun, a fieltu Pharisai chun a hmu chun, a lungrilin, “Hi mipa hi zâwlnei a ni chun a themtu nuhmei hi tu am a ni, mi ieng ang am a ni hre âwm tak, mi suol a ni sih a,” a ta.
Keiin mâni ta dinga ṭangkaina zawng loa sandam an ni theina dinga mi tamtak ta dinga ṭangkaina zawng lemin, mi po po iengkimah ka suk- lâwm ang tak hin.
Amiruokchu, tûkhawmin a nau nunghâk inthieng ân lêng sâwttir kawnga a sukdik naw a ân hriet chun, ama chu a vânglai a na, a ṭul bawk si chun a thaw nuom chu thaw raw se, thil a suksuol nawh, inneitir el raw se.
Nangni, unauhai, suok ni lo dinga ko in ni sih a; nisienlakhawm, suok in ni nawna chu tisa ta dinga remchângah hmang naw unla, hmangainain rawng inbâwl tuo pêk seng lem ro,
A tâwp taka chun, unauhai, ân dik taphawt dâm, ân zâum taphawt dâm, a fel taphawt dâm, ân thieng taphawt dâm, a ditum taphawt dâm, ân thang mawi taphawt dâm, ṭhatna hrim hrim a um a, inpâkna hrim hrim a um chun, chuong chu ngaituo ro.