1 KORINTH 13:1 - Pathien Lekhabu Inthieng (BSI)

¹ Mihriem ṭawnghai le vântirko ṭawnghaiin thu hril lang khawm, hmangaina ka nei si naw chun dâr inri mei mei amanih, dârbenthek inri mei mei amanih lo nîng ka tih.

1 KORINTH 13:1 ပူးပေါင်းရင်းမြစ်များ

INPÂKNA HLABU 150:5

Dârbenthek ri thûm miin ama chu inpâk unla, Dârbenthek ri infiek miin ama chu inpâk ro.

MATTHAI 25:45

Chun, ama chun an kuomah, ‘Titakzetin ka hril cheu hi, hieng mi chîntak laia mi pakhat chunga in thaw naw chu ka chunga thaw naw in nih,’ tiin la dawn a tih.

MARKA 16:17

Chun, hieng inchiknahai hin a awituhai chu zui pei a tih: Ka hmingin khawhrihai hnawt dawk an ta, ṭawng tharhaiin ṭawng an tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:15

I thil fâk leia i unau lungril a na chun, hmangai dân kawng chu i hraw ta nâw a nih. A thi ai Kristain a thipêk chu i thil fâkin sukbo naw rawh.

1 KORINTH 12:10

mi dang kuomah thilmak thaw- theina pêk a nih; mi dang kuomah thuhril theina pêk a nih; mi dang kuomah thlarauhai hriet dik theina pêk a nih; chun, mi dang kuomah ṭawng hrietlo chi dang danghaia thuhril theina pêk a nih; mi dang kuomah ṭawng hrietlohai hrilfie theina pêk a ni sih a;

1 KORINTH 12:16

Chun, nakâwr hin, “Mit ka ni naw leiin taksaa ṭhang ka ni nawh” ti sienla, chu lei chun taksaa ṭhang naw a ni chuong nawh.

1 KORINTH 12:8

Mi pakhat kuomah Thlaraua chun varna thu pêk a nih; mi dang kuomah chu Thlarau thu ma chun hrietna pêk a nih;

1 KORINTH 13:8

Hmangaina hi iengtik khawm bo naw nih a; amiruokchu, thuhrilna dâm hi um sienla khawm sukbân la nîng a tih; ṭawng hrietlohai dâm hi um sien khawm la mâng a tih, hrietna hi um sienkhawm sukbân la nîng a tih.

1 KORINTH 14:2

Ṭawng hrietloa thuhril chun mihriem kâwla hril ni loin, Pathien kuomah a hril lem a ni sih a; tûkhawmin a thuhril chu an hriet si nawh a; nisienlakhawm, thlarau chun thurûk a hril a nih.

1 KORINTH 14:4

Ṭawng hrietloa thu hril chun ama chau ân siem ṭha hlak. Thuhriltu ruok chun kohran a siem ṭha hlak.

1 KORINTH 14:5

Chun, in rênga ṭawng hrietlohaia thu in hril ka nuompêk cheu; nisien- lakhawm, thu in hril ka nuompêk nâwk zuol cheu a nih; kohranin insiemṭhatna an hmu theina dingin a hrilfie nâwk nghâl naw chun, thu hriltu chu ṭawng hrietloa thu hriltu nêk chun a ropui lem hrim hrim a nih.

1 KORINTH 8:1

Chun, milimhai kuoma inthâwina thilhai thu kha chu: Ei rêngin hrietna ei nei seng ti ei inhriet a. Hrietna hin chu mi a sukuong hlak a, lunginsietna ruok chun mi a siem ṭha hlak.

2 KORINTH 12:4

Paradisa lâka a um le, thu hril thei ruol lo mihriem hril thiengnawhai dâm chu a hriet ti ka hriet.

GALATI 5:22

Thlarau ra ruok chu hmangaina dâm, hlimna dâm, inremna dâm, dawtheina dâm, ngilneina dâm, ṭhatna dâm, ringumna dâm,

GALATI 5:6

Krista Isua chun sertan ieng- khawm a ṭhahnem nawh a, sertan- naw khawm iengkhawm a ṭhahnem chuong nawh, ringna hmangainaa thaw ruok chu a ṭhahnem a nih.

1 TIMOTHE 1:5

Nisienlakhawm, kâwkna san chu lungril inthieng le, sie le ṭha hrietna inthieng le, ringna taktaka inthawka hung suok hmangaina chu an nei theina dingin a nih;

1 PETER 4:8

Iengkim nêkin, ṭhahnemngai- takin inhmangai tuo lem ro; hma- ngaina chun suol tamtak ân khum hlak sih a.

2 PETER 2:18

Thu teplo uortak taka hrilin, suola umhai laia inthawka tlân suok zinghai chu tisa châknaa hurnain an thlêm thlûk hlak sih a.

THUPUONGSUO 14:2

Chun, vâna inthawka rawl ri, tui tamtak ri ang le, vâninrûm ri nasatak ri ang, ka hriet a; chun, ka ri hriet chu ṭingṭang keituhaiin an ṭingṭang an kei ri ang a na,