1 KORINTH 11:6 - Pathien Lekhabu Inthieng (BSI)

⁶ Nuhmeiin a lu ân khum si naw chun, a sam chu tan tâwi lem el raw se; nisienlakhawm, nuhmei ta dingin sam tan amani, mêt kawl amani chu thil inzakum a ni si leiin, a lu inkhum raw se.

1 KORINTH 11:6 ပူးပေါင်းရင်းမြစ်များ

NAMBAR 5:18

Thiempu chun nuhmei chu LALPA hmaah inngirtir a ta, a sam inthlatir a ta, hriet zingna fâkmi thilinhlân, thîk inthâwina thilinhlân chu a kutah inchawitir a ta; thiempu chun ṭawngsie intlungtirtu khâkna tui chu chawi a tih.

THILTHAWHAI 18:18

Chun, chu hnunga chun, Paula chu ni sâwttak a la châm zing a; chu zoa chun, unauhai chu ṭawng- bauṭhain a ṭheh a, chutaka inthawk chu Suria ram tieng lawngin a fe tah a, a kuomah Priskilla le Akuila chu an fe ve bawk a; Paulain thutiem a nei leiin Kenkrieiah a lu a vâw zet a.

1 KORINTH 11:5

Amiruokchu, nuhmei tukhawm, lu inkhum lova ṭawngṭai amani, thu a hril amani chun, a lu a sukmuolpho a nih, ama chu a lu mêt kawl leh thuhmun a nih.

1 KORINTH 11:7

Pasal ruok chu Pathien angpui le a ropuina a ni leiin, a lu ân khum ding a ni nawh a, nuhmei ruok chu pasal ropuina suklangtu a nih.

DÂN PAHNINA 22:5

“Nuhmei chun pasal thuomhnaw an inbel ding a ni nawh a, pasalin nuhmei silfên an inbel ding a ni bawk nawh; tukhawm chuong anga thaw chu LALPA in Pathien ngaiin mi tirdakum a nih.