1 KORINTH 1:20 - Pathien Lekhabu Inthieng (BSI)

²⁰ Mi var chu khâwlai am a um a? Dân hre mi khawm chu khâwlai am a um a? Hi khawvêla sêltu chu khâwlai am a um a? Pathienin khawvêl varna hi invêtthlâk a nih ti ân hriettir naw am a nih?

1 KORINTH 1:20 ပူးပေါင်းရင်းမြစ်များ

2 SAMUEL 15:31

Chun, tuin amanih David chu, “Ahithophel chu Absalom tienga ṭhangin thu phiertuhai lai a ṭhang ve,” tiin a hril a. Chun, David chun, “Aw LALPA, Ahithophel remruot chu invêtnaa inchangtir dingin ka ngên che,” a ta.

2 SAMUEL 16:23

Chuong laia rem a ruot, Ahithophel remruothai chu, Pathien thu ngai anga ngai a ni hlak a, chuong ang bawk chun, Ahithophelin David le Absalom rem a ruotpuihai po po chu ngai a ni hlak.

2 SAMUEL 17:14

Chuongchun, Absalom le Israel mi po pohai chun, “Ark mi Husai remruot chu Ahithophel remruot nêk chun a ṭha lem,” an ti tah a. LALPA chun Absalom chunga chun thil ṭha naw ân tlungtir theina dingin LALPA chun Ahithophel remruot ṭhatak chu letthla dingin a lo ruot ta hrim a nih.

2 SAMUEL 17:23

Chun, Ahithophel chun a rem- ruot ang chu an pawm nawh ti a hrietin a sabengtung chu a siem a, a suok a, a khuo tieng a fe tah a, a sûnghai khawsak dân ding a ruotpêk diem a, ân âwkhlum tah a; chuong- chun, a thih a, a pa thlânah an phûm tah a.

JOB LEKHABU (THE BOOK OF JOB) 12:17

Inrâwnkhâwmhai chu a ṭhuoi hmangin a suksiet a; Rorêltuhai chu invêt ruolah a siem tah a.

JOB LEKHABU (THE BOOK OF JOB) 12:20

Mi ringum ṭawnghai chu a sawn hmang a; Upahai hrietthiemna chu a lâk hmang bawk a.

JOB LEKHABU (THE BOOK OF JOB) 12:24

Hnuoia mipuihai lalhai lungril chu a lâk hmang a, Thlalêr hmun lampui um nawna hmuna chun ân vâktir hlak.

ISAI 33:18

“A tiemtu kha khâw lai am a um tah a? siechawi bûktu kha khâw lai am a um ta a? Râl vêng in insânghai tiemtu kha khâw lai am a um tah a?” tiin; i lungrilin thil râpthlâktak kha ngaituong a tih.

ISAI 44:25

Kei hi khêlhliphai inchiknahai chu teploa siem a, aisânthiemhai in- vêta siemtu, mi varhai innghat kîrtir a, an hrietna invêtthlâka siemtu,

ISAI 53:1

Kan thuhril tuin am a ring a? LALPA kut chu tu kuom am ân lang a?

JEREMIA 10:7

Aw hnamhai Laltak, tuin am ṭi nâwng an ti cheh a? Nang chun i phu hrim sih a, hnamhai laia mi var po po lai le, an lalram sûngahai chun, nang- a ang hrim tukhawm an um nawh.

MATTHAI 13:22

Chun, hlohlingnei laia the chu, thu hretu a na; nisienlakhawm, khawvêl lungkhamna le hausakna hlêmna chun thu chu a dîp a, ra loin a um hlak.

JOHAN 12:31

Tuhin hi khawvêl hi ngaituo lai a nih; tuhin hi khawvêl lal hi pei suok nîng a tih.

THILTHAWHAI 17:18

Chun, Epikuria mi le Stoik mi laia mi var tuhai amanih khawmin ama chu an hung sêl a, a ṭhenin, “Hi mipa bautam hin ieng am hril a tum a?” an ta. A ṭhenin, (Isu thu le thonâwkna thu a hril leiin,) “Ram dang pathienhai thu hriltu a ni âwm ie,” an ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:20

Amaa mizie hmu thei lo hai, a chatuon thilthawtheina le a Pathien nizie chu, leihnuoi siem tîra inthawkin chiengtaka hmuin a um a, thilsiema chun ân lang a nih; chuleichun, suonlam ding hrim an nei nawh;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:22

Vara inngaiin invêt an lo ni tah a,

1 KORINTH 1:19

“Mi var varna chu sukbohmang ka ta, Remhre remhrietna chu peithlâng ka tih,” ti ziek a ni sih a.

1 KORINTH 1:26

Unauhai, a kona cheu hi ngaituo ta u, tisa tienga mi var tamtakhai, mi hrât tamtakhai, mi ṭha tamtakhai ko an ni naw zie hi;

1 KORINTH 1:27

nisienlakhawm, Pathienin khawvêl thil invêthai chu a thlang lem a, mi varhai chu a sukmuolpho theina dingin;

1 KORINTH 1:28

chun, khawvêl thil sie le hmusitumhai, thil umnawhai chenin a thlang a, thil umsahai chu ieng- khawm ni loa a siem theina dingin;

1 KORINTH 11:32

Rorêlpêka ei um khawmin, khawvêl mihai anga thiemnaw changa ei um nawna dingin Lalpa thununin ei um hlak a nih.

1 KORINTH 2:6

Amiruokchu, puitlinghai lai chu thu var kan hril hlak; nisien- lakhawm, hi khawvêl thu var chu a ni nawh, hi khawvêl rorêltu bohmang dinghai thu var chu a ni bawk nawh;

1 KORINTH 2:8

Chu chu hi khawvêl rorêltuhai hrim hrimin an hriet nawh, hre hai sien chu ropuina Lalpa chu hemde naw ni hai.

1 KORINTH 3:18

Tûkhawmin ama le ama inhlêm naw raw se. Nangni laia tûkhawm hi khawvêla vara inngai chu a hung var theina dingin mi invêtah hung inchang phawt raw se.

1 KORINTH 3:19

Hi khawvêl varna hi Pathien ngaiah invêtna a ni sih a. “Ama chun mi varhai chu anni var vervêknaah a âwk hlak,” ti ziek a ni sih a.

1 KORINTH 6:2

Anleh, mi inthienghai chun khawvêl hi an ngaituo ding a nih ti in hriet naw am a nih? Chun, khawvêl hman hi in ngaituoa um ding a ni chun, thil chîntakhai khawm chu ngaituo tlâklo in ni ding am a nih?

JAKOB 4:4

Nangni uirenuhai, khawvêl ruol nina hi Pathien hmêlma nina a ni ti in hriet naw am a nih? Chuongchun, tûkhawm khawvêl ruol ni nuom taphawt chu Pathien hmêlmaah ân siem hlak a nih.