1 KORINTH 1:10 - Pathien Lekhabu Inthieng (BSI)

¹⁰ Chun, unauhai, in rênga thu hmunkhat in hril a, nangni lai inṭhena hrim a um nawna dingin, lungril hmunkhat le ngaituo hmunkhata feltaka in inzawm tlat lemna dingin ei Lalpa Isu Krista hmingin ka ngên cheu.

1 KORINTH 1:10 ပူးပေါင်းရင်းမြစ်များ

INPÂKNA HLABU 133:1

Ngai ta, unauhai inngei diel diela um khâwm hi, A va ṭhain, a vân hawi de!

JEREMIA 32:39

kumkhuoa an mi ṭi theina dingin anni chu lungril pakhat le lampui pakhat chau pêng ka tih; anni le an hnunga an thlahai ṭhatna dingin.

MATTHAI 9:16

Chun, tukhawmin puon hlui puon la rin mar lo hlekin an phâwk ngai nawh; a phâwk pingna ding chun puon chu keithlêr lem a ta, a tlêr nasa lem ding a ni sih a.

MARKA 2:21

Tukhawmin puon hlui puon la rin mar lo hlekin an phâwk ngai nawh; phâwk ang sienla, a phâwkna chun keiek lem a tih, a thar chun a hlui chu keiek a ta, inek nasa det lem a tih.

MARKA 3:24

Ram khawm ama le ama ân do chun, chu ram chu ngîr suok thei naw ni.

JOHAN 10:19

Chuong thu lei chun Judahai an inṭheh a, an inkhing nâwk a.

JOHAN 17:23

kei anniah, nang keimaah, anni pumkhata an um a, an famkim theina dingin, nangin kei i mi tir ti le, i mi hmangai angin anni hi i hmangai ti, khawvêlin an hriet theina dingin.

JOHAN 7:43

Chuongchun, ama leiin mipui chu an inṭheh a, an inkhing tah a.

JOHAN 9:16

Chun, Pharisai ṭhenkhatin, “Chu mipa chu châwlni a hlutsak naw leiin Pathien kuoma inthawka suok ni naw ni,” an ta. Ṭhenkhat ruok chun, “Mi suolin iengtin am hieng ang thilmak thaw thei a ta?” an ta. An inṭheh a, an inkhing tah a.

THILTHAWHAI 4:32

Chun, a ringtu mipuihai chu lungril hmunkhat le ngaituo hmun- khatin an um a; anni laia pakhat khawmin an sum nei, “Ka ta bîk a nih,” an ti nawh; thil po po an inṭâwm lem hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:13

Unauhai, Jentail danghai laia kân rimna ra ka hmu ta ang bawkin, nangni lai khawm a ra ka hmu theina dingin, in kuoma hung vawi tamtak ka tum tah ti in hriet naw ka nuom nawh; nisienlakhawm, kha hma po khan chu dangin ka um rawp a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:1

Chuongchun, unauhai, Pa- thien lunginsietna lei hin in- thâwina hring le inthieng le Pathien ilâwmtlâk ni dingin, in taksa chu inhlân dingin ka ngên cheu a nih; chu chu in rawngbâwlna âwm hrim a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:16

Ngaituo hmunkhatin um tuo seng unla, inngaituo sâng taluo naw unla, mi chînhai inruolpui lem ro. Intivar naw ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:30

Unauhai, tuhin, in mi ṭawngṭai pêknaa chun ṭhahnemngaitaka mi ṭawngṭai pêk dingin Lalpa Isu Krista le Thlarau Inthieng hmangainain ka ngên cheu a nih:

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:17

Chun, unauhai, inchûktirna thu, nangni inchûk nawna tieng pang in- ṭhena le tlukna siemtuhai chu vêng ṭha dingin le nghatsan dingin ka ngên cheu.

1 KORINTH 1:11

Ka unauhai, in chungchâng thu chu, nangni lai insêlnahai a um ti Kloi sûnghai chun an mi hril a nih.

1 KORINTH 11:18

A hmasatakin, kohran anga in inkhâwm chângin nangni lai inṭhena a um hlak ti thu ka lo hriet sih a; iemani chenah ka ring deu bawk a nih.

1 KORINTH 12:25

taksaa hin inṭhena hrim um loa, pênghai hin inangtaka an inbuoipui tuo seng theina dingin.

1 KORINTH 3:3

Nangni laia inthîkna le insêlna a um hlak leiin tisa mi la niin mihriem angin in la um zing a ni naw am a nih?

1 KORINTH 4:16

Chuongchun, mîn chûk dingin ka ngên cheu a nih.

2 KORINTH 10:1

Chun, kei Paula, nangni laia in mithmua thuhnuoirawltaka um a, nangni laia umnaw phingleh nangni tieng zuom si hlak ngei hin, Krista zaidamna le nunnêmnain ka ngên cheu.

2 KORINTH 13:11

A tâwp taka chun, unauhai, lâwmtakin um ro. Sukṭhat famkim- in um unla, lungmuongtakin um unla, lungril hmunkhat put unla, lunginruoltakin um ro; chuong- chun, hmangaina le inremna Pathien chu in kuomah a um ding a nih.

2 KORINTH 13:9

Keini kan hrâtnaw lai khawma nangni in hrât hin kan lâwm hlak in sawnnaw; hi hi kan hni bawk hlak, nangni ṭhat famkimna ding hi.

2 KORINTH 5:20

Chuongchun, Krista aia palai kan na, Pathienin keini hmangin a ngên cheu ti thei a nih. “Pathien leh hung inrem ro,” tiin Krista aiin kan ngên cheu a nih.

2 KORINTH 6:1

Chun, Pathien lunginsietna chu ṭhathnempui loa in hmu nawna dingin, ama thawpuiin ka ngên cheu a nih.

GALATI 4:12

Unauhai, ka ngên cheu a nih, keia angin um ro, kei khawm nangni angin ka um sih a. Ka pawi iengkhawm in tâwk nawh.

PHILIPPI 1:27

Iengkhawm ni sienla, in um dân chu Krista Chanchin Ṭha leh inmawi phawt raw se. Chuongchun, nangni hung kan inla cheu khawm, in kuomah um naw lang khawm, thla- rau hmunkhata ngîr tlatin, lungril hmunkhata Chanchin Ṭha ringna thu ṭana thâtak sangin in um ti in chanchin lo hre thei ka tih.

PHILIPPI 3:16

Iengkhawm ni sien la, ei phâk chin ang pei hi sukdikin, chutaka inthawk chun fe pei ei tiu.

1 THESSALONIKA 5:13

an sinthaw leia hmangaia ngaihlu bêk bêk dingin. Inremin um ro.

2 THESSALONIKA 2:1

Nisienlakhawm, unauhai, ei Lalpa Isu Krista hungna le a kuoma ei hang inkhâwmna ding thua chun,

1 TIMOTHE 5:21

Hieng thu hi thlier bîk nei loin, thlier bîk neia iengkhawm thaw loin, Pathien le Krista Isu le Vântirko thlanghai mithmuin zâwm dingin ṭhahnemngaitakin kân hriettir che.

2 TIMOTHE 4:1

Pathien mithmu le, mi hring le mithi ngaituotu ding, Krista Isu mithmua chun, ân lârna le a ram sâlin, ṭhahnemngaitakin kân hriettir che:

JOSUA 22:15

Chun, Reuben thlahai le Gad thlahai le Manasse hnam zâtvehai kuoma chun Gilead ramah an hang fe tah a,

1 PETER 2:11

Dittakhai, mikhuol le khuolfe in ni leiin, thlarau do hlaktu tisa châknahai bânsan dingin ka ngên cheu.

1 PETER 5:10

Chun, lunginsietna po po Pathien, a chatuon ropuina chang dinga Kristaa kotu cheu chun, sâwt nawtê in tuor hnungin siemṭha famkimin, sukdetin, sukhrât a ti cheu.