1 JOHAN 5:8 - Pathien Lekhabu Inthieng (BSI)

⁸ Thlarau le tui le thisen chu: chuong pathum chu an inthuruol a nih.

1 JOHAN 5:8 ပူးပေါင်းရင်းမြစ်များ

MATTHAI 28:19

“Chuongchun, fe unla, hnam tina mi inchûktir dâmin siem unla, Pa le, Naupa le, Thlarau Inthieng hming chun baptist unla;

MARKA 14:56

Mi tamtakin khêlin an hêk a; nisienlakhawm, an hêkna thuhai chu ân hmu thei si nawh a.

JOHAN 15:26

“Chun, ka Pa kuoma inthawka Thlamuongtu in kuoma ka hung tir ding, Paa suok Thlarau indiktak chu, a hung tlung pha, ama chun ka thu inhriettir a tih;

JOHAN 19:34

Nisienlakhawm, sipaihai laia mi pakhatin a nâkah feiin a sun a, chuongchun, thisen le tui a suok nghâl ta a.

THILTHAWHAI 15:15

Chun, chuong thu le zâwlneihai thu hi ân hme a nih:

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:16

Thlarau ngei chun, eini thlarau leh, Pathien nauhai ei nih ti a mîn hriettir hlak.

2 KORINTH 1:22

ama chu a mîn chiktu le ei lungrila zakhamna thlarau mi petu a ni bawk a.

HEBRAIHAI 13:12

Chuongchun, Isu khawmin ama thisen ngeia mihai a sukthieng theina dingin, kul kawtkhâr puotieng chun a lo tuor tah a.

HEBRAIHAI 6:4

Chun, vawikhat lungril sukvara, vân thilpêk intema, Thlarau Inthieng inchangtira,

1 PETER 3:21

Chu angpui Baptisma chun, Isu Krista thonâwkna leiin tuhin a sandam cheu a nih. (Chu chu tisa inthieng naw sukfai el ni loin, sie le ṭha hrietna inthienga Pathien lamna hi a ni lem).

1 JOHAN 5:9

Mihriem inhriettirna hman ei pawm chun Pathien inhriettirna chu a ropui lem sih a; Pathien inhriet- tirna chu hi hi a nih, “Ka Naupa chanchin kân hriettir tah,” ti hi.